عايز اغسل المتور من تحت

**zocor742** · 13-05-2009 04:22 AM

السلام عليكم
انبارح كنت بفك العجلة الشمال قدام عشان كان فية مسمار فى الكاوتش فابصيت على المتور من تحت لقيت زى طينة لازقة فى المتور فابمسح بأيدى كان بيطلع بس كان تقريبا على المتور كلة من تحت بس مكنش باين غير الجزء الى مكشوف مكان العجلة المفكوكة كنت عايز اغسلة بس الجزء دة بس انا بخاف اغسل المكنة فوم وبظف بية من فوق بس مش بوصل لأماكن دى اروح البنزينة ارفع العربية واخلى العامل يعملوة بجاز ولا اعملة بالفوم بس معتقدش هيدى نيجة زى الجازبس اهم حاجة عشان انا متعقد من غسيل المتور دة هو تحت المتور فى اى حساسات او اى حاجة تتأثر بالمياة او الجاز المضغوط ولا اعمل اية وهل تركم الطراب مع الشحوم =طينة بيأثر على المتور فى حاجة او بيخنقة وازاى مخليش الموضوع دة يتكرر
معلش ياجماعة طولت عليكم اوى بس دة من عشمى فيكم

**abzoabzo** · 13-05-2009 09:46 AM

غسيل بميه عادى جدا قلل الغسيل بالجاز للانه بيشقق وبيلم تراب

**Abdo_Eldesokey** · 13-05-2009 03:02 PM

الموتور من تحت بيبقى معالج كويس ضد الصدأ ... فممكن تعمله بمية عادى مش هيتأثر

انت كده كده وانت ماشي بتعدى على مية كتير

**samirayad** · 13-05-2009 04:52 PM

_ عن نفسى فى أحوال زى دى .....كنتت بجيب حاجه فيها جاز مثلا ......ومن تحت العربيه وأغسل بقطعة قماش مبلله بالجاز ( سواء كرتيرة الموتور أو أجزاء من العفشه ).........

_ أما لو عاوز تغسل بالفوم المخصص والماء مثلا .....فيجب تغطية كل المكونات الكهربيه ( وخصوصا الدينامو ) بأكياس بلاستيك شفافه ........وممكن تغسل بعد كده من تحت ......ولكنى لا أفضل ذلك .........ولسه موضوع ال tps

حاصل معاك ........لأن المره الجايه ممكن يحصل دخول ميه فى حساس زى الكرنك مثلا .....................

_ وعربيتى بقالها 3 سنين مغسلتهاش من تحت ......ولو أضطررت حشتغل بالطريقه اليدوى .....كناحيه أمان.....

_ لأن لسه الذاكره عندى بتاعة الوحده فاضيه .........وعاوز أحافظ عليها كده بقدر الأمكان.................

**zocor742** · 13-05-2009 06:23 PM

شكرا يا جماعة على مروركم
بس المشكلة ان الاماكن دى مش هعرف اوصلها بأيدى لازم العربية تترفع انا فكرت اجيب بخاخة واحط فيها بنزين او جاز وارش على الاماكن المتسخة لحد ما تنظف بس المشكلة هرفع العربية ازاى وفين انا عايز اعملها بنفسى عشان بتوع الغسيل مش بيفهموا حاجة وبيمسك مسدس المية واديها فى اى حتة وعايز اعرف هو فية اى اجزاء حساسة تحت ولا لأ
معلش يا جماعة اصل لو حد شاف المنظر هيصعب عالية المتور دة انا حاسس انة لو نشف مش هيطلع

وان شاء الله ذاكرة الوحدة تفضل فاضية عندك ياباش مهندس

**هيثم** · 13-05-2009 06:39 PM

[quote=samirayad;844518]_ _ لأن لسه الذاكره عندى بتاعة الوحده فاضيه .........وعاوز أحافظ عليها كده بقدر الأمكان.................
[/quote]

ايه ذاكره الوحده ديه با باشمهندس سمير

**bishoy02010** · 13-05-2009 06:56 PM

فى اى بنزينة نظيفة هما بيظبطوا الحاجات ديه وعادتا مبيحصلش مشاكل :)

**samirayad** · 13-05-2009 07:44 PM

ايه ذاكره الوحده ديه با باشمهندس سمير

طيب حضرتك أقرأ الموضوع ده الأول ...........ولو ليك سؤال بعد الأطلاع عليه ......أنا تحت أمرك على قدر ما أستطيع ............................

http://www.nilemotors.net/Nile/showthread.php?t=73056

**samirayad** · 13-05-2009 07:56 PM

المشاركة الأصلية كتبت بواسطة zocor742

شكرا يا جماعة على مروركم
بس المشكلة ان الاماكن دى مش هعرف اوصلها بأيدى لازم العربية تترفع انا فكرت اجيب بخاخة واحط فيها بنزين او جاز وارش على الاماكن المتسخة لحد ما تنظف بس المشكلة هرفع العربية ازاى وفين انا عايز اعملها بنفسى عشان بتوع الغسيل مش بيفهموا حاجة وبيمسك مسدس المية واديها فى اى حتة وعايز اعرف هو فية اى اجزاء حساسة تحت ولا لأ
معلش يا جماعة اصل لو حد شاف المنظر هيصعب عالية المتور دة انا حاسس انة لو نشف مش هيطلع

وان شاء الله ذاكرة الوحدة تفضل فاضية عندك ياباش مهندس

أمن نفسك كويس ( وغطى كل المكونات الكهربائيه ) وتوكل على الله وأغسل طالما الوضع مدايقك كده بتاع وضع العربيه من تحت (لأن أنتى الأدرى برضه بالحاله )...................بعد رفع العربيه فى محطه كويسه وتكون سمعتها محترمه...................................... .....

_ وبرضه أنصحك بالسؤال عن ظروف المحطه ( هل العمال اللى فيها كويسين وفاهمين يعنى أيه محركات حقن الكترونى ) .......وفيه حساسات ودينامو وخلافه ....( وغطى الدينامو بالذات )........................................

_ وبرضه خليك حدق .....وأدى الراجل اللى حيغسل حاجه (غير تكاليف الغسيل بتاعة المحطه ) علشان يخللى باله منك ............وأن شاء الله خيرا

**zocor742** · 13-05-2009 10:02 PM

انا هتكل على الله بعد صلاة الجمعة فى بنزينة موبيل فى سموحة اسمع انها ممتازة وفيها كل الخدمات الى بنحتاجها
وربنا يستر بقى اصل حصلى عقدة من غسيل المتور وبقيت بكتفى بالفوم والمسح بفوطة فقط لاغير كنت كل مرة اغسل الماتور ربنا بيكرمنى بواحد مش فاهم حاجة يعكلى الدنيا

الموضوع: عايز اغسل المتور من تحت

LinkBack

أدوات الموضوع

عرض

عايز اغسل المتور من تحت - انشر الموضوع فى :

-

-

-

-

-

المواضيع المتشابهه

عايز اغسل الماتور من بره ؟؟

عايز اغسل العربية من تحت

يا جماعة عايز اغسل العربية!

عايز اغسل الشاسيه؟

عايز اغسل العربيه و خايف

الكلمات الدلالية لهذا الموضوع

المفضلات

المفضلات

ضوابط المشاركة