الموضوع: بداية مشروع كمبيوتر سيارةcarputer

بسم الله الرحمن الرحيم
مشرووع كمبيوتر السيارة
أولا قبل كل شى احب اقول ان لولا ربنا اولا و Ibiza و hnaga ولا كنت عرفت اعمل اى حاجة
انا من شهر واحد و بالتحديد حتى اوائل ابريل 2009 مكنتش اعرف يعنى اية كمبيوتر سبارة
كنت بالصدفة بدور على دىفىدى للسيارة و طلعلى فى البحث منتدى نايل موتورز و قريت موضوع العضو Ibiza عن كمبيوتر السيارة و الموضوع اكل دماغى و قررت احاول افهمة و انفذة
بداءت فى رحلة بحث طويلة عريضة
وفى النهاية توصلت للاتى
محتاج كمية حاجات كتيرة من برة
1-7"vga touch screen in dash style
"ودى انا اخترتها لعدة اسباب
اولا:وان دين يعنى تركب من غير تعديل و لا اى عك"
ثانيا: فيها بيلت ان امبليفير 4*45W يعنى مش ححتااج امبليفاير اضافى للسماعات
ثالثا: فيها راديو يعنى انا ناوى اركب الكومبيوتر و استغنى عن الكاسيت نهائيا و احسن يكون فية راديو احسن من الusb بتاع الكمبيوتر
2-ماذربود d945gclf2ودى ميزتها الحجم و السعر و الامكانيات
يعنى فيها 8 usb ,tv-out,1.6Ghz1 dual core,وحجمها 17*17سم و سعرها معقول بالنسبة للى زيها
3-باور سابلاى عربية M2-Atx و دة 160W و مصمم للعربيات من برة
4-رام 2 جيجا و دى من مصر ان شاء الله
5-هارد 250جيجا ساتا و دة من مصر بردو
6-دىفىدى رايتر slim type بالكونفرتر بتاعو من برة
7-low profile heat sink للماذربورد من برة
8-شوية كابلات و توصيلات
9-اقغد اصمم و انفذ كيسة one din للبلاوى دى كلها
عشان اركب الكمبيوتر نفسة و الشاشة فوق بعض و يبقى ملعبتش فى التابلوة و شكلة فابريكة بردو
المرحلة الجاية
1-Gps
2-solid state hard disk
3-OBDII Cable
نيجى للمهم
بعد ما دورت و فكرت و رتبت افكارى و انا محتاج اية و كل الكلام دة احترت اجيب الحاجة منبن
اصل فية 3 مواقع لقيتهم بيبيعو الى انا عايزو و بيشحنو لمصر بالكريدت كارد
1-www.cartft.com
2-www.mp3car.com
3-www.e-itx.com
الصراحة ارخصهم كان تالت واحد يس انا اخترت mp3car لان لة سمعة جامدة فى الموضوع دة و مش اغلى كتير من الموقع التالت اما الاولانى فغالى موت
انا جبت الشاشة عن طريق واحد صاحبى من الصين و كلفتنى حوالى 2500 جنية
و عملت اوردر الحاجات التانية من على النت و مستنيها عشان اخلص المشروع دة ان شاء الله و اتكلفت حوالى 2000 جنية
ادعولى يا جماعة
يا ريت لو حد شايف فكرة احسن او مكونات افضل يقولى
بس كدة يا جدعان ارجو انى مكنش وجعت دماغكو و ان حد يستفيد من الرغى بتاعى دة كولو
و حكمل الموضوع دة ان شاء الله اول ما اركبة و اصورهولكو راكب باذن الله
سلام
م/محمد سلامة