الموضوع: استلمت سيريون وان بفضل الله

المشاركة الأصلية كتبت بواسطة s_yusri

سلام عليكم,
إيه الاخبار يا H Semary بعد ال صيانة? يا ترى سألت على ال rbm و الفتيس?
مستني ردك يا باشا
شكرا

للاسف ياباشا انا أجلت الصيانة لبكرة ( الاتنين ان شاء الله )

هأسأل وأرد عليك ان شاء الله

ازيك يا سمرى ؟؟ عامل ايه ؟ و ايه اخبار صحتك ؟؟؟
اخبار الصيانة معاك ايه النهاردة يا سمرى ؟؟؟؟؟؟؟ ان شاء الله تكون انبسط و الناس عملوا معاك اللازم فى دايهاتسو
معلش انا كونت مشغول شوية الفترة اللى فاتت فى الشغل ......
و عرفت انك هاتروح التوكيل النهاردة .......مش كده ؟؟؟
عاوزك بقى تحكيلى بالتفصيل ايه اللى حصل معاك يا صديقى ؟؟؟؟؟
و بعدين فين الصور بتاعة العربية ؟؟؟؟
انت قولت قبل كده انك هاتصورها و تورينا الصور .....مش كده ؟؟؟؟
اه .....بالمناسة يا ترى اللون الاسود اخباره ايه معاك فى الحر و التكييف
لحسن انا هاموت على الاسود بس خايف من موضوع الحر و التكييف ......
يا ترى ايه رايك يا صاحبى ؟؟؟؟؟؟

المشاركة الأصلية كتبت بواسطة abohalmos

ازيك يا سمرى ؟؟ عامل ايه ؟ و ايه اخبار صحتك ؟؟؟
اخبار الصيانة معاك ايه النهاردة يا سمرى ؟؟؟؟؟؟؟ ان شاء الله تكون انبسط و الناس عملوا معاك اللازم فى دايهاتسو
معلش انا كونت مشغول شوية الفترة اللى فاتت فى الشغل ......
و عرفت انك هاتروح التوكيل النهاردة .......مش كده ؟؟؟
عاوزك بقى تحكيلى بالتفصيل ايه اللى حصل معاك يا صديقى ؟؟؟؟؟
و بعدين فين الصور بتاعة العربية ؟؟؟؟
انت قولت قبل كده انك هاتصورها و تورينا الصور .....مش كده ؟؟؟؟
اه .....بالمناسة يا ترى اللون الاسود اخباره ايه معاك فى الحر و التكييف
لحسن انا هاموت على الاسود بس خايف من موضوع الحر و التكييف ......
يا ترى ايه رايك يا صاحبى ؟؟؟؟؟؟

الحمد لله تمام

ازيك انت ياباشا

انا روحت الصيانة امبارح الحمد لله وروحت على البوابة وقالى اركن العربية وسيب المفتاح جواها , هو التوكيل صغير بس كويس وقالى مهندس الصيانة جاى حالا

ركنت ولقيت فعلا المهندس جاى ( طلع واحد صاحبى ودفعتى من ايام الكلية )

عمل تشيك على العربية قدامى وهى بره على ان كل حاجه شغالة ( النور .. الاشارات ... المرايات ... الموتور الولاعة ... كله يعنى )

وبعدين قولتله ان الفتيس تقيل وصوت العربية عالى فا قالى ان ده طبيعى لما تغير الزيت فى صيانة ال 5000 كم هيتظبط الفتيس وهيلين معاك والصوت مش هيبقى عالى ان شاء الله

وقولتله على موضوع ال RBM بالنسبة لسؤال s_yusri وقالى ان فعلا ال RBM بيقل معدله مع السرعه بعد تغيير الزيت ومتقلقش من الحته دى والكلام ده هو اللى انا قولته للاستاذ s_yusri

المهم اخد العربية جوه الورشة وعمل فحوصات على كل حاجه بالعربية من جوه بقى وهم بيغسلوها من بره وبينضفوها من جوه

اكيد ده بيحصل مع كل الناس اللى بتروح مش واسطه يعنى



واخدت ساعه تقريبا وخلصت كل حاجه الحمد لله

بالنسبة للى عملوه انا مشفتش بالظبط ايه الفحوصات اللى اتعملت لانى كنت سايب المهندس يظبط هو كل حاجه ( لانه صاحبى )

والحمد لله انتهت المهمه على خير

ولاحظت ان التكييف بقى احسن واسقع مش عارف ليه

والعربية ماشاء الله جميلة


فا اطمنوا يا ياجماعه ان شاء الله على موضوع الفتيس وصوت الموتور و RBM

بالنسبة للون الاسود فا انا شايف ان الكلام ده مش هيأثر كتير لانك مش هتسيب عربيتك مركونة على طول فى الشمس ومش مأثر على التكييف ولا حاجه ,,, ده رأيى واللى حاسس به من منطلق انى معايا اللون الاسود

وعموما اختيار الالوان ده اذواق اكتر منه تأثر بالشمس او بحاجه تانيه

لكن من الاخر انا مش حاسس ان فيه تأثير من الشمس علي العربية

واى عربية مركونة فى الشمس فى الحر ده هتلاقيها حر اوى لما تيجى تفتحها وتركبها بعد ركنة فترة

وبالنسبة لصورة العربية فا انا هانزلها حاضر بس معلش كنت مشغول اوى الفترة دى ومنزلتش حاجه من الموبايل بس ان شاء الله هانزلهم يامان


اتمنى اكون اوفيت باللى الناس عاوزه تعرفه

متشكر ليك جدا جدا يا سمرى
على ردك المميز و المفصل لمشوار الصيانة
و بصراحة انت طمنتنى اوى من ناحية الصيانة و التكييف و اللون و كله
اوجزت فانجزت يا باشا
و بصراحة تقريرك مفصل ما شاء الله
ربنا يسعدك و يكرمك و يحافظ على عربيتك و يستر طريقك
و يوقفلك ولاد الحلال دايما زى صاحبك بتاع التوكيل
و ربنا يكرمنى ان شاء الله و ابقى سيريونى قريب باذن الله

الاخ العزيز . S-yusri
الف الف مبروك حجز السيريون وان
و مبروك انضمامك للعائلة السيريونية الكريمة .
و ياريت بقى متنساش تدينا الاخبار اول باول
من اول الاستلام ان شاء الله .......للسحب بتاع العربية
و كل حاجة ان شاء الله
و ربنا يتمملك الاستلام بخير ......و يسعدك بيها ان شاء الله و يحافظ عليك و على سيريونتك ان شاء الله
الا قوللى : 1- انت حجزت تبع عرض 5 الاف مش كده ؟؟؟؟؟؟
2- حجزت لون ايه ؟؟
3- اسباب اختيارك للسيريون وان .......لو تسمح يعنى ؟؟؟
عقبالى يا رب ان شاء الله قريب ......
و يا ريت تقبل صداقتى .
د/جلال حلمى ........قنا

Dr. Galal,
many thanks, and sure will update you with every thing once recived,,,,,
yes i booked it by 5000LE offer, and i chose (Nbety coler)

ana e7'tart Sirion for many reasons
1- ana aslan m3aya daihatsu we lesa 7ata ma be3thash,,,,, we 3agbany gedan gedan
2- el 3arbya begad kwaysa,,,we a7san 7aga feha el a3da beta3tha more7a ya3ny ma btet3bsh el dahr zay 3arbyat tanya keteeeeeeeeeeer.......

one i rcvd my new Sirion will revert you and Nile motors with full report about it.....

الف شكر ليك يا صديقى s-yusri
متشكر ليك على ردك الجميل .
و يا رب يباركلك فيها و تستلمها على خير بأذن الله .
و انا فعلا من المعجبين جدا جدا جدا بالسيريون و بالذات ال 1000 سى سى .
و انا ان شاء الله لما ربنا يريد هاشترى ..خلال الايام اللى جاية يعنى خلال شهرين او 3 باذن الله
و انا بصراحة محتار بين عرض 5 الاف بتاع سيريون وان و بين انى اكبر المقدم يعنى ادفع 15 او 20 الف و اقلل القسط شوية ؟؟؟ و لا اخلى السيولة معايا و اخد عرض 5 الاف و خصوصا انى دخلى الشهرى و الحمد لله عالى ..
و كمان برضه محتار بين سيريون وان و 1300 سى سى ؟؟؟؟
و انا استخدامى خفيف جدا ....يعنى من البيت للمستشفى للعيادة لطلبات البيت ....لخروجة مع اسرتى الصغيرة او اصحابى ؟؟؟؟؟ بس خايف 1000 سى سى ماتسدش معايا بالذات التكييف لانه انت ماتعرفشى الحر هنا شكله ازاى
و هاتبقى محرجة اوى قدام مراتى و كمان اصحابى لو ركبوا معايا و التكييف كان مش قد كده ....هاخد اشتغالات للصبح
و خصوصا انه الفرق دلوقتى بقى 8 الاف بين الاتنين و كمان هايبقى اقل لو حسبت تمن الكاسيت لانه 1000 سى سى نازلة بدون كاسيت .....فهايبقى الفرق اقل من 7 الاف جنيه .. فمش عارف ايه رايك يا صاحبى ؟؟
بالمناسبة انا عندى بنوتة ...مريم و ان شاء الله مستنى مولود الشهر الجاى .
اسف لو طولت عليك ...بس انا بفكر معاك بصوت عالى ....