::: البولونيز المظلومة :::

**Mr.R** · 22-05-2014 01:35 PM

المشاركة الأصلية كتبت بواسطة f_of_koka

التابلوة جديد موجود بشركة النصر فى وادى حوف بـ 252 ج
والباب موجود فارغ بدون زجاج او اكر بـ 100ج
و الدينمو جديد موجود

انا لما اتصلت قالولى الموجود حاليا قطع غيار شاهين فقط ..

الباب فارغ يعنى طبله الباب بس ولا باب كامل جوه وبرا معادا زجاج واوكر اصل لو باب كامل يبقى عنب ..

**amruzo** · 22-05-2014 08:03 PM

المشاركة الأصلية كتبت بواسطة kalelo2007

كلام جميل ياريت اسالى معاك بالمرة على الابواب اللى بزجاج كهربا بتعمل كام وياريت كمان لو فيه الطابلوه الجديد يعمل كام واخيرا بما انك رحت هناك ياريت توصفلى اروح

ازاى علشان انا مش من القاهرة والف شكر مقدما على تعبك

السلام عليكم
اولا البولونيز منزلش منها ابواب فيها زجاج كهرباء حتى الموديلات الحديثه بس نزل فيا السنتر واتغير شكل الفرش الداخلى وكنت سألت عليها قالى 1000 ده اول كلام طبعا ومكنش عنده
اما التابلوه الحديث بالكونسول عشان الكونسول القديم ميركبش عليه ان شاء الرحمن 400 هو قالى كده بس هاحاول انزل سعره بس مش عارف لغاية كام
اما عن وصف الطريق انت لو نزلت عند القصر الجمهورى بكوبرى القبه من الباب الخلفى او عند ميدان السواح وسألت على قسم الاميريه الجديد ومن عند القسم تسأل اى حد هتبقى قريب من عزبة شلبى وده رقم واحد هناك اسمه ياسر المحمدى انا بتعامل معاه علطول هو ليه محل واخوه ليه محل تانى 01223891014 والسلام ختام

**amruzo** · 22-05-2014 08:08 PM

السلام عليكم ورحمة الله وبركاته
يا جماعه انا هابيع الاربع ابواب بتوع العربيه بالزجاج بالفرش بس طبعا هما فيهم شغل برومه وخبطه فى باب السواق من تحت بس مش خبطه جامده يعنى وان شاء الله السعر نهائى 400 ج

**erth2009** · 22-06-2014 11:05 PM

السلام عليكم انا بلونيزي حتي النخاع ان باسئل علي مكنة السرغه اللي بتركب في الفتيس هي الترس بتاعها 11 سن وانا دخت عليها في اسوان مفيش اي حد يدلني علي مكان بيعها جديده او استيراد اكون شاكر وان هتصرف واوصل لها بطريقتي بس دلوني علي المكان وشكرااااااااااااااااااااا اااا

**erth2009** · 22-06-2014 11:49 PM

نصيحه لكل واحد تعبه الكربرتير متصلحش احنا هنا في اسوان وجدنا حل عملي وسهل ومش مكلف
غيرنا الكربرتير بواحد صيني خاص بالبيجو ونجحت التجربه في 3 عربيات وانا رايح بكره اكرر الموضوع في عربيني بولو 88
انت بتشتري الكربرتير نوعه سي لوكس صيني مع قاده بتعته وواير بنزين بتاع بيجو وبتشيل الطقم القديم وتركب الجديد ومع اتجربه العمليه 100 كيلو عملت 7.5 لتر بنزين فقط سعر الحجات اللي هتشتريها 250 جنيه كلها و
انت عود نفسك علي ان الكربرتير ده يتغير كل سنتين احس واوفر من التصليح لانه مظبوط من مطرحه
واي استفسار انا تحت امركم

**erth2009** · 30-06-2014 12:28 AM

مفيش رد ليه رمضان كريمممممممممممممممممممممم ممممم

**ايفيت** · 01-07-2014 10:39 AM

الاستاذ erth2009 اشكرك علي المعلومه الجميله دي بخصوص الكربراتير.وافاده الاخرين.نرجو منك توضيح اكثر عن موضوع الكربرير .ذي رقمه نوعه لاني سائلت في عزبه شلبي . عن اللي انت بتقوله بس لاقيت انواع كتيره من الكلبرتير بالقاعده بتعته بس مش عارف اركيب ايه؟؟؟؟؟؟؟؟؟؟
رمضان كريم

**ايفيت** · 01-07-2014 10:42 AM

نسيت برده الكلبرتير ده يركب علي من البولونيز.؟ وبرده يركب علي موتير فيات ١٣١ و موتير فيات ١٣٢؟

**ايفيت** · 01-07-2014 10:44 AM

المشاركة الأصلية كتبت بواسطة erth2009

السلام عليكم انا بلونيزي حتي النخاع ان باسئل علي مكنة السرغه اللي بتركب في الفتيس هي الترس بتاعها 11 سن وانا دخت عليها في اسوان مفيش اي حد يدلني علي مكان بيعها جديده او استيراد اكون شاكر وان هتصرف واوصل لها بطريقتي بس دلوني علي المكان وشكرااااااااااااااااااااا اااا

عزبه شلبي فيها كل ما يخص البولونيز في القاهره

**erth2009** · 09-07-2014 02:13 PM

لاستاذ erth2009 اشكرك علي المعلومه الجميله دي بخصوص الكربراتير.وافاده الاخرين.نرجو منك توضيح اكثر عن موضوع الكربرير .ذي رقمه نوعه لاني سائلت في عزبه شلبي . عن اللي انت بتقوله بس لاقيت انواع كتيره من الكلبرتير بالقاعده بتعته بس مش عارف اركيب ايه؟؟؟؟؟؟؟؟؟؟
رمضان كريم

احب اوضح ان نوع الكربرتير هو سي لوكس صيني هو خاص بالسياره البيجو وهو بوابه وحده بدل بوابتين
وله قاعدة تعديل وبتشيل العمه الخاصه بفلتر الهوا نهائي بتستغني عنها وهو جديد مش استعمال