اقتباس:
المشاركة الأصلية كتبت بواسطة hti97088
بص ياباشا الاسبراى بتاع تنضيف الكربراتير بينضف الغرف بس
لاكن مجارى الهوا اللى من جوة مش بيوصلها
كمان انت لو بصيت على الكربراتير تلاقى فية حاجة من قدام عاملة زى العلبة دى بتتفك ب 4 مسامير دى جواها ابرة وعوامة دول الاسبراى عمرة ما بيدخلهم
وبعدين مشكلة التبطيل دى مالهاش دعوة بالاسطوانة خالص دى مشكلة ظبط هوا مع كهرباء
الاسطوانة والديسك لو انت بتحس ان العربية بتجعر معاك يعنى صوتها بيكون عالى اوى على سرعتها
دة غير انك مثلا لو وقفت فى مطلع كوبرى او مثلا مطلع جراج بتاع مول وجيت تتحرك تلاقى العربية متكتفة
ولو انت ماغيرتهمش من وقت طويل غيرهم مش هاتخسر حاجة
السلام عليكم ورحمة الله وبركاته
أخي الفاضل أشكرك على الرد ، جزاك الله كل خير
الكاربرتير فعلاً تم تنظيفه من الداخل مش من الخارج بس ، والجزء اللي قلت عليه اللي فيه العوامة تم فكه وتنظيفه وتنظيف البكات والعربية سحبها اتحسن بعد التنظيف ، ومشكلة التبطيل دي اتحسنت بعد الميكانيكي ما ضبط الهواء والبنزين لكن دلوقتي زي ما قلت بتحصل مرة واحدة أول مدور وبعد كده عادي بدوس بنزين جامد وعادي لا بتبطل ولا حاجة وأنا استنتجت من كلام حضرتك انها ممكن تكون لسه عايزة ضبط بسيط هواء مع بنزين مع كهربا
أنا كنت بس مهتم أكتر بعملية السحب لما أجيب الدواسة للآخر فجأة لأن العربية مش بتستجيب مباشرة لكن بعد ثواني تبدأ في التسارع والسحب ، لكن وأنا بدوس دواسة البنزين تدريجي )المعتاد يعني) العربية بتسحب معايا عادي وبتجري ومبحس بأي مشكلة وهو ده اللي كنت عايز أعرف إذا كان طبيعي كده والا لأ لأن فيه ناس قالتلي إن ده طبيعي وأصلاً غلط إن أدوس دواسة البنزين فجأة لحد الآخر ....... ده اللي حبيت أتأكد منه
جزيل الشكر، وخالص تحياتي
