اتفرجوا يا جماعة على اختبار تصادم البولونيز وسايب الحكم ليكم
YouTube - Polonez Crash Test
عرض للطباعة
اتفرجوا يا جماعة على اختبار تصادم البولونيز وسايب الحكم ليكم
YouTube - Polonez Crash Test
شكرا ليك علي الفيديو طبعا الحمد لله اهوة بعد الخبطة دي كلها مفيش حاجة وصلت للكابينة ولا اللي جوة العربية يعني اي بولونيزاوي يخش في اي حاجة وهوة متطمن فعلا البولونيز عربية قوية اوي امال انا مسميها بولونيز دبابة لية
والله انا شايف ان الاختبار ميطمنش عشان حاجتين....
اولا الموديل اللي اتعمل عليه الاختبار احدث من الموجود(غالبا دا 1994) و دا ممكن تلاحظه من شكل التابلوه و الفوانيس الاماميه و طبعا الله اعلم اذا كان القديم زيه.....
و انا رأيي ان العبره مش بمدي قوه الصاج و عضم العربيه لان ياما ناس ماتت جو عربيات بسبب انها ناشفه زياده عن الازم المفروض ان بيكون في نقطه انهيار و حدود لصلابه الصاج عشان العربيه بتمتص الخبطه و بتشتتها بعيد عن الكابينه... و دا لا يمنع من وجود عربيات ورق مقوي تؤدي الى الوفاه من اقل خبطه و الامثله على دا كتير....
و اولا و اخيراً اللهم احفظنا و استر طريقنا و ربنا ما يكتبها على احد...
يا رب اكون افدت
اه الموديل احدث وغالبا الموديل الاحدث بيبقي عضمه اطري زي بقيت عربيات الدنيا الموديلات القديمة كان عضمها انشف اما حكاية ناس تموت عشان الصلابة دي فدة بقي ملناش دعوة بيه اوي لان مين اللي هيقدر يديك عربية جامدة وصلبة وبالسعر دة والكابينة موصلهاش حاجة في الخبطة وبعدين لسة هنقوله فين نقطة الانهيار ونقطة الشرطة ياسيدي الحمد لله علي اد كدة
من الواضح ان حضرتك معلوماتك قليله عن البولونيز هي هي نفس الشاسيه بس اختلاف الرفارف و الصدر و الكبوت و ضعيه الفتيس و طريقه تثبيته في العربيه...
و الحمد لله على كل شئ ..
استرها يا رب
انا معايا بولونيز 89 وزى الفل العربية عايزه شاب عشان يقدر على الدركسيون بتاعها بس مش تقيل وللتغلب على المشكلة دى بتحرك العربية بسيط بيخف بس المشكلة فى اكسسوارتها انا عايز حد يقولى على حد بيبيع الاكسسوارات بتاعتها فين فى القاهرة وعايزين كل واحد يرفع الصور بتاعت عربيته ومظبطها ازاى
ارجو انى مكنش طولت عليكوا
و احب انضم الى الرابطة
لما تكون معلوماتي قليلة يبقي احسن مناقض نفسي زي محضرتك قلت في المشاركة الاولانية ان الموديلين مختليفين فمتعرفش ازا كانو زي بعض ولا لا ودلوقتي جاي تقول ان هية هية نفس الشاسيه واختلاف الكبوت والفتيس يبقي ازاي بتقول متعرفش انهم زي بعض ولا لا ودلوقتي بتقول عارف وبتفصصلهم كمان:11::36_1_50[1]:
بما ان حضرتك ركبت البولونيز واللادا احب اشوف رأيك فى الكليب ده لللادا 2107 واعتقد ان ده موديل حديث قديم يعنى بقالنا اكتر من 25 سنة بنركب عربية ما اتغيرش فيها مسمار واحد
وبعدين نحكم
http://www.youtube.com/watch?v=erJtIM5r7KE
معقول ديه لادا ينهار ابيض