الموضوع: ::: البولونيز المظلومة :::

اولا اشكر الاخ كاريكا على الرد---------------ثانيا اشكر الاخ زيكا9909 على هذة المعلومات الرائعة عن محبوبتنا البولونيز----------و اريد مساعدتكم فى شراء بطارية جديدة من حيث الامبير 55 او70 لة علاقة بالدينامو------و من حيث النوع جافة ام حامضية افضل واشكركممممممممممممممممممم ممم

المشاركة الأصلية كتبت بواسطة Zika9909

أنا أعرف إن دينامو البولونيز 14 فولت و 60 أمبير
يبقى كده المفروض إن أمبير البطارية مايوصلش لـ60 أمبير عشان الدينامو يعرف يشحنها
و ده معناه إن أنسب أمبير هو 55 أمبير

البطارية السائلة أرخص
لكن التعامل معاها أسوأ
البطارية الجافة أغلى لكنها أريح للدماغ
و للعلم النوعين حامضيتين و سائلتين من الداخل
لكن البطارية الجافة مبرشمة و محافظة على نفسها
و كمان فيها مؤشر بيظهر حالة البطارية (أخضر: مشحونة، أبيض: محتاجة شحن، أحمر: استبدلها بغيرها)

و خللي بالك و أنت بتشتري يكون المحل مضموووووووون لأن في ناس بتبيع بطاريات فرز تاني
يعني تكون بطارية قديمة و يصلحها و يبيعها على إنها جديدة و يديك ضمان كمان
و طبعًا مابتعمرش كام شهر و لما تروح له لازم يطلع العيب من عندك و مش هتاخد منه حق و لا باطل

اشكرك اخى العزيز زيكا9909 على سرعة الرد و المشاركة

المشاركة الأصلية كتبت بواسطة Zika9909

أنا بقى عندي سؤالين:
1- أنا كانت عندي الطنابير الأمامية جايبة آخرها فلما كنت بفرمل على سرعات عالية كانت العربية بتحدف شمال أوي و بتترج، المهم غيرت تيل و طنابير قدام، الرجة راحت لكن العربية بقت تحدف يمين (حدفة خفيفة مش بغباء)، روحت للميكانيكي إللي غير لي الفرامل كشف على الفرامل لقاها سليمة !!
أنا دلوقتي مش عارف المشكلة منين، و مش عايز أفتح على نفسي مصاريف و تصليحات في حاجة سليمة.
يا ترى هل حد عنده فكرة ممكن تكون المشكلة منين؟؟

2- الكشافات الأمامية عندي و لا كأنها موجودة. طب إيه العمل؟ أنا مش عايز أجيب حاجة تبهدل لي البطارية خصوصًا إن الدينامو مرة عملها معايا و شحنه ضعف و كانت النتيجة إن البطارية كانت هتطير مني لولا ستر ربنا.

بالنسبة للحدفة اعتقد محتاجة ضبط زوايا و اتزان------------ثانيا ممكن تركب كشافات مدورة تثبت على الاكصدام من فوق

ايوة كده ياجماعة صحو المنتدى من تانى

المشاركة الأصلية كتبت بواسطة zika9909

إزيكم جميعًا؟ عاملين إيه؟
أنا بقى لي مدة مش بدخل على الرابطة و لا على المنتدى لظروفٍ ما
المهم أنا قولت لما أرجع ماينفعش آجي كده إيد ورا و إيد قدام
قولت أعمل تقرير صغير عن شركة fso إللي أنتجت البولونيز

اسم fso هو اختصار لـ fabryka samochodów osobowych
و معناه بالعربي "مصنع سيارات الركاب" (الاسم ناشف شويتين بس مش مشكلة)
أسست الحكومة البولندية شركة fso عام 1951في وارسو (warsaw) في بولندا بعد الحرب العالمية الثانية.
أول سيارة أنتجتها fso كانت السيارة warszawa بتصريح من شركة gaz الروسية لتصنيع السيارات و كانت تعديل لموديل gaz-m20 pobeda.
عام 1957 أنتجت شركة fso أول سيارة محلية الصنع 100% و هي السيارة syrena و كانت أصغر من warszawa و أقل في استهلاك البنزين و كان انتشارها أكتر.
عام 1965 وقعت الحكومة البولندية اتفاقية مع شركة fiat الإيطالية يتم بموجبها تصنيع بعض موديلات fiat في بولندا، و تحمل هذه السيارات العلامة التجارية "polski fiat"
أنتجت شركة fso بعض موديلات fiat كان أهمهم fiat 125 و كان الاسم التجاري للسيارة المُنتجة في بولندا هو polski fiat 125p و أحيانًا fiat 125p
و بعد انتهاء الاتفاقية أخذت الاسم fso 125p و عملوا منها موديلات station و pick-up
و في نفس الوقت كانت السيارة waszawa تُنتج حتى عام 1973.
في عام 1978 أنتجت fso الـpolonez و في نفس الوقت لم توقف إنتاج الـfiat 125p حتى يونيو 1991 أوقفت الـfiat 125p و ركزت على الـpolonez فقط.
سنة 1989 قررت الحكومة البولندية إنها تبيع fso و دخلت في مفاوضات كتير مع شركات كتيرة
و في عام 1994 وقعت اتفاقية مع general motors لتصنيع opel astra في بولندا
و لكن عام 1995 تم بيع fso لـ daewoo و تحول اسمها لـfso-daewoo
(و عشان كده ماحدش يستغرب لما يلاقي موتور بولونيز استيراد مكتوب عليه "daewoo-fso")
و استخدمت شركة daewoo مصانع fso لإنتاج موديلات كثيرة بالتوازي مع الـpolonez منها:
Tico, espero, lanos, matiz, nubira, leganza, korando, musso,……………
تم وقف إنتاج الـpolonez و نهائيًا عام 2002 بسبب ضعف الطلب

عام 2000 أفلست شركة daewoo و ده أدى لتدهور مكانة fso بين مصنعي السيارات
عام 2004 قامت general motors بشراء daewoo و شركاءها و في عام 2005 قررت إن كل موديلات الـdaewoo ستحمل العلامة التجارية الخاصة بـchevrolet (و سبب ظهور الشيفروليه لانوس)
لكن الشركات التابعة ليها في أوروبا زي fso ماكانتش ضمن الاتفاقية
(قصة الدايو طويييييييييييلة و كل جزء منها اتباع لشركة شكل و حاجات اتحول مسارها و مش عايز أخوض فيها) المهم إن fso أصبحت مستقلة بذاتها عام 2004 و في نفس الوقت غير قادرة على المنافسة بسبب قلة السيولة النقدية.
و بعد مفاوضات طويلة تمكنت الحكومة البولندية من حفظ حق fso في تصنيع و بيع السيارتين lanos و matiz حتى عام 2007، لكن المبيعات قلت بسبب عدم قدرة fso على تطوير هاتين السيارتين و أيضًا انهيار daewoo أدى لخوف الناس من موديلاتها و تفضيل أي موديلات أخرى عن موديلات الـdaewoo.
وجدت fso النجاة في السوق الأوكراني الذي أصبحت فيه الـlanos و matiz سيارتين شعبيتين و تم إنتاج هاتين السيارتين في مصنع avtozaz الأوكراني بالاشتراك مع fso.
دخلت fso في مفاةضات مع mg rover البريطانية لكن المفاوضات فشلت (و أظن إن mg اتباعت لشركة صينية)
أصبحت avtozaz تملك أكثر من 84% من أسهم fso لأنها كانت الأمل الوحيد لـfso بعد عزوف الشركات العالمية الكبرى عنها.
في منتصف عام 2006 وقعت avtozaz مع general motors اتفاقية لتصنيع chevrolet aveo (t250) sedan، و بالتالي تكونت شركة جديدة لصنع هذه السيارة و كانت fso تمتلك 60% من الأسهم بينما تمتلك general motors الـ 40% الباقية، بحيث إن fso توفر المصانع و gm توفر السيولة النقدية اللازمة لتشغيل المصانع.
أول سيارة chevrolet aveo تم إنتاجها في 11 يوليو 2007.
تنتهي الاتفاقية في فبراير 2011 و لم يتم تجديده
و حاليًا fso لا تنتج أي سيارة.

أتمنى إن التقرير يحوذ على إعجابكم.

ايوه كده يا زيكا يا جاااااااااااااااااااااااا ااااااااااامد

المشاركة الأصلية كتبت بواسطة rmadan0056

اولا اشكر الاخ كاريكا على الرد---------------ثانيا اشكر الاخ زيكا9909 على هذة المعلومات الرائعة عن محبوبتنا البولونيز----------و اريد مساعدتكم فى شراء بطارية جديدة من حيث الامبير 55 او70 لة علاقة بالدينامو------و من حيث النوع جافة ام حامضية افضل واشكركممممممممممممممممممم ممم

انت تأمر .... نصيحه خليك فال 70 امبير عشان تأوم العربيه خصوصا لو فى كاسيت ولمبات قويه
وللعلم ال70 بتطلع 60 امبير ودا هتلقيه مكتوب تقريبا على البطاريه ولو محل محترم هيعرفك المعلومه دى
ويفضل الجافه لراحه البال .... وفى كهربائى قالى خليك فالسايل للبولونيز عشان الدينمو بتاعه مش كويس ....................
واى واحد هترحله هيقلك البولونيز 70 امبير ... ال 55 دى للعربيات الصغيره اوى زى ال 128

المشاركة الأصلية كتبت بواسطة zika9909

أنا بقى عندي سؤالين:
1- أنا كانت عندي الطنابير الأمامية جايبة آخرها فلما كنت بفرمل على سرعات عالية كانت العربية بتحدف شمال أوي و بتترج، المهم غيرت تيل و طنابير قدام، الرجة راحت لكن العربية بقت تحدف يمين (حدفة خفيفة مش بغباء)، روحت للميكانيكي إللي غير لي الفرامل كشف على الفرامل لقاها سليمة !!
أنا دلوقتي مش عارف المشكلة منين، و مش عايز أفتح على نفسي مصاريف و تصليحات في حاجة سليمة.
يا ترى هل حد عنده فكرة ممكن تكون المشكلة منين؟؟

2- الكشافات الأمامية عندي و لا كأنها موجودة. طب إيه العمل؟ أنا مش عايز أجيب حاجة تبهدل لي البطارية خصوصًا إن الدينامو مرة عملها معايا و شحنه ضعف و كانت النتيجة إن البطارية كانت هتطير مني لولا ستر ربنا.

1- الطنابير والتيل اللى اشتريتها صناعه ايه واخبارها ايه ؟ لأنى لسه مشترى زيك بس حاسس ان التيل اى كلام ... انا جبت تركى ... الوالد بيقلى الايطالى احسن وهينزل يشتريهم من مصر
لما بفرمل على السرعات بيهدى زمان كانت العربيه بتتكلبش
2- انا عندى الكشافات ما شاء الله الف الالف ... انا مركب لمبات زئبق ... وبفكر أعلى للمبات رالى او زينون
ولعلمك الواطى عندى رخم بيعمى اللى قدامى .... العالى عندى مش بستخدمه الا فالضلمه الكحل او لو حد رخم بالعالى بتاعى بعميه على طول

المشاركة الأصلية كتبت بواسطة sabry7

ايوة كده ياجماعة صحو المنتدى من تانى

اتقل عليا يا بوب انا نازل بالتظبيطات بتاعتى اللى بعملها من جوه العربيه هتتفجئوا ان شاء الله