حساس ال Abs

**hegazi_arc** · 14-05-2009 04:06 AM

يا جماعه انا عندى مشكله فى مونديو..انى غيرت عفشه من 4 شهور عند واحد حمار و ضريلى حساس ال abs القدام و دلوقت مش شغال بس الفرامل على سرعه اعلى من 120 بترعش العربيه و سألت على الحساس لقيتو فى التوكيل ب 1300 جند و احمد فرج قالى هاجيبه ب 250 جند و سألت مركز فى الحرفيين واحد قالى ركب طقم abs كامل و وحد تانى قال الحساس ب 75 جند...اعمل ايه و هل بتاع الحرفين ده ممكن يشتغل ولا مضروب؟..و هل مشكله الرعشه بسبب ال abs ولا حاجه تانيه...ارجو المساعده عشان انا على قدى فى الميكانيكا

**pharonicking** · 14-05-2009 05:45 AM

حصلت معايا فى عربية bm وقطع سلك الحساس اليمين ولمبة اabs نورت عندى شوف السلك الاول سليم ولا مقطوع اللى رايح للعجلة"

**aYaBooY** · 14-05-2009 10:01 AM

الف سلامة على المنديو بتاعتك
بص احمد فرج طبعا هايجيبوه استيراد و اعتقد ان ده سعر معقول بالنسبة لحاجة في التوكيل بـ 1300 تكون اسيراد بـ 250
بس عموما اسال عند سامي فخري بكام و ممكن الولد الي عنده يركبة و لا لا و اسال عند يافا برده الحاجة الي عنده كويسة
و عدي على رمضان الي في الحرفيين انا بشتكي منه اي نعم بس منكرش انه فاهم فورد كويس و خليه يكشف و يقولك و اسمع منه

بس موضوع الرعشة ده مممكن يكون من سبب تاني و خصوصا انك كاتب انه على السرعات العالية بس فممكن تعمل الاتي الاول
ممكن تعمل ترصيص الاول للعربية الاربع فرد و تشوف علشان الرعشة ديه ممكن تكون منها برده و لو الكاوتش عندك قديم ممكن يسبب رعشة مع سرعات عالية فخلي بتاع كاوتش يكشف عليه او ممكن تنقل الجوز الي ورا قدام و العكس
بس برده متسيبش موضوع الحساس ده اكيد بيفرق في الفرامل عموما

**hegazi_arc** · 14-05-2009 11:03 PM

اشكركم يا اساتذه...السلك سليم و انا روحت للحرفين النهارده و لقيت ميكانيكى فورد بصلى عليها بالكامبيوتر و قالى شكلها كل السيركوت بتاعت الحساس اليمين يتبص عليه...حسيته عايز يفعص فى العربيه و خلاص...حاسس انه مجرد الحساس بس الحق يتقال هو ركبلى واحد تانى و ماشتغلش يرضو!!!....و سألت على الرعشه قالولى عشان الطنابير كانت سخنه و انا مشيت فى ميه فلفت منى....فيه حاجه اسمها كده يا جدعان!!!!...انا روحت ارصص قالى كلو سليم و مدام فى الفرامل يبقى حاجه فى الغفشه...

**aYaBooY** · 17-05-2009 10:06 AM

طيب مين الي بصلك عليها بالكمبيوتر
و موضوع الطنابير ده وارد بس مش من مياه طبعا بس هيا حاجة بتتاكل و تتغير كل شوية
و لو فيه مشكلة في علبة الدركسيون السكاترا برده بتعمل رجة لما تدوس فرامل و انت على سرعة عالية
عموما صوت الاسكاترا بيكون صوت خبط حديد في حديد و بتحس بيه في الدركسون
و الطنابير لو فيها بيضاوى بيكون احساس رجة و بتحس بيه اكتر في الدواسة كمان يعني تحسها بتتحرك تحت رجلك

**hegazi_arc** · 19-05-2009 11:02 AM

اشكرك..بس انا عايز اعرف يعنى ايه الاسكترا عشان سمعتها كتير هنا و معرفهاش..و هل ليها علاقى بعلبه الدركسون و بتتغير ولا تتصلح؟...اصل انا جاهل بالحاجات دى

**aYaBooY** · 19-05-2009 01:56 PM

الاسكاترا الاسم الصحيح لما يدعوه الصنايعية بعلبة الدركسيون
و المفروض يتغير بس طبعا عندنا في مصر فيه ناس بتصلحة
و العادي في الفورد انه بيتغير باستيراد

**m_s_h_a** · 20-05-2009 09:08 AM

اتاكد الاول انه حساس الاىبى اس

**hegazi_arc** · 22-05-2009 12:36 AM

طاب يا ايابوى انت شكلك دايس و عارفززتقدر تدينى اسم حد كويس اروحله فى الحرفين اشترى منه علبه دركسيون استيراد؟..بس يكون امين عشان انا سمعت اسعار متفلوته جدا..فيح حد كلمته و قالى 600 جنيه و احمد فرج قالى 1200 و ميكانيكى تانى قالى 1500..و بصراحه مش عارف اجيبها منين...و لمبه ال abs انا فشلت فيها و شكلى هلروح التوكيل و يشفولى منوره ليه

**aYaBooY** · 25-05-2009 10:10 AM

الي اعرفهم في الحرفيين اتنين و تقريبا مفيش هناك غيرهم
و هاتلاقي ارقمهم و تليفوناتهم عندنا هنا في الموضوع بتاع قطع الغيار و ده مثبت
بس هل انت متاكد ان فيه مشكلة في علبة الدركسيون ولا لا
علشان لو طنابير يبقي حرام تغير العلبة و العيب من حاجة تانية فلازم تتاكد الاول انها خلصانة
و ده ممكن تروح لحد ميكانيكي او عفشجي يسوق العربية في اي مدق او شارع مكسر علشان يحكم
و لو انت قريب من مصر الجديدة ممكن نتقابل يوم و اشوف لو اقدر احكم عليها و اسال عند يافا و تكنوبوش بردو عن سعر الجديدة
انا عن نفسي سالت عند سامي فخرى قالي الاصلي بتاعتها ب 6000 و عند تكنوبوش قالي 2800 و برده قالي الاصلي
و الاستيراد اوتو ستار في التليفون قالي 600 و اتنين ميكانيكية قالوا 800 و تركيبها رمضان و احمد فرج قالوا مصنعية 250
و واحد اسمه حمدي فورد في مدينة نصر قال 150
و تكنو بوش قالي العلبة استيراد و تركيبها و معاها ضمان 3 شهور 1100

الموضوع: حساس ال Abs

LinkBack

أدوات الموضوع

عرض

-

-

-

-

-

المواضيع المتشابهه

تجربتى فى تنظيف البوابه و المانيفولد و حساس الأيدل و حساس موقع الاكسراتير اللانوس

اه نوع ال حساس ال بايظ ؟اه نوع ال حساس ال بايظ ؟...العربية نوعها كورسا 97 1200cc و سح

انا عندى مشكلة مع حساس الهواء و حساس الكرنك

حد سمع عن حساس فى الميجان اسمه حساس اكسجين؟

حساس الاكسجين هو حساس العادم

الكلمات الدلالية لهذا الموضوع

المفضلات

المفضلات

ضوابط المشاركة