شباب
انا معايا ميجان 2005 اتوماتيك عاملة حوالى 56 الف كيلو بس عند شوية مشاكل
أولاً العربية فيها 4 مساعدين كونى سبورت

العربية على السرعات العالية 140 أو اكتر لو دوست فرامل جامدة شوية العربية تخطف يمين
و لو ماشى فى خط مستقيم بدون فرامل بتحدف شمال
مع المطبات اللى عاملة زى الحقن ولامؤخدا اللى هى اصلا عبارة عن أصلاح لمطب هابط
أو مع العواكس كل ده فى الملفات بلاقى العربية نطت من ورا نطة خفيفة كده بس مش العادى.

رحت التوكيل و قالولى ان الشمعدان الشمال متنى ولازززززززم يتغير المهم انه اتغير و المفروض انهم ظبطوا زوايا و رصصو كمان بس العربية زى ما هية.
لأ و كمان من يومين على الدائرى كنت سايق جنب الجزيرة اللى فى النص وكان فى مياه خفيفة خدتها بالعجلتين الشمال لقيت العربية حدفت يمين لحد لما عديت المياه ظبطت تانى.

حد ممكن يفيدنى أو يدلنى على حد بيفهم
أنا الأسبوع الجاى هارجعها التوكيل تانى علشان عملتلهم شوية قلق وكنت ناوى لو متعدلتش أروح ل Car Boys