علاقة الشيري بالـ إسبرانزا

**Akram** · 27-09-2007 04:09 PM

كنت عايز أعرف إيه علاقة الشيري بالـ إسبرانزا و ليه التوكيل بتاعهم مش واحد,
و كمان بالنسبة للـ إسبرانزا A5 و A6 متهيألى في فرق كبير من سعرهم :!:

**fahd_628** · 28-09-2007 01:00 PM

بص يا باشا الشيرى هية سبرنزا

بس ابو الفتوح غير الأسم و بقى سبرنزا و بقى يجمعها هنا على انها سبرنزا بس هية فى الأصل شيرى

و برة بتنزل بأسم شيرى

**mina_ramsis** · 28-09-2007 02:44 PM

بص يا باشا الشيرى هية سبرنزا

بس ابو الفتوح غير الأسم و بقى سبرنزا و بقى يجمعها هنا على انها سبرنزا بس هية فى الأصل شيرى

و برة بتنزل بأسم شيرى

زى ما استاذ فهد قالك بالضبط بره مفيش حاجة اسمها اسبيرانزا انما اسمها شيرى و نظرا لفشل شيرى فى مصر فقرروا انهم ينزلوها تحت اسم تانى و هو اسبيرانزا

كمان بالنسبة للـ إسبرانزا A5 و A6 متهيألى في فرق كبير من سعرهم

ايوة فعلا ال a5 ب 63900 و ال a6 ب 107000 و ده طبعا سعر التوكيل بس ديه حاجة و التانية حاجة تانيه خالص بس برده فى الاخر الاتنين صينى :( :( :(

**CryptonX** · 28-09-2007 04:26 PM

Speranza A6 = copy of Daewoo Magnus ( Chevorlet Epica )

**Akram** · 30-09-2007 09:10 PM

انا عندي سؤال آخر بالنسبة للشيري, دلوقت نزل منها A11 و A15 و بشوفهم كتير و شكلهم بيكون سليم (دي الحالة الظاهرة من برة) أما أي موديل آخر للشيرى بشوفه متبهدل و الفوانيس معووجة و الإكصدام مايل ازاي و شكلها من برة بتكون متبهدلة,
كمان في انواع صيني تانية زي الجيلي مثلا شوفها بعد سنة واحدة من الاستخدام و شكلها بيبقى عامل ايه,
كمان انا قريت عن A11 ان بعض قطع غيارها مش متوفرة و حتى في التوكيل بيقول انهم بعتوا يجيبوها من الصين :?:
على العموم زي ما قلت ان شراء سيارة جديدة زي دي بيقى مخاطرة لازم نحسبها كويس و نسأل عليها أكتر :roll:

**mina_ramsis** · 30-09-2007 10:50 PM

أنا عايز أعرف حضرتك حكمت أزاى أن الشيرى فشلت فى مصر - أنت جربتها ومشيت بيها أو حد تعرفة قوى جربها
يا جماعة بلاش كلام من غير ما نكون واثقين منة علشان نعرف نستفاد ونفيد غيرنا مش نضللهم

انا اقصد بفشل شيرى فى مصر بالفشل فى المبيعات و الفشل فى جزب ثقة العميل ليهم و ده شئ مش محتاح انى اجرب العربية و انا كان كلامى واضح بس حضرتك اللى فهمته غلط بس لو كان قصدى زى ما حضرتك قولت كده كنت انا هحدد انهى موديل من شيرى هو اللى وحش يعنى كنت هقول مثلا شيرى a11 او a15 او QQ ديه وحشة بس انا ماقولتش كده خالص
ارجو ان نقطتى تكون وضحت لحضرتك و ارجو من حضرتك تفسير نزول شيرى a5 و a6 فى مصر تحت اسم اسبيرانزا

**Adham** · 30-09-2007 11:20 PM

لا شك ان الشيري سيارة منخفضة الجودة و دة أمر واقع و لا يحتاج لنقاش
ميزتها فقط ان سعرها رخيص

ارجع للأستاذ عضو المنتدى (لا أذكر أسمة) اللي اشترى شيري لمراتة و بقى صواميل بتقع منها _ صامولة عصاية الفتيس_ و خدها التوكيل يصلحها و هو راجع كاوتش زجاج البرابريز اتخلع منها
و أصر انة يرجعها للتوكيل رفضوا و بعد ما قعد شهر و نص عارضها في معارض و مش عارف يبيعها راح اشتكى في حماية المستهلك و فضل وراهم شهرين لغاية مارجعوهالة

وطبعا اختبارات الأمان و الحوادث ننتيجتما مش محتاجة تعليق

العجلة الشكال دخلت كابينة القيادة و استقرت على كرسي السائق :roll:

**eng_mkhalaf** · 01-10-2007 12:27 AM

با جماعة لازم نعرف أحتياجتنا الأول وبعد كدة بنحدد أحنا عايزين أية
أختبارات أمان أية أللى أنتم شغالين نفسكم بيها - يعنى 128 اللى هيا من سنة 73 الناس ركبها ومفيش عيلة فى مصر مفيهاش واحد والا عندة 128 الأمان بتعها 100 فى 100 !!!!!!!ّّ!! وعلى الرغم من كدة منتشرة وزى الفل وعمر ما جدى أو أبويا اللة يرحمهم أشتكوا من نقطة الأمان دية أحنا فى مصر يا جماعة الواحد يوم ما يجيب 60 كيلو فى الساعة ويمشى عليها نص دقيقة يبقى عمل أعجاز-طب ما الشيرى فيها 2 أير باج و ABS-EBD بس دة بردة ميهمينش قوى
يعنى انا بالنسبة ليا الأمان بيجى بعد حاجات تانية يعنى مثلا حجم العربية ووسعها والراحة الداخلية والنفسية واقتصاديات تشغيلها
بالنسبة للشيرى A11 انا بحكم تعاملى معاها هية بالنسبة ليا محققة معادلة لية تدفع كتير طالما ممكن تدفع أقل ولو عايزين شرح أزاى أنا أخترت القرار دة أنا ممكن أشرحة بأستفاضة

**mina_ramsis** · 01-10-2007 12:51 AM

با جماعة لازم نعرف أحتياجتنا الأول وبعد كدة بنحدد أحنا عايزين أية
أختبارات أمان أية أللى أنتم شغالين نفسكم بيها - يعنى 128 اللى هيا من سنة 73 الناس ركبها ومفيش عيلة فى مصر مفيهاش واحد والا عندة 128 الأمان بتعها 100 فى 100 !!!!!!!ّّ!! وعلى الرغم من كدة منتشرة وزى الفل وعمر ما جدى أو أبويا اللة يرحمهم أشتكوا من نقطة الأمان دية أحنا فى مصر يا جماعة الواحد يوم ما يجيب 60 كيلو فى الساعة ويمشى عليها نص دقيقة يبقى عمل أعجاز-طب ما الشيرى فيها 2 أير باج و ABS-EBD بس دة بردة ميهمينش قوى
يعنى انا بالنسبة ليا الأمان بيجى بعد حاجات تانية يعنى مثلا حجم العربية ووسعها والراحة الداخلية والنفسية واقتصاديات تشغيلها
بالنسبة للشيرى A11 انا بحكم تعاملى معاها هية بالنسبة ليا محققة معادلة لية تدفع كتير طالما ممكن تدفع أقل ولو عايزين شرح أزاى أنا أخترت القرار دة أنا ممكن أشرحة بأستفاضة

يا باشا ربنا يباركلك فيها اها حاجة انك تكون مقتنع بيها انت خلاص اشتريت بناء على دراستك لمتطلباتك و ده اهم حاجة :)

-

الموضوع: علاقة الشيري بالـ إسبرانزا

LinkBack

أدوات الموضوع

عرض

علاقة الشيري بالـ إسبرانزا - انشر الموضوع فى :

-

-

-

-

-

-

المواضيع المتشابهه

كنترول الشيري a11

ر نصف عمرة الشيري a11

إحساسك ايه بالـ abs

تيل وفرامل الشيري Qq

195 Km بالـ FRV

الكلمات الدلالية لهذا الموضوع

المفضلات

المفضلات

ضوابط المشاركة