الموضوع: انت من النوع اللي بيفتري علي العربيه ؟؟؟

استاذ دريفت

هل يعتبر اسلوب القياده الرياضيه افتري علي العربيه ؟

المشاركة الأصلية كتبت بواسطة buddha

نمط سواقتى للعربية دايما aggressive
بس فى حالة ان العربية فى افضل حالتها
وعشان كدة انا دايما مهتم بالعربية من كل النواحى عشان لا قدر الله متحصلش حاجة خطر

يعنى دائما العربية لازم تبقى مظبوطة 100% طول الوقت
لو العربية فيها ادنى مشكلة استحالة اقرص عليها

مبحبش نهائى شد الهاند بريك سوى لحظيا فى غرزة... اغلب نمط سواقتى جرى بطريقة مخيفة وغرز على سرعات مرتفعة. مبعرفش اسوق اقل من 140 كم/س اتخنق

استحالة ادخل فرح واللعب بالعربية

ممكن شرح للنقطة دى ؟؟

الماكسيما موديل 2001 ومطلع عين الي جبوووها امريكاني وسرعة وكل حاجة تتخيلوها وعدادها داخل دلوقتي على 500 الف وماشاء الله عليها عمرها مشتكت ومبعملش غير صيانة مرة كل سنة والحمدلله ربنا يحفظها

لكن الاندكروزر ههههه مكملش معايا 4 شهور وجاب مكنه الميه دخلت على الزيت وبقى يكتم معايا غيرتلو راس مكنة ب 8000 ريال في التوكيل

انا كان عندى عربية لادا 2106 موديل 84 كنت بتعلم بيعها السواقة وكنت ماشى براحة معرفش على سرعة كام لان العربية كانت مستعملة وعداد السرعة مشغال
بس مرة كانت محتاجه تظبيط للعفشة وديتها للعفشجى غير فيها بيض العجل الامامى وعلاها شوية من قدام وغير السوست لانه قالى ان السوست دى مش بتعاتها دى بتعات عربية مرسيدس وممكن تدغدغ العربية وراح جربها بعد ماعمل الحاجات دى وانا كنت قاعد جمبه لقيته بيسوق العربية بسرعة جنونية والعربية صوتها على قوى ومن ساعتها انا مروحتش للعافشجى ده
اما بالنسبة لعربيتى الجديدة اللى معايا دلوقتى واللى هى byd f0 2013 انا اصلا قبل ما اسقها قريت دليل المالك والضمان بتاع شركة الامل كويس جدا
عشان كده انا بسوق العربية ولسة ماجبتش الالف كيلو (هى عاملة دلوقتى حالا 720 كيلو) وانا شاريها من شهرين وعمرى ما زودت عن الغيار الرابع بتعها يعنى اخرى 80 كيلو فى السرعة ومبحبش اغير الحارة بتاعتى الا اذا كان اللى قدامى ماشى براحة قوى وساعتها بغير يمن او شمال بس بتاكد ان الحارة دى فاضية واللى جى لسة بعيد عنى
ارجو انى كده شرحتلكوا ووفيت