موجة تضخم عالمية قادمة علينا الاستعداد لها

**محمدايهاب** · 29-09-2007 02:04 PM

معلهش يا جماعة اختلف معاكم ،،،
سوق العقارات عمره ما هايهبط ،،
أولآ ،، العقارات اللي بيستفيد بيها اصحاب البلد ( إحنا الضيوف اللي سايبنهم يعيشوا معاهم ) ،، فمش هيسمحوا إن اسعارها تهبط عشان مكاسبهم متقلش ، زي أسعار المواد الخام و السيارات بطريقة اخري
ثانيا: دخول شركات الإستثمار الخليجية السوق المصري بقوة ،إعمار ، داماك ؛الفطيم،،، شركات كتير
ثالثا:هوجة العراقيين والسوريين و الفلسطينين اللي مالوا مصر و فتح باب التمليك ليهم
رابعا:المجتمع المصري نفسه عنده هوس بالتملك
فالإستثمار العقاري أفضل و فيه ميزة غير زيادة سعره ممكن يجيبلك دخل شهري عن طريق الإيجار و يستفيد من ناحيتين ،،
بس فعلآ حاليا اللي معاه أقل من ربع مليون دلوقتي يبلهم ويشرب ميتهم ، ميعرفش حتي يجيب عشة في كفر البطيخ
ويبقي الجنيهات الذهبية بديل متاح
بس اللي مستني الأسعار تهبط هيستني كتيرررررررررررررررررررررر ررر

كده أنت جبت المفيد و فعلا أنا اتفق معاك و أضيف بند مهم و هو أن مافيش حاجة بترخص في مصر

**sherif Anton** · 29-09-2007 02:42 PM

انا اعتقد انه راح تحدث موجة كساد قريبا لسوق العقارات تماما مثل التي حدثت من عام 1998 الى عام 2001 ... في هذه الفترة اسعار العقارات تراجعت والناس ما كنتش عارفه تبيع لان مفيش حد كان عايز يشتري ... انا فاكر ان انا ساعتها اشتريت شقة في المهندسين تطل بالكامل على مربع حديقة والشقة مساحتها 120 م2 على 150 الف والمبلغ مكنش معايا بالكامل والراجل صاحبها قللي ادفع اي حاجة وقسط الباقي !!!!! ... انا اعتقد ان السناريو ده هيتتكرر تاني لان منحنى السوق دائما يمر بمراحل صعود يتلوها مراحل هبوط

**mtema99** · 29-09-2007 05:04 PM

الاتجاه العالم بغض النظر عن موسم ولا غيروا ان اسعار المنتجات الرئيسيه و المنتجات النفيسه تزيد

**Ahmed Anwer** · 29-09-2007 05:36 PM

يا سلام يا جماعة لو رأيكم أنتم اللي يبقي سليم و العقارات ترخص ،،، تبقي حاجة ممتازة

اعتقد علي أفضل تقدير إنها ممكن تثبث شوية أو تزيد الزيادات المعقولة ،،،،
لكن ترخص ،،،،،،،،،،، NOOOOOOOOOOOOOOOOOO

**mtema99** · 29-09-2007 05:50 PM

العقارات اتفتحت خلاص
و بعد دخول EAMAR دخلت DAMAC و يليها العديد من الشركات
+ احتكار احمد عز لسوق حديد التسليح فالشرق الاوسط و شمال افريقيا و حتى بلدان في اورويا الشرقيه
= لا يمكن للعقارات ان ترخص ارجو بس ان تثبت كما هي على الاقل
و لكن
ستجد اسعار المناطق المزدحمه العايا تناقصت قليلا
فمصر الجديده وصل المتر في مناطق فيها الى 2000 جم/ متر و هو لم يحدث منذ زمن و حتى في مارينا مثال مش اكثر
المتر في بورتو وصل الى 7000 جم من 10000 جم
و لكن الغالب
ان فالعاصمه اسعار حلوان و المعادي و المقطم و القاهره الجديده و العمرانيه و الهرم و فيصل في زياده ملحوظه
و اسعار وسط البلد و المهندسين و الدقي و العجوزه و الزمالك و شارع البحر الاعظم و دريم لاند و رويال هيلز و بيفرلي هيلز (يعيش في هذه الاحياء اصحاب الملايين) ثبتت تماما هذا+ باقي احياء 6 اكتوبر و المنطقه الاولى من العبور
اسعار عين شمس و المرج قلت
و اسعارالزيتون و البساتين و الوراق و امبابه و المرج في تناقص و ذلك للهجره منها الى المدن الجديده

**شريف** · 29-09-2007 06:43 PM

فمصر الجديده وصل المتر في مناطق فيها الى 2000 جم/ متر

فين دى يا باشا و انا اروح بس تكون عماير جديدة
مصر الجديده بالذات عشان مفيش اراضى كتير يتبنى عليها الاسعار مولعة و بتوصل ل 4 الاف\م2

**محمد عبد العزيز** · 29-09-2007 08:44 PM

نصيحه مهمه جدا وكلام مظبوط
ألف شكر ياباشا

**mtema99** · 29-09-2007 09:21 PM

فين دى يا باشا و انا اروح بس تكون عماير جديدة
مصر الجديده بالذات عشان مفيش اراضى كتير يتبنى عليها الاسعار مولعة و بتوصل ل 4 الاف\م2

جسر السويس في افخم حته حوليين المريلاند في الشورارع الجانبيه بينهم

**شريف** · 29-09-2007 10:09 PM

و شارع نهرو :mrgreen:

**Ahmed Anwer** · 29-09-2007 11:55 PM

أحب أضيف بس
إن المناطق الشعبية أسعارها مبتقلش ،،
بتزيد برده تباعا لأن المناطق الراقية بتولع

الموضوع: موجة تضخم عالمية قادمة علينا الاستعداد لها

LinkBack

أدوات الموضوع

عرض

-

-

-

المواضيع المتشابهه

اللهم هون علينا سكرات الموت و نور علينا قبورنا‏...منقول

عايز تعرف يعنى ايه تضخم شوف الهبل بتاع شيكولاته مندولين !!!

تضخم الكبد والطحال

الاستعداد للصيف لكل راكبى اوبل

الكلمات الدلالية لهذا الموضوع

المفضلات

المفضلات

ضوابط المشاركة