موجة تضخم عالمية قادمة علينا الاستعداد لها

**mtema99** · 29-09-2007 11:59 PM

على فكره المهندسين نزلت من 9000 في حتت الي 7000

**شريف** · 30-09-2007 02:06 PM

أحب أضيف بس
إن المناطق الشعبية أسعارها مبتقلش ،،
بتزيد برده تباعا لأن المناطق الراقية بتولع

1+
زى عين شمس

**شريف** · 18-10-2007 12:05 PM

العقارات اتفتحت خلاص
و بعد دخول EAMAR دخلت DAMAC و يليها العديد من الشركات
+ احتكار احمد عز لسوق حديد التسليح فالشرق الاوسط و شمال افريقيا و حتى بلدان في اورويا الشرقيه
= لا يمكن للعقارات ان ترخص ارجو بس ان تثبت كما هي على الاقل

1+

**Islam_galal** · 18-10-2007 12:27 PM

فكرة جيدة جدا ولكن حد عنده فكرة عن كيفية الاحتفاظ بالجنيهات الدهبية بشكل آمن
اما بالنسبة للعقارات فاعتقد الاسعار مش حتنزل لان ده عمرة ما حصل و لكن الارجح ان تثبت لفترة

الاحتمال الوحيد لانهيار اسعار العقارات هو الانهيار السياسي

**sherif Anton** · 18-10-2007 12:48 PM

العقارات اتفتحت خلاص
و بعد دخول EAMAR دخلت DAMAC و يليها العديد من الشركات
+ احتكار احمد عز لسوق حديد التسليح فالشرق الاوسط و شمال افريقيا و حتى بلدان في اورويا الشرقيه
= لا يمكن للعقارات ان ترخص ارجو بس ان تثبت كما هي على الاقل

شركة EAMAR متعثرة داخل السوق المصري واللي متابع الأخبار هيعرف ان مشاريعها في مصر بتمر بأزمة ... ده بالاضافة الى ان التلاعب اللي بيحصل في سوق الأسمنت ريحته طلعت وصدر قرار بإحالة جميع شركات الأسمنت فى مصر للنائب العام بتهمة ممارسة الاحتكار والأخبار دلوقتي ان شركات الحديد هتدخل هي كمان في سين وجيم ... يعنى من الأخر المؤشرات كلها بتؤكد ان سوق العقارات راح يأخذ منحنى الهبوط في المرحلة القادمة

**Falcon.Crest** · 18-10-2007 10:42 PM

ye reet elsouk down as it is being sooooooooo expensive

**Hisham_ElFeky** · 18-10-2007 11:21 PM

طبعا يا جندي موضوعك رائع ..سواء كان في قسم الهوندا او الاجتماعي

عرفت وهذه معلومه مهمة للغاية ومن محل الذهب الخاص بالعائلة (شخص نعرفه من ٢٠ سنة) الحذر الشديد في موضوع الجنيهات الدهب والحرص علي ان تكون من مصدر معروف لك جيدا لوجود حالات نصب كتير في موضوع الجنيهات دا وفي بعض الاحيان بتكون مش جديدة وناقصة بعض الاجزاء من الجرامات...وشكرا ليكو

**جندى مجند** · 19-10-2007 12:36 AM

تمام الكلام دة يا فندم ... الجنيه الذهب بيكون وزنه 7 جرام و حوالى 96 أو 97 سنتى ذهب عيار 21 (يعنى حوالى 8 جم و الجواهرجية بيحسبوا سعره على أساس انه 8 جرام) و المفروض تتأكد ان الجانبين مش ممسوحين و كذلك الحافة المخططة تكون الخطوط واضحة و مفيهاش كشط و تشوف وزنه على الميزان قدام عنيك المفروض يكون 7.97 أو 7.96 ... أنا مرة كنت بأشترى فوجئت ان الجنيه كان وزنه 7.55 جرام يعنى ناقص نص جرام كامل (ثمنه أكثر من 50 جنيه) و طبعاً رفضت أشتريه و جابلى واحد تانى ... و طبعاً لازم الشراء يكون من محل موثوق فيه و له اسمه ... النهاردة لسة شارى جنيهات ذهبية سعرها وصل الى 960 جنيه رغم انه كان بـ 920 من 3 أسابيع!!!

و على فكرة سعر الجنيه الذهب ملهوش دعوة بمواسم الأعياد أو غيرها لأنه مرتبط بالسعر العالمى لجرام الذهب .. فى المواسم و الأعياد الجواهرجية ممكن يعلوا اسعار المصنعيات مش سعر جرام الذهب و بما ان الجنيه الذهب معليهوش مصنعيات فسعره مش مرتبط بالمواسم و لكن بالسعر العالمى للذهب اللى ليه حسابات أخرى بعيدة عن المواسم المحلية

**Mhamed** · 20-10-2007 01:04 AM

nice idea, but how or where to keep gold in save dont tell me to keep it ta7t elbalata

**جندى مجند** · 20-10-2007 01:51 AM

المشاركة الأصلية كتبت بواسطة Mhamed

nice idea, but how or where to keep gold in save dont tell me to keep it ta7t elbalata

لو الكمية قليلة يبقى من الأفضل تحتفظ بيه فى مكان أمين فى البيت (تحت البلاطة مثلاً :)) و لو كمية كبيرة (يعنى نص كيلو و طالع) يبقى تأجر خزنة فى بنك بس الخزنة بتكلفك ايجار سنوى معرفش بصراحة كام ... و ممكن طبعاً تشترى خزنة و تحطها فى البيت لكن دى أول حاجة ممكن لو لا قدر الله حرامى دخل البيت انه يفكر فيها ... من الآخر شوفلك مكان أمين و مخفى فى البيت و حطها فيه.

الموضوع: موجة تضخم عالمية قادمة علينا الاستعداد لها

LinkBack

أدوات الموضوع

عرض

-

-

-

-

-

المواضيع المتشابهه

اللهم هون علينا سكرات الموت و نور علينا قبورنا‏...منقول

عايز تعرف يعنى ايه تضخم شوف الهبل بتاع شيكولاته مندولين !!!

تضخم الكبد والطحال

الاستعداد للصيف لكل راكبى اوبل

الكلمات الدلالية لهذا الموضوع

المفضلات

المفضلات

ضوابط المشاركة