الموضوع: اشتري فين في الشروق؟؟؟؟

الأستاذ صلاح والأستاذ أبو يوسف:
جزاكم الله عنا كل الخير , انا كنت دايما بفكر أروح أخذ فكره عن الشروق واكنى دايما كنت بكسل لعدم معلرفتى بأحد هناك.
بس كده الواحد إن شاء الله يجيلكوا ويشوف المدينه على أرض الواقع.

المشاركة الأصلية كتبت بواسطة salah_sr

أنا ساكن في الشروق منذ 2005 بعد أن هربت من رابعة العدوية مدينة نصر بالنسبة لمشاكل المياه كانت فعلا موجوده في الأعوام السابقة في الصيف فقط و لكن منذ العام الماضي أختفت المشكلة و لم تقطع المياه سوي يومين بسبب كسر الخط الرئيسي القادم من مدينة العشر من رمضان (الخط الرئيسي للمدينة ) و لكن هناك خط رئيسي جديد و مازال تحت التركيب و يخلص عام 2010 و لو رحت المدينة حتلاحظ العمل فيه أما بالنسبة للكلام علي إن المياه تذهب إلي الرحاب أو مدينتي ده كلام 100% غير مظبوط و لا صلة نهائية بين خط مياه الشروق و هذه المدن ( المعلومة من أصدقاء يعملون في مرفق مياه الشروق التابع لجهاز المدينة ) , أما بالنسبة للشروق كمدينة سوف أذكر لك العيوب قبل المميزات , العيوب : لو مفيش عندك سيارة خاصة فالمواصلات مكروباص فقط لموقف العاشر , لا يوجد مركز ترفيه في المدينة سوي نادي هليوبلس و الأشتراك في النادي وصل العام الماضي إلي 18000 دولار ؟؟؟ و يوجد نادي جرين هيلز تحت الإنشاء و فتحت الصيف الماضي مرحلة أولي و هذا الصيف مرحلة ثانية و الأشتراك كان العام القبل الماضي 15000 جنية مصري و بالقسط و يوجد مول كبير في مدخل المدينة بتاع أحمد بهجت (سكاي مول + دريم بارك 2 ) حيفتح في نهاية عام 2009 بالنسبة اللمواد الغذائية متوفرة مفيش مشاكل و صيدليات و بالتوصيل للبيت و مدارس حكومية و خاصة وعدة جامعات خاصة و المميزات بالنسبة لي علي الأقل المدينة نظيفة و الجو نظيف و هادئة و الأمن شديد فيها رغم إنك متليش شرطة و لكن عند أي مشكلة بيظهروا في دقائق حتي المناطق الشعبية فيها حدائق و طبعا مفيش مشكلة المواقف الجو صيفا أبرد من القاهرة و شديد البرود شتاءا .
أنا ساكن أمام نادي هليوبلس (بانوراما الشروق ) و يوجد مول كبير فيه كل المتطلبات من سوبر ماركت لمطاعم و صيدلية وجزار حلاق و غيره حتي بنك الأهلي و هي من أجمل المناطق في الشروق لو عايز تشتري أرض أرشح لك هذه المنطقة لأنها منطقة راقية جدا و لكن يوجد مناطق أخري كويسة مثل أمام نادي جرينهيلز و حول الجامعة الفرنسية و أرجو مكنش طولت عليك بس أنا حقيقة من عاشقي الشروق و تحت أمرك في أي سؤال و لو عايز تيجي أهلا وسهلا و لكن أول شهر 7 لأني في مسقط الآن و لسه راجع من الشروق الشهر الماضي

استاذ صلاح بارك الله فيك بجد مش عارف اشكر حضرتك ازاي واكيد لازم اشوف حضرتك لما ترجعلنا بألف سلامة

المشاركة الأصلية كتبت بواسطة elfashne2010

الاخ عبد العزيز لو كنت تريد ان تشتري بالشروق ارض او شقة او تريد ان تسكن ايجار لمدة طويلة
اتصل بي 0126826548 اخوك ابو يوسف وبدل ما تسال الناس اتعب شويه وروح وشوف بنفسك الشروق عامله ايه دلواقتي
وانا اكون سعيد لو شرفتني بالشروق وان شاء الله اساعدك في اي حاجة تحتاجها

الف الف شكر يا ابو يوسف باشا وانا هاتصل بحضرتك واقابلك في اقرب وقت بإذن الله
صحيح بلاش تكتب باللون الاحمر علشان الادارة مانعة استخدامه