كيا كارينز رسمياً فى السوق المصرى

**Sherif Sharaf** · 16-05-2009 11:51 AM

طرحت الشركة المصرية العالمية للتجارة "EIM" الوكيل الحصري لسيارات كيا الكورية سيارة "كارينز" الجديدة رسمياً.:k49::k49:

وتنتمي كيا "كارينز" الجديدة لفئة سيارات "MPV" التي تجمع بين الحجم العائلي و التصميم الرياضي.

وتأتي سيارة كيا الجديدة مزودة بأحدث أجيال المحركات التي تم تصميمها في شركة كيا موتورز العالمية و المسمى بمحرك "جاما" سعة 1600 سي سي بقوة 124 حصان عند 6300 دورة في الدقيقة.

ويأتي موديل كيا "كارينز" المزود بناقل حركة يدوي جميع الكماليات بسعر 99.900 جنيه.

منقول عن موقع كونتاكت للسيارات
www.contactcars.com

**drhaytham** · 16-05-2009 12:02 PM

العربية دي جامدة جدا انا شوفتها في الخليج كتير جدا

**M.ABDEEN** · 16-05-2009 08:52 PM

فعلا دي قنبلة جديدة من كيا ولسه كيا ياما هاتورينا

**ggggggggg** · 16-05-2009 09:11 PM

سعرها كمان معقول دي زي الجراند بونتو في سعرها...... يخرب بيتها

**som3aa** · 17-05-2009 04:33 AM

بصراحة انا شايفها ممتازة لفئات كتير و خصوصا اللى بيشتروا الماتريكس , شايفها اوسع كتيييير و شكلها احلى و عربية حلوة جدا , انا اللى مش مصدقه السعر انا توقعت على الاقل 120-130

دى على كدا احسن بكتير من اللوجان الmcv

**basma01000** · 17-05-2009 04:44 AM

طيب اللي مش فل اوبشنز بكام يا جماعه؟

**abdoweb** · 17-05-2009 02:27 PM

انا رحت المعرض بتاع كيا اللى جنب مطعم البرج فى مدينة نصر
بصراحة من بره ممتازة جداً جدا
ولكن من جوه ينقصها الفينيش الصح

تحس انها صينى جداً وليس كورى

وملهاش ريموت بل تفتح وتقفل بالمفتاح
الشنطة وراء لا تفتح الا من داخل السيارة يعنى ملهاش مقبش يفتحها من الخلف
وطبعاً شالوا منها الكرسيين اللى فى المؤخرة علشان يوفروا

ولسه ما نزلوش منها اوتوماتيك

لكن هى من بره عاملة زى الكرنفال بس اقل فى الحجم شوية

ومش عارف انها 1600 cc على الحجم ده هتبقى كويسة والا لا

**nav man** · 17-05-2009 03:07 PM

اللي عاوز التوماتيك انا سالت عليها عندنا في التوكيل اللي في العامرية قالي هتنزل من 45 يوم لشهرين ودي زايدة عن المانول ان الدريكسيون مالتي وفوج لايت وثمنها من 107 الي 110,لسة متحددش.واللة اناشايف انها هتعمل شغل حلو.

**nav man** · 17-05-2009 03:09 PM

اسف انا كاتب التوماتيك هي الاوتوماتيك

**AHMED REFAT** · 17-05-2009 06:07 PM

بصراحة انا كنت مستنى الكارينز منذ فترة كبيرة جدا بعد السماع عن نزولها 1600 سى سى وكنت منتظر نزولها بنفس كماليات الـ 2000 مع تغيرات بسيطة ولانى من محبى السيارات العائلية كانت هى الاختيار الاول لى خصوصا وانها 7 راكب الا اننى صعقت بنزولها 5راكب وغير مجهزة كمان لاستقبال الكنبة الخلفية حتى لو اردت شرائها لان الكرسى الوسطى لا يتحرك لسهولة دخول الراكب بالخلف الى جانب انهم نزعوا منها نظام الفرامل ايه بى اس وفتحة السقف والحساسات الخلفية والاير باجز ومثبت السرعة وجهاز مانع الانزلاق والطارة الملتى فانكتشن والاسبويلر الخلفى يعنى بقت فاضية ليس بها عوامل امان ولا رفاهية واصبحت الميزة الوحيدة لها فى السعر والحجم فقط لا غير ولا تختلف كثير عن الماتريكس مثلا الا فى الحجم ... والسعر طبعا لاننى سالت عليها فى الوكيل الاتوماتيك بـ 110000 الف يعنى مقارنة بالجراند تريوس 7 راكب وهى الان بـ155000 تعتبر رخيصة جدا وعلى ما اعتقد انها سوف تحقق نجاح من هذا المنطلق السعر والحجم فقط . لان الشكل الخارجى عائلى جدا ولا يتناسب مع الشباب ولكنه عملى فعلا اما الصالون فهو كلاسيكى يفتقر الى الروح العصرية والتى وجدت فى السيراتو والابتيما الجديدة