أنا عندى لادا 2107 موديل 2007 بالتكييف
التكييف بارد بس مفيش سخن و 3 سرعات
وبالنسبة لكفائته هو شغال يعنى مش وحش
هو تكييف فريون مش مروحة
وهتحس بيه وممكن تسقع كمان لو شغلته فى الجو العادى أو ساعة العصر أو بالليل
لكن ساعة الظهرية فى الصيف الوقت الحر أوى ده يدووووب بيلطف الجو
يعنى أنا بظبط الهواية مباشرة عليا عشان احس بالتكييف
المشكلة بقى مش فى كده
المشكلة أن العربية حتسخن منك حتى من غير تكييف برده حتسخن منك
لأن مروحة التبريد فبها بتشتغل وتفصل بموتور منفصل على ترموستات
زى الفيات
والحل أنك لو سخنت معاك حتروح لميكانيكى شاطر يلغى الترموستات ويلغى مروحة الرادياتير ام موتور ديه
ويركب مروحة مباشرة بسير على الموتور ( زى اللادا 2105 )
وبكده العربية تبريدها حيتحسن
أما مشكلة ملص البيض فديه مش موجوده عندى الحمد لله
مع العلم ان العربية بقالها سنه ونص والشوارع عندنا انتوا فاهمين
بس العفشة ماشاء الله لاقوة الا بالله ممتازة لغاية دلوقتى
وأى خدمة اتمنى أكون أفدت
المفضلات