إيه الفرق بين الدركسيون العادى والسبور والبور ؟؟

**زينة الله** · 23-06-2011 10:48 AM

يا ترى إيه الفرق بين الدريكسون العادى والسبور والبور من حيث :

طريقة العمل وسهولة الاستخدام والصيانة وتكلفة قطع الغيار و....... وأى فروق تانية تعرفوها ...

ويا ترى ممكن يتركب البور على أى عربية قديمة كالـ 128 من غير مشاكل ؟؟

ولكم منى جزيل الشكر والتقدير

**lancerevolution** · 23-06-2011 12:50 PM

الدركسيون الباور بيبقى فى نظام هيدروليكى بيساعد فى الحركة
النظام دا بيبقى عبارة عن طرمبة و زيت و خراطيم و إسكترا"علبة الدركسيون"
الطرنبة دى فى منها كهربا و فى منها ميكانيكى مع حركة الموتور
الدركسيون العادى عبارة عن شوية تروس بتحول الحركة الدائرية لعمودية
طبعا الباور بيبقى فيه التروس دى بردوا

بالنسبة لتركيبه فى عربية مافيهاش باور فا هيبقى صعب جدا أو شبه مستحيل عشان مش معمول حسابه فى نظام التوجيه و كمان مش معمول حسابه هياخد قدرة منين عشان يشتغل

**زينة الله** · 24-06-2011 10:04 AM

المشاركة الأصلية كتبت بواسطة lancerevolution

الدركسيون الباور بيبقى فى نظام هيدروليكى بيساعد فى الحركة
النظام دا بيبقى عبارة عن طرمبة و زيت و خراطيم و إسكترا"علبة الدركسيون"
الطرنبة دى فى منها كهربا و فى منها ميكانيكى مع حركة الموتور
الدركسيون العادى عبارة عن شوية تروس بتحول الحركة الدائرية لعمودية
طبعا الباور بيبقى فيه التروس دى بردوا

بالنسبة لتركيبه فى عربية مافيهاش باور فا هيبقى صعب جدا أو شبه مستحيل عشان مش معمول حسابه فى نظام التوجيه و كمان مش معمول حسابه هياخد قدرة منين عشان يشتغل

شكرا لحضرتك على التوضيح ،،

طيب والفرق بين السبور والعادى ؟؟

يا ترى فى الشكل والجحم بس ؟؟

أصل الدريكسيون عندى لما أحرك دراع الاشارات ما بيرجعهوش تانى مكانه زى ما كتالوج العربية بيقول !!

ولما سألت :) قالوا لى عشان الدريكسون سبور !! ومش الأصلى العادى بتاع العربية !!

طيب كدا ايه فايدة السبور ؟؟ منظر يعنى وشكل وبس ؟؟ والا له ميزة تانية عن العادى ؟؟

**Amr Axel** · 24-06-2011 10:33 AM

الدريكسيون العادي بالبلدي بعيدا عن التفاصيل بيكون تقيل لما تلفي يمين او شمال خاصة و انتي واقفة
الدريكسيون الباور بيكون سهل انك تلف الدريكسيون بايد واحدة بدون اي مجهود
و بينقسم باور زيت و كهرباء
و الباور بيحتاج متابعة دائمة اكتر من العادي و طبعا لو حصلت فيه حاجة بيكون مكلف اكتر من العادي

اما بالنسبة للدريكسيون السبور ( الطارة سبور زي momo مثلا ) ده عبارة عن شكل اخر للطارة و بتكون اصغر في الحجم من العادي بحيث يكون سهل الاحكام و القبض عليه و انتي بتلفيه بس طبعا لو مش اصلي بيبقي فيه مشاكل و فروقات و بيبقي مقرف اكتر لو العربية مش باور

بالنسبة لتركيب الباور ع العربيات القديمة
اولا مش شرط عربية قديمة يعني مثلا المرسيدس الخنزيرة او الكرولا موديل تمنينات نازلة بباور لكن الشاهين 2008 مفيهاش باور فالموضوع بيعتمد ع تجهيز العربية نفسه
و طالما العربية مش نازلة اساسا باور و مجهزة بكده يبقي ملوش لازمة لأنه زي ما لانسر ايفو قالك هيجيب قدرة منين

فالأفضل نخلينا في الحاجة الفبريكة اللي نازلة بيها العربية بدون لعب

**Amr Axel** · 24-06-2011 11:14 AM

المشاركة الأصلية كتبت بواسطة eslam.elrefaey

انا الى اعرفه تقريبا ان ينفع يتعدل ويبقا نص باور او حاجة زى كده بس مش فاكر وبالنسبة للميزات الاسبور وهوا صغر حجه فلداشره بتاعته بتلف اسرع من الدريكسيون الاصلى يعنى كل لما قطر الدائرة يصغر كل ما كان لف الطاره اسرع

معلش يا استاذ اسلام بس هعلق ع مشاركتك
مفيش حاجة اسمها هاف باور ديه اشتغالة مش اكتر العربية يا تكون باور يا متكونش باور
و الباور بيتكون من مكبس هيدروليكي و خزان و طلمبة و خراطيم يعني هنركب نص الحاجة و النص التاني طيب فين هههه
فمفيش حاجة اسمها هاف باور مجرد اشتغالة و لما جيت حتي اشتري الالتو بتاع المعرض عمل فيها بورم و هاف باور ومش عارف ايه خدت الكلمتين التمام مني متكلمش تاني في اي حاجة خاصة بالعربية غير انه يبيعها و هو ساكت هههههه

**زينة الله** · 28-06-2011 02:36 PM

المشاركة الأصلية كتبت بواسطة Axel

الدريكسيون العادي بالبلدي بعيدا عن التفاصيل بيكون تقيل لما تلفي يمين او شمال خاصة و انتي واقفة
الدريكسيون الباور بيكون سهل انك تلف الدريكسيون بايد واحدة بدون اي مجهود
و بينقسم باور زيت و كهرباء
و الباور بيحتاج متابعة دائمة اكتر من العادي و طبعا لو حصلت فيه حاجة بيكون مكلف اكتر من العادي

اما بالنسبة للدريكسيون السبور ( الطارة سبور زي momo مثلا ) ده عبارة عن شكل اخر للطارة و بتكون اصغر في الحجم من العادي بحيث يكون سهل الاحكام و القبض عليه و انتي بتلفيه بس طبعا لو مش اصلي بيبقي فيه مشاكل و فروقات و بيبقي مقرف اكتر لو العربية مش باور

بالنسبة لتركيب الباور ع العربيات القديمة
اولا مش شرط عربية قديمة يعني مثلا المرسيدس الخنزيرة او الكرولا موديل تمنينات نازلة بباور لكن الشاهين 2008 مفيهاش باور فالموضوع بيعتمد ع تجهيز العربية نفسه
و طالما العربية مش نازلة اساسا باور و مجهزة بكده يبقي ملوش لازمة لأنه زي ما لانسر ايفو قالك هيجيب قدرة منين

فالأفضل نخلينا في الحاجة الفبريكة اللي نازلة بيها العربية بدون لعب

شكرا جزيلا على الشرح والتوضيح

بس عندى سؤال من فضلك ؟؟

لو الاشارات مش بترجع لوحدها مع حركة الدريكسون ممكن تتصلح ؟؟

أصلى بصراحة أوقات كتير انسى الاشارة شغاله بعد ما أحود !!

**A.Saad** · 28-06-2011 07:24 PM

فيه دركسيون باور بيكون كهربا
موتور كهربا بيساعد على الحركة
مفيش زيت او طلمبة زيت

**ahmed2801** · 29-06-2011 02:06 AM

المشاركة الأصلية كتبت بواسطة زينة الله

شكرا جزيلا على الشرح والتوضيح

بس عندى سؤال من فضلك ؟؟

لو الاشارات مش بترجع لوحدها مع حركة الدريكسون ممكن تتصلح ؟؟

أصلى بصراحة أوقات كتير انسى الاشارة شغاله بعد ما أحود !!

العيب ده حضرتك من ذراع الاشارات مش من الدركسيون ويتصلح او يتغير عند كهربائى السيارات

الموضوع: إيه الفرق بين الدركسيون العادى والسبور والبور ؟؟

LinkBack

أدوات الموضوع

عرض

إيه الفرق بين الدركسيون العادى والسبور والبور ؟؟ - انشر الموضوع فى :

-

-

-

-

-

-

-

المواضيع المتشابهه

الفرق بين اكصدام الايرو والاكصدام العادى ؟؟

الفرق بين التكيف العادى والاوتو

ايه الفرق بين فلتر الهواء العادى والرياضى

الفرق بين الترصيص العادى و ترصيص التروسيكل

ما الفرق بين البنوك ؟ و ما أنسبها للمواطن العادى ؟

الكلمات الدلالية لهذا الموضوع

المفضلات

المفضلات

ضوابط المشاركة