الموضوع: السرعة القصوي صفر كيلومتر/الساعة - هنعمل إيه ؟

الحمد لله علي نعمة الإسكندرية بس في الشتاء بس :)

ما فى خط تالت مترو انفاق بيتعمل اهه و هيخلصوه على 2010 او 2011 على ما اعتقد .

و شوارع كتيرة بيتم توسيعها . زى شارع جامعة عين شمس ( العن شوارع القاهرة ظهرا ) .

و من كوبرى الهايكستب الى موقف العاشر يتم توسيعه .

و اجزاء معينة من طريق مصر / اسماعيلية يتم ايضا توسيعها .

و فى اعلانات فى التليفزيون ( احسبها صح ) لما كل شباب يركبوا مع بعض و يوفروا بنزين و تلوث اقل و يخففوا الازدحام شوية ..

لكن احنا كشعب متعودناش من الحكومة على التقدم الفكرى و الشغل بزمة و ضمير علشان كدا مبقناش نصدقهم فى اى حاجة .

و على سبيل المثال . فى 8 من اصدقائي هنا فى المنطقة معايا فى الجامعة و كلنا ساكنين جمب بعضنا . ومع ذلك كل واحد بيروح بعربيته و للاسف لو قلت لحد على فكرة ( احسبها صح ) هتسمع منه كلام زى الفـــــــــــل ..

الحكومة لما عملت الجمارك و خلت اسعار العربيات خيالية .. الناس اصابها كبت المواصلات و ترسخ عندها فكرة الانتقام بمعنى ( لما اجيب عربية شوفوا هعمل ايه ) ..

البلد دى عاوزة ويندوز جديد اصلا .

المشاركة الأصلية كتبت بواسطة dasboot

الحمد لله علي نعمة الإسكندرية بس في الشتاء بس :)

و المنصورة!

بجد بجد أنا لما بسمع عن زحمة القاهرة بحمد ربنا ... انا مشواري من الكلية للبيت يعتبر لعب عيال على كدا ( حوالي نصف ساعة )

العمل جميل جدا
و بالتوفيق دائما.

شكرا جدا MoToRiZeR على الفيديو الجميل أوي ده

تعليقاتي انه ممتاز التصوير والتعليق متازين
الأغاني المستخدمة وفكرة كرومبو حلوين جدا برضه
الأداء التمثيلي رائع ف حتت وضعيف ف حتت..يعني اللي بيصلي ف الشارع واللي بيشرب شيشة واللي بيظبط وكمان اللي عامل تواليت ف العربية أفكار تموت من الضحك..بس كلام الناس اللي ف العربيات عادي شوية وصوت الكلاكسات عايز يوطى شوية.

المشاركة الأصلية كتبت بواسطة Terrible_DaRsH

البلد دى عاوزة ويندوز جديد اصلا .

الجملة دي أنا دايما بقولها..ساعات ف مرحلة من الدمار والبوظان مينفعش فيها غير انك تشيل كل حاجة وتبتدي من جديد على نضيف
نظرة تشاؤمية بس للأسف هو ده الواقع..
ايه ولا ايه محتاج تصليح..الحكومة..المرافق والخدمات..الناس وسلوكياتهم وما أدراك من الآخرانية دي

ربنا يصلح الحال.