الموضوع: سؤال : أيهما أفضل التويوتا كورولا ولا أوبل فيكترا

طبعا اوبل فكترا افضل ..مع احترامي للتيوتا ...

المشاركة الأصلية كتبت بواسطة delpo

نسيت أقولك رأيي هستأذنك تاخدو من بين السطور .. لو اشتريت كورولا وفيكترا موديل 2010 بعد 10 سنين بس الكورلا بتاعتك لو بعتها تشتري 2 من الفيكترا الي معاك وقتها.

كورولا : أقل استهلاك بنزين
كورلا : مع احترامي لآراء الأخوة بس قطع غيار أرخص
كورولا: قطع غيار متوفرة في كل مكان أصلي وتجاري جوه وبره التوكيل دائماً وعند اي حد.
كورولا: قطع غيار معمرة.
كورولا: أي ميكانيكي يفهم فيها ومش هيخربهالك زي لو وديتلو فكترا.
كورولاً: ياباني ببساطة يعني أنسب حاجة للأجواء الحارة بتاعتنا في مصر والخليج, الألماني والأوروبي أثبت أنه بتظهر فيه عيوب كتيرة مع الحرارة الكتيرة.
كورولا: توكيل محترم له سمعته, ومعروف إن توكيل منصور مش محترم وده تقدر تعرفه من الي عندهم شيفورليه وهما كتير.
كورولا: إعتمادية أكتر ودي طبعاً مافيهاش نقاش.
كورولا: أنا بخالف أحد الأخوة في الرأي وبشدة على الإرتفاع, وعن تجربة شخصية اكتر من مرة الكورلا أعلى بكتير وجرب بنفسك.
كورولا: العفشة أنعم بكتير مع احترامي برضو لآراء الأخوة بس شوفو نتايج التجارب بنفسكو.
كورولا: موتور أقوى وأطول عمراً.
كورولا: أعطال أقل.
كورولا: إعادة بيع أعلى.
كورولا: صالون أوسع

نيجي بقى للفيكترا
فيكترا: ثبات أعلى.
فيكترا: صاج أقوى.
فيكترا: أمان أكبر.
فيكترا: أوهم نفسك إنك راكب باسات أو جيتا على أساس انها من فولكس فاجن مع الفارق الرهيب طبعا.
فيكترا: خامات أعلى في الجودة.
فيكترا: معاك عربية شكلها عمرو ما هيتغير لأنك راكب عربية وقف انتاجها.

ملاحظة مهمة: أنا كان معايا فكترا 2000 وبهدلتني بمشاكلها.

تقبلوا تحياتي واتمنى التعليق بموضوعية مش بشكل العربية وبنحب ونكره

شكرا على الرأى المحترم وعندى شوية تعليقات،
أستهلاك البنزين مش فارق كتير يعتبير لا يذكر الفيكترا 7.2 لتر ل 100 كيلو (ده من عربيتى مش من الكتالوك)
قطع الغيار: قبل ما اشترى الفيكترا جبت اسعار قطع الغيار الرئيسية لكورولا والجيتا والاكتافيا والفيكترا وجدت ان الاوكتافيا ارخصهم لو قارنا ما بين الفيكترا والكورولا لقيتهم زى بعض تقريبا (ممكن تلقى حاجه غاليه اوى فى واحده ورخيصه فى التانيه والعكس صحيح يعنى فى المجمل متساويين)
الميكانيا اعتقد ان الكورولا الجديده مش حتكون بالبساطه دى مع الفتيس الجديد
الصالون عفوا الفيكترا اكبر انا معايا فيكترا واخويا معاه كورولا وعن تجربه بس الفرق بردا مش كبير
نيجى لسعر اعاده البيع : لو حتبيع قريب يبقى الكورولا بس لو حتستنا 7 سنين مثلا يبقى مش حتفرق والسبب هو التغير الجذرى الى حيحصل فى السوق المصرى مع خطة تخفيض الجمارك فى عشر سنوات القادمة ان شاء الله وفى هذه الحاله حيكون الجمرك اختفى وحيحصل توازن للاسعار السيارت وبكدا حتكون السيارات القديمه مالهاش قيمه تذكر زى العالم كله دلوقتى وحيكون قرار الحكومه الطبيعى فى هذا الوقت هو وضع حد اقصى لعمر الملاكى زى الى حصل مع الاجره وهو عشرين سنه زى العالم كله
الميزه فى الفيكترا بردا انه مش كتيره ليها تميز فى عدم انتشارها فى ناس بتحب كدا
شكراا

طبعا اوبل فكترا

عربيه الماني و في منتهي الفخامة

ثبات اعلي و عوامل امان اكتر من الكورولا

انا لو مكانك هاجيب فكترا

و ربنا يوفقك