وتقولي الدورية الراكبه فين ؟؟؟!!!!

**Eslam.Adly** · 16-06-2009 12:58 PM

يا جماعة ده والله العادى.
زمان كان اسم امن الدولة=البوليس السياسى.
كان اسم الشرطة=البوليس وبس.
دلوقتى كلة بقى شرطة بس شرطة هدفها حماية السياسة وبس وفى الوقت الفاضى اتوات مرورية وترخيم على افراد الشعب الغلبان الى بقة لا بيهش ولا ينش وسلم لامره.
عشان كدة نلائهيم مرشقين فى المواكب ,الجامعات والمظاهرات.

**M.Osman** · 16-06-2009 06:42 PM

لو تفتكر يا كريم كنت من بتاع 6 شهور كدة كتبت عن خناقة في العمرانية حصلت بسبب

2 جنيه جبنة .

واد صغير جاب بإتنين جنبه جبنة تلاجة و أبوه كان عايزها حاجة تاني و البقال مرضيش يرجعها .

و النتيجة .. 2 ماتوا و مش عارف كام و عشرين مصاب و الخناقة إستخدم فيها الرشاشات الألية !
و التليفزيون اما راح يصور الجيران بيقولوا و الله إحنا بنتعامل مع البقال ده بقالنا 18 سنة و جبنته زي الفل هم ليه بيعملوا كدة يا ناس إتقوا الله !

البلد تعدت مرحلة الغابة .. و ممكن حاجة في قمة الهيافة تقلب دم !

يا نهااار .....
امال لو كانت ب 2و ربع كان اية اللي حصل ..

قمة التفاهة والله

**Ahmed Nouh** · 16-06-2009 07:19 PM

المشاركة الأصلية كتبت بواسطة motorizer

بيقولوا و الله إحنا بنتعامل مع البقال ده بقالنا 18 سنة و جبنته زي الفل هم ليه بيعملوا كدة يا ناس إتقوا الله !

ههههههههههههههههههههههههه ههههههههههههههههههههههههه ه

البلد دى يا اخى عليها كميه طيبه وهبل محصلتش :) برغم كل النصب والهمجيه اللى وصل ليها الشارع الا ان برده مازال لا يخلو من الطيبه

**egyptianmafia** · 16-06-2009 07:27 PM

masr heya omy....nilha howa 3amy....lol

begad el shorta fe khedmet nafsaha

**OlaOsman** · 16-06-2009 07:33 PM

المشاركة الأصلية كتبت بواسطة الطنطاوي

للأســـــــــــــــــــف الشرطة موجودة علشان الأمن السياسي فقط

أما الأمن الاجتماعي فده كان منه وخلص

احنا 80 مليون ايه المشكلة لما يروح كام ألف في ستين داهية

أنا قلبي بيتحرق وأنا شايف الناس بتموت والشرطة واقفة ساكته ولا كأن الأرواح دي لها قيمة عندهم

والأكتر لما تلاقي ظابط شرطة معدوم الضمير وكثير الخسة يشغل واحد بتاع مخدرات مرشد علشان المرشد يوقع الشباب بتاع الكليات و أول ما يستلموا المخدرات يقوم المرشد يكلم الظابط ويقول له في واحد شكله كذا وكذا في المنطقة الفلانية وطبعًا الظابط الهمام يروح يقبض على الشباب ويسيب الفرخة اللي بتبيض له كل يوم قضية

الله يرحم أيام أحمد رشدي