الفرق بين الدايو لانوس والشيفرولية لانوس

**Islam Amer** · 18-05-2009 05:41 PM

بص حضرتك في معلومه جديده اللانوس الجديده تقفيل منصور وتقفيل وحش جدااا والكلام ده من لسان واحد شغال في مركز صيانه مقار كنت معاه يوم الجمعه ال فاتت وقال الكلام ده والعربيه مش ماشيه في السوق زي اللانوس القديمه

عشان كده هتلاقي منصور بدا ينزلها تاكسي عشان يخلص المخزون ال عنده

هذا والله اعلم بجد الكلام ده من واحد شغال في صيانه منصور فرع الدقي ( مقار)

**MMamdouh** · 18-05-2009 11:02 PM

و هو منصور بيتحكم العربية اللى بتتباع من عندة تبقى ملاكى او تاكسى؟؟

مشروع الاحلال و التبديل بتاع التاكسى داخل فيه كل السيارات اللى بتتجمع محليا (شيفرولية لانوس و الهيونداي فرنا و الاسبرانزا و اللادا 2107

MMamdouh

**Samah AbdAllah** · 20-05-2009 02:20 AM

و هو منصور بيتحكم العربية اللى بتتباع من عندة تبقى ملاكى او تاكسى؟؟
انا عندى نفس السؤال

**MMamdouh** · 20-05-2009 12:29 PM

انا عارف يا باشا انك مش بتشكك فى كلامى... انا قصدى ان فى مصر... اى حد حيقول اى حاجة عشان يبيعلك و يكسب فلوس... و الدليل العملى على كدبهم واضح زى الشمس

و طالما انت حاسس ان فراملها كويسة فا دة شىء كويس جدا و ربنا يبارك لك فيها... و انا سبق انى وضحت ان فرامل اللانوس بيبان ضعفها مع الاستعمال العنيف بالتالى لو سواقتك هادية و عادية مش حتواجة مشاكل باذن الله

MMamdouh

**mmmmgogommmm** · 20-05-2009 08:27 PM

الانوس الشيفورلية عفشتها مصرى او زى بتاعة الافيو المصرى + موتورها موتور الافيو + الخامات الخاصة باالتقفيل ضعيفة

**MMamdouh** · 20-05-2009 10:17 PM

المشاركة الأصلية كتبت بواسطة mmmmgogommmm

الانوس الشيفورلية عفشتها مصرى

عفشتها مصرى؟؟؟ يعنى صناعة مصرى؟؟؟ الكلام دة جبتة منين؟؟؟

او زى بتاعة الافيو المصرى

عفشة اللانوس ملهاش علاقة بعفشة الافيو... و بعدين انت مرة تقول مصرى و مرة تقول افيو؟؟؟ هى مين فيهم بالضبط... و مصدر المعلومات دى ايه؟؟

موتورها موتور الافيو

مش صح برضة الكلام دة... فيه فروق بين موتور الافيو و موتور اللانوس... و موتور الشيفرولية لانوس هو هو موتور الدايو لانوس

الخامات الخاصة باالتقفيل ضعيفة

ضعيفة؟؟ يعنى فية حاجات بتتكسر مثلا او اجزاء من العربية بتقع و انت ماشى ولا ايه بالضبط؟؟

بصراحة مش لاقى حاجة صح فى كل اللى انت قولتة فا ياريت تقولنا مين مصدر معلوماتك عشان نعرف مين اللى بيفتى جامد كدة

MMamdouh