الكورولا 2010 فى التوكيل هتكون تايلاندى و اتوماتيك عادى !

**ashrafE51** · 13-06-2009 02:38 PM

ارجو من صاحب الموضوع او ادارة المنتدي الموافقة علي تغير عنوان المنتدي بدلا من تايلاند ان يكون جنوب افريقيا وذلك لمصدقيت الموضوع

**faroukahafeez** · 13-06-2009 03:10 PM

ياريت فعلاً يتغير عنوان الموضوع لان الكورولا 2010 مطلعتش تايلاندى و لا حاجة

**medoezzat** · 13-06-2009 03:30 PM

طب بعد ميخلص مخزون ال2009 m-mt هينزلوا منها 2010 ولا لأ ؟؟؟؟
و هتبقى بنفس سعر ال2009 ولى اغلى؟؟

**Dr.Mohamed** · 13-06-2009 03:56 PM

انت فين والكلام ده فين يا باشا
بيتهيالى هتمسك سعر ومش هتنزل عن 160 وخصوصا انها موديل 2010

**ashrafE51** · 14-06-2009 12:07 PM

المشاركة الأصلية كتبت بواسطة Dr.Mohamed

انت فين والكلام ده فين يا باشا
بيتهيالى هتمسك سعر ومش هتنزل عن 160 وخصوصا انها موديل 2010

حضرتك تقصد العربية Mmt

**ashraf229** · 14-06-2009 12:15 PM

تويوتا ايجيبت أكيد هتزود سعر الجديدة ال 2010 طبعا علشان تعيد كسب ثقة العملاء في مصر

بمبدأ الغالي تمنه فيه زي ما بيحب المصريين

فكان من الطبيعي انها تغليها تاني علشان تحسس الناس انها رجعت تاني على قمة السوق و واحدة من أفضل و أغلى العربيات
بس المشكلة انها كده بتظلم كل اللي اشتروا 2008 و 2009 و تخسف بعربياتهم الأرض و بتثبت عليهم الشائعات
الحمد لله اني بعت كرولتي كان زماني محتاس..........و خسارتين خسارتين تلاته........
و ربنا ما يضطر حد من أصحابها انه يخسر فيها و يبعد عنهم الضرر و السوء ..........

**Sharky** · 14-06-2009 12:24 PM

المشاركة الأصلية كتبت بواسطة ahmed _abo samra

وانت كمان يا شاركى واحشنى سانكس على زوقك
الامتحانات الحمد لله عدت على خير واخدت الاجازه خلاص
بالنسبه لتفسيرى ان ما فيش mmt 2010 لان 2009 ما زالت موجوده ايه اللى يخليهم يروحوا يجيبوا 2010 ولسه 2009 متوفر عندهم
انما الاوتوماتيك لسه جديد فجابوا 2010
المانيوال كان ب 139 الف ودلوقتى 137 الف
بالنسبه للنتشه لانها ساعتها كانت بالسوفت القديم دلوقتى لو انا على es او المانيوال النقل بيبقى اسرع ما يمكن
بالنسبه ان صوت الموتور عالى فى السرعات العاليه انا ممكن اصدق انك تقول على اى عربيه تانيه غير الكورولا صوتها عالى انما الكورولا فده من رابع المستحيلات
العربيه كانت بتوصل ل 6000 لفه ومش عاوز تسمع صوتها وعلى فكره الاستاذ مصطفى هو اللى قال كدا ساعتها لما كان راكب وراء لانه يا دوووب سمع صوت الموتور وهو بنفسه كان بيقول لما ركب مع احد ملاك الميجان تقريبا وكنتم بتشدوا مع ابو عبد الله انه اول مره يشوف عداد الميجان يوصل ل 5000 لفه ده يدل انه مش بيشد بالعربيه اصلا
فحكاية ان الكورولا صوتها عالى دى مش عارف انت بتقارنها بايه بالظبط لان الكورولا من انعم السيارات فى فئتها
تحياتى

للتوضيح محمد مصطفى مش هو اللى قال ان اول مرة يشوف ميجان بتعدى 5000 لفة
محمد مصطفى اللى كان قاعد معانا فى التجربة ينقل كثيرا على اخر النقلة فى الميجان بتاعته علشان كده هو اللى حس ان صوت موتور الكرولا عالى عن صوت موتور الميجان فى الشد

**hn_kamal** · 15-06-2009 12:30 PM

المشاركة الأصلية كتبت بواسطة ashraf229

عن تجربة يا جماعة أنا كانت عندي الكورولا 2008 و ندمان أشد الندم اني اشتريتها لعدة أسباب....
أولا فعلا الفتيس كان تقيل و بيتأخر و ممل جدا و بيعلق لغاية أر بي أم 5000 أو أكتر ما ينقلش و تضطر تنقل مانيوال علشان العربية هتفرق منك خلاص بتترجاك تنقل...
رحت التوكيل في العباسية بمنتهى البرود قالولي رجعها مانيوال و خد غيار بنفسك!!هوه ده الحل لعربية ب 140 ألف و لسه ماشية ألف كيلو!!

تاني مرة رحت توكيل العبور قبل ما أبيعها بيومين و قالولي بأعتراف كل العاملين و المهندسين ان العربية كان فيها مشكلة و اتحلت خلاص و فعلا استلمت منهم العربية ناعمة و ممتازة و الغيارات تتابعها حلو و تسارع العربية كويس بس بعد ايه (الكلام ده في مارس اللي فات).......

غير كده كنت بأبيع العربية لظروف خاصة و هيه ماشية 4000 كلم بس يعني لسه زيرو و شوف الأسعار!!!!!!كأن فيها مرض معدي اللي يقولك 100 و اللي يقولك 105 رغم انها مترخصة ملاكي و مركبلها سنسورز نظيفة جدا و لونها بترولي مميز و الأهم تأمين شامل بخمس تلاف جنيه اللي هيشتري هيأخد عالجاهز !!!!!!! و بعتها بأعجوبة بعد شهر ب 115 يعني مش حرام أخسر كل ده ده الشكل القديم كده أحسن مليون مرة ..........

غير كده انا أشتيتها في 15-11-2008 وكل ده و 2009 لسه مانزلش و التوكيل منه لله قالولي مش هينزل قبل فبراير 2009 و بمنتهى الكذب و الخداع في ديسمبر نزل 2009 لأو أرخص بخمس تلاف جنيه!!!

تويوتا زي الجنيه الدهب هل يعقل ترخص زيرو كل سنة !!!

و تخسر كل ده في اعادة البيع ؟؟!!

قبلها كان عندي أوبترا مانيوال أستعملتها 11 شهر و عملت بيها 40 ألف كيلو أشغال شاقة شغل مقاولات في التجمع و لما قلت بيع التجار عند سمير ريان كانوا بيتخانقوا أي واحد ياخدها ب 75 ألف كاش فوري بدون كشف ولا فحص ولا حتى حطوا المفتاح في الكونتكت يعني لو بعتها بمزاج كانت جابن أكتر وهيه كانت عفشتها اتبهدلت و فيها خدوش بسيطه و خبطتين صغيرين مردودين عالبارد!!!!!

كل شيء نصيب و الحمد لله بس انا وافق الأعضاء اللي بيقولوا ان كتر السب و اللعن في العربية بيكره صاحبها فيها و ده حصلي

كل ما أقول لحد اني جبتها يقعد يحقق معايا و كأني عملت جريمة أو رميت فلوس في الأرض

و انا فعلا طلعت رميت فلوسي في الأرض..........الحمد لله و ربنا يعوض علينا و عليكم و يغنيكم بفضله عمن سواه.....

اسف عالاطاله.........

أعتقد ان ده اعتراف من أحد منتقدي السيارة أنها بقت ناعمة و ممتازة و الغيارات تتابعها حلو و تسارع العربية كويس ، وطبعا الكل عارف ان الاسعار فى النازل من أول 2009 ده غير ان العربية 2008 ، وبيع العربية بعد ما بقت كويسة وفى ظل الظروف الحالية طبعا تبقى رميت فلوسك فى الارض

**LanCeLoT** · 07-07-2009 02:27 AM

المشاركة الأصلية كتبت بواسطة faroukahafeez

علشان اللى ميعرفش يعرف

العربية فيه 3 اوضاع للسواقة بالفتيس

كل اللى بيتكلم على الفتيس بيتكلم على وضع e ان ممكن تحس بنتشه والعربية بتكون على الرابع او الخامس بسرعة صغيرة وبغض النظر عن اختلاف الاراء فى الطريقة ديه بين مؤيد ومعارض

ونسينين تماماً انه فى وضعين للسواقة بالفتيس غير e ومحدش اتكلم عليهم كلمة

الفتيس على es
ودا زى الاتوماتيك العادى فى كل حاجة لكن عزمة احسن

الفتيس على m
ودا زى المانيوال العادى بس بدل ما تدوس دبرياج وتنقل عصاية الفتيس
تتضغط على الدراعات + او -

عايز تسوق مانيوال عادى استخدام m
عايز تسوق زى الاتوماتيك العادى استخدم es
عايز توفر فى البنزين استخدام e

المفروض كل واحد بيستخدم الطريقة للى تناسب سواقته

امال ليه الناس عاملة المشاكل الجبارة دي على الفتيس
وانه مقلل سعر العربية .. ومسوأ سمعتها ..
اللي فهمته انه على اسوا الظروف ما عجبنيش ال es بختار ال m او ال e يعني برده مش كاني شاري عربية مانيوال و خلاص .... لا في اوبشن الاوتوماتيك لو حبيت و بدون مشاكل ...
ولا انا فاهم غلط