تجربتى مع اوبل

**tamertamer** · 19-05-2009 05:18 PM

بص ياباشا انا معاية العربية بتعتك بالملى بس عند الشراء توخيت الحزر جدا لانى فاهم فيها الى حد ما بقالها معاية سنتين وانا من الشباب قلى رجلة تقيلة موت وبجرى كتير وبلعات وحفر على سرعات بصراحة متينة جدا العربية من سنتين كل قلى عملتة فيهاء
1- سرفيس كامل للمتور كل 50 الف
2- العفشة تيش وبطاحتين وبيضة
3- شجرة تكيف
4- زيت متور 4 مرات
5- تيل فرامل 8 مرات بسبب الجرى المستمر
6- عملت كشف بالكمبيوتر عشان لمبة الabs وطلعت فيشة الضفيرة الخلفية وحجات بسيطة
ولسة عمل صيانة 50 الف قلى جية
ادى قلى عملتة فى عربيتى من سنتين
بس فى حجات انت بتعملها ترويش لعربيتك مثلا
1- فونيس رنجات
2- مكن ازاز كهربائى خلفى بالزراير بالرباعى
3- فرش ابيض شبك معمول للعربية مخصوص
4- اكسدام زيرو اصلى مخلى شكل العربية جميل
5- فوجات
6- طقم عدة صوت
7- سمكرة ودوكو لبعض اجزاء العربية
8- شرخ بسيط فى الزاز الامامى قداء وقدر
بص مدام بتستخدم العربية خلاص لازم تصرف بس انت العربية قلى انت جبتهاء صحبها اهمل فى الصيانة فدربت فيهاء كول حاجة وربنا يعوض عليك متحكمش على العربية من جانب واحد

**theghoast** · 19-05-2009 05:54 PM

ياريت يا باشا بس تقولي سعر طرمبة الباور كام لانها بايظة عندي وربنا معاك

**amralfy** · 19-05-2009 06:02 PM

الاهمال فى الصيانه بيكلف اللى بيشترى كتير واسالنى انا , عربيتى ما كانتش متهانة استخدام لكن مكانش بيتصرف عليها طول ما هية مش عطلانة, و دة خلانى صرفت كتير, ولسة شوىة كمان, بس مشاء الله عربية بجد. نصيحة واديها لحد بيفهم و عندو ضمير, انا مستريح جدا مع واحد اسمة عبد الله اوبل, هوة مكانه المريوطية فيصل, هوا مشواره بعيد انما الداءرى يوصلك فى ربع ساعة من المهندسين

**N.a.j.d** · 19-05-2009 06:12 PM

انتو ليه بطحتو الذنب ع شركه اوبل يعني معقوله كلامك دا انه اوبل وحش معقوله !!
انتا شاري العربيه من واحد مبهدلها خالص اي واحد بجيب عربيه مبهدله ح يحصل معا كده مش شرط اوبل ولا اي انوع تاني دي حاجات حصلت عشان صاحبها اللى اشتريت منه العربيه مبهدلها
وبعدين في ناس كتيره معاها اوبل ونفس النوع اللى معاك ومعمروش دخل مكنيكي اصلا
فا انتا حرام تظلم اوبل كده الا الحاجات اللى انتا لازم تغيرها عشان استهلكت زي التيل والحاجات دي ّّّّّّّّّّّّ!!!!!!

**ghost** · 15-07-2009 04:59 PM

مش ذنب العربيه ده ذنبك لن العربيه ديه افضل شيئ تشترى بعض الفحص فى التوكيل على الاقل ده رائى لكن عربيه اكتر من فوق الممتاز لن كان معايه عربيه موديل 2001 جبت بيه 190 ميت فل 14 جمده

**tananybasha** · 16-07-2009 12:05 AM

انا تابعت الموضوع باهتمام عشان اعرف ارد على كل من يتكلم عن عيوب الأوبل
1. الأوبل عربية مش معقده ميكانيكياً زى ما الناس معتقده العربية بسيطة بس على اللى بيفهم
2. صاحب العربية القديم بهدل امها و مرمتها و فيه كلمة زميل فى فورد حاططها توقيع ليه هاستعيرها منه مع بعض التغيير
الأوبل عربية باشاوات حرام و اياك و ابعد عندها لو من تحت ايد شحات
3. من الواضح ان حضرتك لما خدت العربية ما غيرتش السرفيس الرئيسى حتى لو العربية مش محتاجة وذلك لحسن ضن منك ان الراجل مغيره او الميكانيكى قلك انه سليم اول ما تشترى اى عربية غير زوت و فلاتر و كاتينه و شدادها و سير عمومى و لو صاحبها قالك انه مغيرهم فى التوكيل امبارح و بالتالى اللى حصل عندك يا طرمبة الماية قفشت و ادت إلى ضياع سير الكاتينة و سير الكاتينة اتقطع بسبب قدمه او عدم جودة صناعتة و المعروف ان الفيكترا بالذات موتورها بيقفش فابريكا
4 . مش عشان عربية صرفت عليها نتيجة اهمال من جهة المالك السابق او تقصير من ناحيتك ممكن ان تقارن باى سيارة اخرى مع العلم ان مغير 11 عربية فى سنتين و كان معايا نيسان 94 و اهى يابانى و مشفتهاش عند ميكانيكى علمتنى الأدب و طكلعت عين اهلى و كرهتنى فى العربيات كلها و مع ذلك النيسان سياره رائعة و لم اكون عنها رأى انها عربية وحشة او سيئة
5. تكييف الفيكترا فى وضعه الطبيعى زى الفل و اى لعب غلط فيه او نوع فريون وحش يكرهك فيه انما هو ممتاز و زى الفل و لكن لا يقارن باليابانى برضو فى قوة تبريده
6. الأهمال واضح من المالك السابق فى كلمة تيل و طنابير و كوبلن و مش عارف ايه كله ده واضح اهمال و الردياتير عارف انه دايب و سايبة و بتشتكى بعد كده من السخونة و اللى بيحصل للعربية
مع احترامى الشديد اى اهمال فى اى نوع عربية يعمل كده و اكتر و الأوبل مش بس اللى سعرها نزل السوق كله سعره نزل فى كل الأنواع مش فى نوع واحد و مادام على الكل يبقى متزعلش
و ده رأى خاص و لكم جزيل الشكر
محمد الطنانى