فرنا جديدة وملاحظاتى ( مفيش مبروك ؟ )

**MEMES** · 19-05-2009 09:22 PM

الف مبروك على العربيه
ربنا يباركلك فيها

**A.Saad** · 19-05-2009 09:40 PM

[gdwl]مببببببببرررررررررررووووو وك[/gdwl]

**hon** · 20-05-2009 12:18 AM

الف مبروك يا مان وقولوهم فى التوكيل واعمل نفسك متفرتك غيظ دى عربية زيرو مش مستعملة

**أشرف فتحى** · 20-05-2009 12:35 AM

أولا الف مبروك وربنا يديلك خيرها ويكفيك شرها ويحفظهالك !!!

نيجى بقى للمهم:-

بص يا سيدى !

بالنسبه للتليين مفيش مشكله لو رحت اسكندريه عشان تلين بس متعديش ار بى ام 3000 ومتزودش عن 90 عشان مخالفه الرادار!

العربيه مغريه جدا للجرى وسحبها جامد جدا فمتطاوعش نفسك غير لما تتمكن منها وتعرف العربيه إزاى تجيب أخرها.

إعمل حسابك ان فرامل الفيرنا أساسا مش قويه..هى مش وحشه بس مش هتسعفك على السرعات العاليه فبلاش الجرى جامد عشان مش هتعرف توقفها فى الوقت المناسب..

العربيه حلوه وحماله آسيه بس محتاجه تحافظ عليها عشان لو صونتها هتصونك وهتحس بيها لما تعمل صيانه الالف !

قبل السفر راجع على مستوى الزيت وزيت الفرامل وشيك عليها لان غبور وكيل لا يعتمد عليه زى ما حضرتك عارف!

إن شاء الله العربيه هترضيك وتبقى مبسوط بس بالهداوه فى الاول لانها غير الاكسيل او الاكسنت !

لو عندك اى سؤال ما تترددش ..الإخوه هنا مستعدين لاى مساعده!!

الف مبروك ولو عندك إمكانيه تغير الكاوتش النسر قريب غيره!!

**hossam_elwani** · 20-05-2009 12:38 AM

بالنسبة لتعليقك بخصوص الدهان انا فعلا ملاحظ ابتدا من اخر 2008 الى الان بشوف دهان الفيرنا الزيرو قل فى جودته مش زى الاول تشوفه ضعيف ومطفى وبيتأثر باقل تراب

وبالنسبة للكاوتش انا عايز اعرف هو مافيش نوع ثابت بينزل فى الفيرنا؟؟

**moudy2002** · 20-05-2009 01:13 AM

شكرا اشرف بك على نصايحك الغالية بس بردو محدش قلى ارجلش الفرامل عند اى مكيانيكى قبل السفر ولا اية ؟؟؟؟؟؟؟؟؟؟
لان كمان فرامل اليد مش بتمسك فى العربية غير لما ارفعا فوق قوى .. انا مش عايز اسافر غير لما اظبط الفرامل الاول .. ولا هيا بتبقى كدة فى فترة التلين وبتظبط بعد الالف ؟؟ يعنى قصدى لو عملت الرجلاش وخت هوا من الفرامل كدة غلط ولا اية .

كمان مستوى دواسة الدبرياج واطى جدا يعنى منخفط عن مستوى دواسة الفرامل ودة مش طبيعى على ما اعتقد . المفروض يبقى منسوب دواسة الدبرياج اعلى من دواسة الفرامل زى ما دواسة الفرامل اعلى من دواسة البنزين . صح كدة ولا اية ؟؟ كمان ممكن اعلية شوية الى المنسوب الطبيعى ولا برضة بلاش لاحسن يكون غبور قاصد ان الدبرياج يبقى واطى كدة فى فترة التلين ؟؟

انا العجل النسر المحترم لاقيت عجلة نايمة الصبح لان البهوات بتاع غبور مش ربطين البلف كويس واتضريت احل العجلة وركب الاستبن .. فعلا تهريج بس هنعمل اية ربنا يهدى ..

**أشرف فتحى** · 20-05-2009 02:05 AM

بالنسبه لرجلاش الفرامل ده زى ما حضرتك فاهم حاجه هايفه قوى إعملها عند أى ميكانيكى لو مستعجل بس هما كده كده هيعملوها فى صيانه الالف.

الدبرياج حضرتك تضبطه على حسب ما يريحك وعلى فكره هو باكم مش بسلك دبرياج فبيتظبط من عند الدواسه ممكن تخلى الميكانيكى يعليهولك شويه !

ومعلش خلى ايدك فى العربيه وما تعتمدش على صيانه الوكيل مش بس غبور بس كالعاده المعتاده العامل المصرى ممكن يكروت ويفتى بسهوله جدا ..المهم الزبون يمشى من قدامه عشان ييجى غيره.

بالنسبه للكاوتش كان ممكن تطلب منهم يبدلوا النسر بلاسا لان اللاسا تركى ومحترم جدا وقعد معايا 60000 وغيرته برضه حالته حلوه!

**Hacker5** · 20-05-2009 10:55 AM

الف مبروك على العربية
بس ازاى الناس بتقول ان مافيش صوت انذار عند فتح الابواب او عدم ربط الحزام فى الالنترا ؟
اعتقد انها فيها يا جماعة

**EslaM_NagY** · 20-05-2009 04:57 PM

المشاركة الأصلية كتبت بواسطة moudy2002

طبعا انا مش عارف اشكركم ازاى على شعوركم الطيب وذقوكم الى فايق الحد
انا جبت الفيرنا علشان انا عارف انى بدل ما اجرى على التوكيل هجرى عليكوا الاول علشان احنا هنا كلنا عايزين نفيد بعض فشكرا ليكو جميعا انا فعلا فرحان انى جبت فيرنا علشان كل الفرناوية هنا مستعدين عاى طول للمساعدة ..

طب جميل معنا كدة انى هستحمل لغاية ما تيجى صيانة الالف .. طب انا ناوى ان شاء الله اروح اسكندرية بكرة اغير جو .. وهو برضة مشاور كويس علشان اخلص تلين بسرعة . انا عارف انى اخرى 90 ك بس ممكن ازود لغاية 100 ك لو احتاجت الظروف ؟؟؟ ولا دة غلط على الموتور . يعنى 100 ك للضرورة القصوى ومش همشى كتير على السرعة دية ؟؟ يجرى حاجة ؟

2- موضوع الفرامل الى زى ما تكون واخدة هوا ومشواها طويل لغاية ما العربية تمسك فى نهاية مشاوار الفرامل زز هل ينفع اخد منها هوا واظبط الرجلااش بتاعها علشان موضوع السفر دة ؟؟ ولا اخليها زى ما هيه وربنا يسترها ؟؟

معلش يا رجالة انا اسئلتى كتير بس عايز افرح بالعربية واحس انى اخيرا ركبت زيرو .
شكرا تانى على المساعدة وربنا يجمعنا معا على خير ان شاء الله

تروح وترجع بالسلامة ان شاء الله

وزى ما اشرف بك قال متزودش عن 3000 RPM

والاهم والاهم انك متمشيش بسرعة ثابتة يعنى متخدش الطريق كله 90
لا شوية 90 وشية 80 ومفيش مانع فى المنازل تجيب 100 بس متمشيش 100 كتير

وعشان تتطمن مكتوب فى الكتالون بالنسبة لفترة التلين أخرك 4000 RPM يعنى حتى لو عديت ال3000 غصب عنك لالالالالالالالالالالا تقلق. :k46:

المشاركة الأصلية كتبت بواسطة Hacker5

الف مبروك على العربية
بس ازاى الناس بتقول ان مافيش صوت انذار عند فتح الابواب او عدم ربط الحزام فى الالنترا ؟
اعتقد انها فيها يا جماعة

الالانترا معرفش انما الفيرنا مفيهاش.

-

الموضوع: فرنا جديدة وملاحظاتى ( مفيش مبروك ؟ )

LinkBack

أدوات الموضوع

عرض

-

-

-

-

-

-

-

المواضيع المتشابهه

مفيش طلبية abc جديدة؟؟؟؟؟؟

ارجو المساعدة العاجلة... نيو اكسنت سبورت و لا فرنا جديدة

مفيش موضوعات جديدة ليه ؟؟

مفيش مبروك؟؟؟

مفيش مبروك؟؟؟

الكلمات الدلالية لهذا الموضوع

المفضلات

المفضلات

ضوابط المشاركة