فين سير التكييف فى النوبيرا؟

**ahmad--ezzat** · 19-05-2009 02:57 PM

يا جماعة انا كان عندى مشكلة فى التكييف بتاعى وكتبت المشكلة فى ورشة نايل موتورز...

http://www.nilemotors.net/Nile/showthread.php?t=75401

السؤال بقا الاقى فين السير بتاع التكييف والتروس عشان ازيتهم؟؟ وهل العملية محتاجة ميكانيكى ولا الموضوع سهل

شكرا مقدما

**samirayad** · 19-05-2009 03:05 PM

سير التكييف والباور والدينامو فى النوبيرا ( عباره عن سير واحد فقط لعمل هذه المجموعه )...وأساسا السيور لا يتم تزييتها .......ولكن كل فين وفين لما بحط نقطة زيت على السير [gdwl]( لأستمرار طراوته وعدم نشفانه مع التشغيل )[/gdwl] وأعتقد ده ملوش دعوه بموضوعك......وممكن تحاول فقط يابشمهندس أحمد من شد السير شويه (يمكن الأمور تتظبط ).....[gdwl]لأنه ممكن يكون مبوش شويه ومع حركة الدركسيون بيزيد الحمل شويه على السير....وبتحصل التزييقه فى اللحظه دى[/gdwl] على أساس الطلمبه بتكون عليها حمل شويه وقت حركة الدركسيون

**ahmad--ezzat** · 20-05-2009 12:42 AM

شكرا يا استاذ سمير

طب السير دة فين...انا لما بفتح الموتور بلاقى سير كدة تخين على الشمال ساقط لتحت...هل هو دة؟

واشدة ازاى (تقصد اية)

معلش هتعبك معايا

**samirayad** · 20-05-2009 12:55 AM

شكرا يا استاذ سمير

ياباشا تحت أمرك

طب السير دة فين...انا لما بفتح الموتور بلاقى سير كدة تخين على الشمال ساقط لتحت...هل هو دة؟واشدة ازاى (تقصد اية)

نعم هو ده ....ومفيش غيره ظاهر (باور -تكييف - دينامو)

واشدة ازاى (تقصد اية)

أى دينامو عربيه بيكون راكب ليه شداد على جسم المكنه .......وبالتحكم فى رجلاش الشداد بيتم شد السير قليلا ...وبكده بينضبط شد السير

معلش هتعبك معايا

ياباشا مفيش تعب ولا حاجه............روح لميكانيكى وخليه يشوف السير مشدود كويس ولا مبوش ....(لأن برضه ممكن يكون مسمار الشداد ريح شويه بعد شراءك للسياره ( أصلهم برضه معندهمش ضمير وقت التقفيل .....وأسألنى عنهم .....دول كانوا حيضيعوا طلمبة الباور عندى ولكن ربنا ستر ..........وغيرت الزيت بسبب كسل فى رباط قفيز على طرد الطلمبه )......علشان كده أن متوقع أنك لو شديت السير شويه .......ممكن ربنا يسهل

**ahmad--ezzat** · 20-05-2009 01:10 AM

بكرر شكرى يا استاذ سمير ...وفعلا هو اول ما جبت العربية مكنش فى حاجة بعد كدة ابتدى يظهر...بس الرجلاش دة الاقية فين برضة معلش ..وهل اعملة بايدى عادى

احييك على معلوماتك القيمة اللى تفضلت وقولتها...(واللة انا خايف يا استاذ سمير يجى عليك يوم تصلح عربيتك بايدك وتستغنى عن الميكانيكى والتوكيل هههههههههه..ربنا يخليك للمنتدى)

**samirayad** · 20-05-2009 01:45 AM

بكرر شكرى يا استاذ سمير

ياباشا أى خدمه

وفعلا هو اول ما جبت العربية مكنش فى حاجة بعد كدة ابتدى يظهر

كده يبقى بنفكر صح ....وبدأ الشداد يريح شويه .....ومع شغل الباور أثناء التوجيه ( الحمل الزياده على طلمبة الباور بيخللى السير يتزحلق على الطنابير وبالذات والتكييف شغال ) ودى بنقول عليها بيحصل أنزلاق للسيور مع زيادة الأحمال (هندسيا )

بس الرجلاش دة الاقية فين برضة معلش

راكب على جسم المكنه الشداد وبنحرك الدينامو عليه بواسطة مسمار الشداد

وهل اعملة بايدى عادى

روح لكهربائى أو ميكانيكى يشده ( وأديله 5 جنيه أفضل )

احييك على معلوماتك القيمة اللى تفضلت وقولتها

الله يخليك

واللة انا خايف يا استاذ سمير يجى عليك يوم تصلح عربيتك بايدك وتستغنى عن الميكانيكى والتوكيل هههههههههه

هههههههه اللى بأعرف أعمله ....ويكون سهل بأعمله ......[gdwl]وخللى بالك من حتة سهل دى [/gdwl]( وأنا أتعب نفسى ليه فى شغل عفشه وغيره ......خلص ياباشا وأشترى راحتك بس أهم شىء تكون فاهم الصنايعى حيعمل أيه ( ودى فايدة المنتدى بجد )

ربنا يخليك للمنتدى)

الله يخليك يا أحمد باشا