الموضوع: ايه العمل فى خرابيش الناس المنفسنه

تاني حاجه لو عملت الكلام دا بره التوكيل ايه ظروفها مع الضمان خصوصا اني لسه بدري عليا علي ما تخلص الضمان
وياريت بجد حد يفيدني
شكرا

دى ملهاش دعوة بالضمان انت بتخرج من الضمان فى حاله انك تعمل حاجه فى الكهرباء او الميكانيكا خارج التوكيل فى حاله الكهرباء بتخرج الكابلات بره الضمان وكذلك الميكانيكا انما شغل الصاج وتغيير الزيت والحاجات دى مش بتخرج اصلا بره الضمان

بس يا سيدى الفاضل المشكله مش فى الخروج من الضمان او لا المشكله انك حرام ترش عربيه جديده اصلا

ربنا يحفظهالك

غطى العربية ياستمرار

شكرا على النصيحه بس دى مش بتنفع فى كل الاوقات انا ساعات ببقى راجع من الجامعه تعبان وحران وطالع اتغدى واغير هدومى ونازل كورس على طول كل دة فى حسبه نص ساعه بس فبكده استحاله انى اطلع الغطى واقعد افرشه على العربيه واغطيها انا اساسا ببقى جاى زهقان ومخنوق من الزحمه والحر


الحل دة جميل بس مش بينفع غير اخر اليوم اللى هو انك هتطلع البيت ومش هتنزل تانى فى نفس اليوم

هو حضرتك فى حل انا جر بته قبل كده بس اللى عندى كانت حكه بسيطه فى الرفرف و واحد صاحبى قللى على اقتراح و نجح عن تجربة

* أول حاجه روحت عند واحد بتاع بويات و جابلى درجة الون (( بتبقى مكتوبه على الكبوت من الداخل )) و جبت من عنده 8\1 كيلو من لون العربيه من عنده و شكارتون دوكو

*بعد كده حددت المكان اللى فيه الخدش باللزق بتاع الدوكو بحيث ميبقاش باين غير مكان الخدش فقط و بالظبط , و جبت قطعة قطن و وضعت جزء منها فى 8\1 اللى انا جايبه و لقٌط المكان اللى فيه الحكه (( مره واحده بدون مرجع على نفس المكان مره تانيه )) و انتظرت 10 قائق و اديتها تلقيطه تانية, وسبت اللزق زى ماهوه لمدة يوم كامل (( هو صاحبى قللى سيبها 3 ساعات فقط )) بس انا قولت أخليها فتره أطول

* أول ماشيلت اللزق بجد زهلت من النتيجه ! بجد محدش عرف يطلعها بمجرد النظر, انا بس اللى كنت عارف مكانها علشان مكانها بيبقى خشن حاجة بسيطه لاكن استحاله تبان بالعين المجرده.

انا جه فى بالى الحل ده بس خفت انى ابقع العربيه هيبقى شكلها اوحش من الاول

لازم تغطيها بكسوة تكون قماش تند عشان تحميها من العقد .

وربنا يحفظها لك ولنا جميعا .

استاذ توفيق الدايهاتسواى الكبير شكرا لمرورك

اخى الحبيب والله كلنا نعانى من نفس الامر والغريب انى ملاحظ ان العربيات الزيرو تحظى باعجاب الناس لعمل الخرابيش عليها لكن لو راكب سيات قديمة ما حدش بجرحها ليه ما تعرفش ... المهم تعرفت على شركة امريكية من خلال معرض فورميولا فى العام الماضى والحقيقة كل اللى زارو المعرض ده ازهلوا من هول المواد المستخدمة وفاعليتها فى الموضوه ده .. هما عندهم نوعين من البوليش احدهم كريم والاخر سائل ويتم استخدام اولهم الاول فيقوم على ازالة الخدوش تماما ويرجع المكان اللى فيه الخدش الى طبيعته تماما ثم تقوم باستخدام الاخر فيرجع الى الدوكو لمعته الاساسية مرة اخرى لان الاول بيطفى الدوكو شوية والحقيقة اننى لم اجربه على سياراتى بل رايته فى معرض على الطبيعة على سيارة مينى فى المعرض نفسه وبصراحة انا ابهرت من النتيجة المهم عرفت ان الشركة دى فتحت فرع جراج سيتى ستارز فى الدور الثالث السلبى بالجراج ولكن على ما اعتقد فقط انها ستكون غاليو جدا ربما تصل الى 500 جنيه مثلا لكن بحق النتيجة مبهرة ولا تنسى انك لم تتخلى عن دوكو الفابريكة ولم تلقط الدوكو لان المحترف يعرف طبعا ممها كان جودة التلقيط ... والله الموفق الى ما يحب ويرضى

ميرسى بجد على المعلومه دى وانا فى اقرب وقت هروح فيه هسأل على الموضوع دة وياريت معلومات اكتر على الاسم وعلى السعر لو حد يعرف

حرام حرام ان انت تجيب بوية علي عربية فبريكة بسبب شوية خرابيش! كدة العربية اتقلت قيمتها كتيييييييييييييييييييير!
و بعدين كل عربيات مصر فيها خرابيش! و حتي لو في مساحيق تانية غالية و مستوردة بردة دي كلها كيماويات و بتأثر علي البوية مع الوقت, سبها و انساها!