خاللى بالكوا يا لانسراوية من السرقة!!!!

**onsi** · 21-05-2009 01:17 PM

على فكرة وربنا يسامحنى الحاجات المسشروقة دى كلها بتروح سوق الحرفيين عشان تتباع مستعمل بسعر رخيص وفى ناس مخصوص وعصابات وهتلاقى مصدرها فى الاخر هى اصحاب محلات المستعمل بيروضوا الناس العواطلجية واللى قاعدين تحت الكبارى ويستغلوهم فى سرقة اى شيى خاص بالعربية وكلة بثمنة
والكلام دة سمعتة من الرواس نفسة قالى واحد اشترى جنوط جديدة لعربيتة اللانسر وكانت جنوط مميزة وغالية وراح الحرفيين تانى يوم بعد السرقة لاقاهم فعلا هناك ودفع ثمنهم تانى واخدهم وقبل مايمشى قال لصاحب المحل على فكرة الجنوط دى بتاعتى وعارف انهم مسروقين وانا دفعت ثمنهم تانى لانهم مميزين وبس وحسبى اللة ونعم الوكيل فيكم كلكم

**MAX_PIN** · 21-05-2009 01:26 PM

شكرا استاذ انسى على التنبيه ومتزعلش ربنا يعوضك عنها خير
بس اشمعنى عربيات اللانسر بالذااااااااااااااااااااا اااااااات هى الى مستهدفه؟؟؟
كارثه لو كانت عصابه متخصصه فى اللانسر ربنا يكفينا شرهم
خلاص هضطر أركب الانذار واخلى استشعار او الحساسيه بتاعه لأقصى درجه والأمر لله وحده

**onsi** · 26-05-2009 10:04 PM

لسة حاصلة مع واحد صاحبى كمان بس عربيتة النترا مش لانسر نزل لقى العربية الاربع فرد على الارض وكمان لقى العجلة الخلفية فيها مسمار 10سم والاكثر شفقة انة قالى انة لسة شارى اربع فرد جداد من يومين.

لا حول ولا قوة الا باللة العلى العظيم

**nasr-eldeen** · 27-05-2009 01:31 AM

الحمد لله إنها جت على كده ؟
وربنا يعوض عليك .
أنا حصل معي موقف آخر الحرامي كسر الزجاج الأمامي شمال ولما معرفش يشغل السيارة راح سايب السيارة بدون أن يأخذ أي شئ آخر لا كاسيت ولا استبن ولا أي حاجة الحمد لله الزجاج فقط .

**Dr.SherifMansy** · 27-05-2009 10:10 AM

المشاركة الأصلية كتبت بواسطة nasr-eldeen

الحمد لله إنها جت على كده ؟
وربنا يعوض عليك .
أنا حصل معي موقف آخر الحرامي كسر الزجاج الأمامي شمال ولما معرفش يشغل السيارة راح سايب السيارة بدون أن يأخذ أي شئ آخر لا كاسيت ولا استبن ولا أي حاجة الحمد لله الزجاج فقط .

نفس الموقف حصل معايا فى البطة بس الزجاج الشمال الخلفى و حاول يخلع الكاسيت و ماعرفش او الوقت ما سعفهوش فكسر وش الكاسيت و سابه واقع من الكاسيت (يعنى جاب اجله برضه) و الحمد لله على كده
ربنا ستر
ربنا هو الحافظ و يحفظنا جميعا و ينتقم من كل الحرامية

**M.Nasr** · 30-05-2009 01:18 AM

وربنا يحفظنا جميعا من شر الحرامية واصحاب النفوس الضعيفة وينتقم منهم يارب

**Eslam_moustafa** · 05-06-2009 06:41 PM

المشاركة الأصلية كتبت بواسطة dr.sherif mansy

نفس الموقف حصل معايا فى البطة بس الزجاج الشمال الخلفى و حاول يخلع الكاسيت و ماعرفش او الوقت ما سعفهوش فكسر وش الكاسيت و سابه واقع من الكاسيت (يعنى جاب اجله برضه) و الحمد لله على كده
ربنا ستر
ربنا هو الحافظ و يحفظنا جميعا و ينتقم من كل الحرامية

أنا بردو حصل معايا كدة بس كسر الهواية اليمين اللي ورا و فتح العربية (مع العلم ان فيها جهاز انذار) و كسر الحتة البلاستيك اللي فيها الاسلاك و طلع مصارينها عشان يدور العربية بالاسلاك بس الظاهر البطارية نامت و حاول يزؤها كمان عشان يدورها بس ال تارة قفلت منه فا سابها مرمية من غير ما ياخد منها حاجة....علموم الحمد لله و ربنا يستر...