مشكلة جامدة - العربية بتبطل وانا مشغل التكييف أرجو الإفادة

**tefeamer** · 25-05-2009 05:28 PM

اولا الميكانيكى لا يمكن يعرف الحساس تالف من عدمه لان القصة دى شغل التوكيل الكمبيوتر اللى بيعرف الخلل موجود فين بناءً على القراءه اللى بيشفها .
ثانيا الحساس طبعا هو اللى بيظبط ال ار بى ام عند تشغيل الماتور او لو ماشى على سرعة هادية جدا او على مطب والحل اللى انت عملته هيعالج الموضوع بس خلى بالك هياكل معاك بنزين لانك كدة عليت استهلاك البنزين ده علاوة على ان صوت الماتور بيبقى عالى وانت واقف افضل لك غيره وارجع اضبط ال ار بى ام على الصح مع الشكر عاطف عامر

**AHMEDCAR** · 26-05-2009 11:00 AM

شوف ميكانيكى كويس عند جهاز كشف الاعطال

**tefeamer** · 26-05-2009 03:30 PM

وليه ميكانيكى كويس روح يا عم التوكيل وادفع 75 جنيه كشف وهو هيقلك العيب فين ، ولوعايز رأى غير الحساس عند واحد بيبيع استيراد وجربة وانت واقف وظبط ال ار بى ام وركبه لانه تركيبه سهل جدا وشغل التكييف العربية بطلت يبقى العيب مش منه العربية اتظبطت يبقى خلاص وعلى فكرة تشغيل التكيف والعربية واقف بتحس بيه فى الماتور بس بيبقى حاجة خفيفة جدا لاكن لو لقيت ال ار بى ام بيقل اوى والعربية بتترج لكن مبتطلتش يبقى العيب مش من الحساس (مع الشكر عاطف عامر)

**ahmedbakr50** · 27-05-2009 12:26 AM

طيب ليه استفسار للأخ عاطف عامر : 1- هو مكان مركز الخدمة إلى حضرتك كشفت فيه وأنا ساكن فى حلوان إذا ليك توصية لمكان قريب
2- هوه مكانه فين بالضبط عشان عديت على ميكانيكى حسسنى إنى بسأله على شىء مش موجود انا عربيتى موديل 2000 - 1500 سى سى

**tefeamer** · 27-05-2009 04:24 PM

مركز الخدمة فى اول طريق مصر الاسماعيلية اسمه اوتو ماجد ، ب مش لازم الفرع ده اسأل على فرع صيانة تبع الهيونداى وقلت لك بلاش تروح لميكانيكى وروح التوكيل ، مكانه فوق الماتور على طول بس طبعاً ناحية الزجاج هو لونه فضى وهو فى وسط بين خرطومين . عاطف عامر

**ahmedbakr50** · 29-05-2009 03:17 AM

إلى الأخ العزيز عاطف عامر
أود أن أشكرك شكراً جزيلاً على معلوماتك التى أفادتنى كثيرا
رحت لكهربائى معرفة وقولتله يبصلى على حساس السلانسيه وبالفعل كان الخرطوم مسدود ونظفنا الحساس
والعربية بقت زى الفل - الآر بى إم ثابت حتى لو مشغل التكييف
فوجب الشكر لك أخى العزيز

**ahmedbakr50** · 04-06-2009 01:16 AM

ربنا يجازيك خير يا أستاذ/ عاطف عامر

**tefeamer** · 04-06-2009 06:27 PM

اخى الفاضل لا شكر على واجب والحمد لله ان قدرت افيدك وتحت امرك (عاطف عامر)

**hosamdaewoo** · 03-01-2010 05:52 PM

من فضلك خرطوم اية اللى كان مسدود؟

**ahmedbakr50** · 04-01-2010 01:49 AM

فيه خرطوم طالع من حساس السلانسيه وواصل بفلتر الهواء
وأنا حاططلك صورة فيها سهم يشير إلى الخرطوم
Re-exposure of 000_3298.jpg

الموضوع: مشكلة جامدة - العربية بتبطل وانا مشغل التكييف أرجو الإفادة

LinkBack

أدوات الموضوع

عرض

-

المواضيع المتشابهه

العربية بتترج وانا مشغل النور العالي

ازاى امنع الرائحه وانا مشغل التكييف

النوبيرا الاتوماتيك بتبطل !!!!!! أرجو الإفادة

العربية مش بتسحب وانا مشغل المكيف

مشكلة جامدة - العربية بتبطل وانا مشغل التكييف أرجو الإفادة

الكلمات الدلالية لهذا الموضوع

المفضلات

المفضلات

ضوابط المشاركة