بصوا يا جماعة..
بغض النظر عن كورى والمانى ويابانى وهندى..
من واقع تجربة للجولف 5 ...عشان انا صديقى الانتيخ معاه بقالها 6 شهور وعامل بيها 25 الف كيلو...هو كان جايبها ب 159 الف اوتوماتيك ستيترونيك..
فا انا سوقت العربية اكثر من مره...وعارف كويس انا بتكلم عن ايه...
السيراتوا انا اجهلها تماما بس اكيد قريبة من الالنترا...بلاش خلوها زى الكورولا..اوكى..
اولا من ناحية الشكل...فالعملية ازواق...دى سيدان ودى هاتش...بس السيراتوا تتفوق نسبيا وشكلها اكثر عصرية وانسيابية...اون كانت الجولف ايضا شكلها جامد ..ومش ممكن نقول الجولف شكلها يوصل لدرجة انه وحش...فا الشكل مش هيبقى فارق اوى..
ثانيا..من ناحية التقفيل والخامات وجودة الصناعة...الجولف تتفوق لاقصى الحدود...عارفين يعنى ايه عربية مفيهاش غلطة....قوة ومتانة لاقصى الحدود...
ثالثا...الثبات....الجولف تتفوق بشكل واضح واكيد طبعا كلكم عارفين ثبات الجولف...
رابعا..اداء المحرك ...دى النقطة الوحيدة الى فى صالح السيراتو غير موضوع الشكل...السيراتوا سحبها افضل...و 122 حصان على وزن اخف نسبيا...
خامسا..من ناحية الامان ...الجلوف 5 فيها 6 ايرباجز...و5 نجوم فى اختبارات الامان..واعتقد اكيد هى متفوقة فى النقطة دى...دى جولف..يا جماعة...يعنى تاريخ ...
سادسا...السعر مقابل القيمة....الجولف سعرها الان بعد الخصم 149 الف...تخيلوا ..ودا عرض محدود الى نفاذ الكمية.....
السيراتوا ب 130 الف...فا اعتقد الانين سعرهم معقول جدا...وان كانت الجولف تعتبر صفقة ممتازة جدا فى نظرى...لانها كانت نفس الموديل دا ب 170...ودلوقتى بقت ب 150..فا واضح يعنى انا بتكلم فى ايه...
التوكيل والصيانة ومصاريف التشغيل...اعتقد الاثنين توكيلهم كويس...صيانة وقطع غيرا الجولف اغلى طبعا...استهلاك البنزين ...فى الجولف افضل فى رأيى...بس اكيد مفيش فرق ملحوظ...
يبقى امتى اختار سيراتو...
عشان هجيبها زيرو...والزيرو راحة نفسية..
لو يفرق معاك السحب والتسارع ...وغاوى شد وكده...
لان الجولف انا ببهدلها بالياريس...فما بالك الالنترا..
الصيانة وقطع الغيار...السيراتوا ارخص طبعا من الناحية دى
لكن كفخامة وبريستيج وصناعة وقوة ومتانة وسعر اعادة بيع وكله صدقنى..الجولف بدون منازع
ياراجل دا دا حتى لو بتكلم فى كورولا او لانسر (الى هم يابانى) زى مابيقولوا
الجولف تتفوق بفرق ملحووظ...فى كل حاجة...ماعدا التسارع
العربية الجولف دى تعتبر الافضل ...
وانا لو معايا فلوس زيادة دلوقتى...هشترى جولف يا اما فكترا الى ب 155 ...
عربيتين تحفة بجد ...والمانى المنشأ..
وخد بالك المانى تفرق عن اى عربية اسيوى ...حتى اليابانى ...يعتبر تقفيله اقل وقوته اقل من الالمانى..
العربيات الاسيوى...جراية وعملية..ومصاريف تشغيلها اقل....
بص...كفاية ثبات الجولف....حكااية
والا التقفيل...وما ادراك ما تقفيل الجولف...يتقارن با ال بى ام ...بكل وقعية ...
وبعدين الجولف يعنى عربية طول عمرها بتلعب فى فئة 180 الى 220 الف
اما السيراتوا والالنترا ...فا من 100 الى 120
وبعدين الجولف لما تكون ماشية 30 الف كيلو...
يعنى تقريبا لسه زيرو...
والجولف انا اثق فيها حتى لو ماشية 100 الف كيلوا..
حاجة تانية..الجولف صاجها بجد حكاية....مختلف عن الكورى واليابانى خالص...اقوى بكتير بجد...ودا من تجربة برده...
بص جولف 2006 لو عاملة 30 الف كيلو
يبقى سعرها فى رأيى مزيدش عن 120 الف او 125 الف ...
ساعتها هاتها وهتدعيلى ....
المفضلات