مقارنة بين نيو سيراتو و جولف 5 أستعمال خفيف

**Ahmed Selim** · 01-07-2009 12:24 PM

المشاركة الأصلية كتبت بواسطة semsem kane

ان اروحت توكيل اسبيرانزا عربية ب65 الف كنا هنعمل بس الرفرف والاكصدام ورش العربية فوق ال6000 جنية مع تغير مقص قدام يبقى حرام ولا مش حرام وللاسف كانت فى الضمان

معلش مش قادر أفهم أيه العلاقة بين الضمان و واحد عامل حادثة و رايح يصلح رفرف و أكصدام و مقص ؟؟؟؟؟

التوكيل له علاقة بس بالأجزاء اللى فيها عيوب صناعة

و أنت لو رحت توكيل فولكس و عملت أكصدام و رفرف و غيرت مقص شوف هتدفع كام.........

كل التوكيلات فى مصر غالية جداً.......و ده طبيعى.

على فكرة يا جماعة..........السؤال كان لواحد صاحبى مش ليا و مع أنه خلاص صرف نظر عن الشراء دلوقتى إلا أنى رشحتله الجولف.....بس يا ريت يبقى فى موضوعية شوية فى النقاش.

**raed badr El Kelany** · 01-07-2009 01:37 PM

الجولف طبعا بس ياريت تتاكد من الفتيس لان ثمنه غالى جدا يصل سعره الى 15000 استيراد فى الحرفيين وسبق لى الوقوع فى مشكلة مع هذا الفتيس

**SAMEH_FOUAD** · 02-07-2009 10:28 AM

المشاركة الأصلية كتبت بواسطة ahmed a.maksoud

معلش مش قادر أفهم أيه العلاقة بين الضمان و واحد عامل حادثة و رايح يصلح رفرف و أكصدام و مقص ؟؟؟؟؟

التوكيل له علاقة بس بالأجزاء اللى فيها عيوب صناعة

و أنت لو رحت توكيل فولكس و عملت أكصدام و رفرف و غيرت مقص شوف هتدفع كام.........

كل التوكيلات فى مصر غالية جداً.......و ده طبيعى.

على فكرة يا جماعة..........السؤال كان لواحد صاحبى مش ليا و مع أنه خلاص صرف نظر عن الشراء دلوقتى إلا أنى رشحتله الجولف.....بس يا ريت يبقى فى موضوعية شوية فى النقاش.

ياباشا علاقة كلامى بالموضوع انة الواحد كدة كدة هايصرف سواء على جديد او مستعمل,وبردة الجديد حاجتة مش رخيصة ولازم تعملها فى التوكيل عشان ماتخرجش من الضمان ,يعنى اللى هايدفعة فى سيراتو فى التوكيل ,ممكن يدفعة فى جولف برة التوكيل ,وممكن السيراتو تحتاج اكتر من الجولف ماهتحتاج ,لان العريبات دية بتبقى متجربة مائات الكيلو مترات قبل ماتنزل ,لكن كوريا بتعمل العربية وتنزلها تجرب فى المستهلك
وبلاش ياباشا الخبطة خلينا فى المقص اللى يقولك ب700 جنية(سعر الواحد) ودة صينى
(يعنى مابقاش فية فرق مابين مستعمل وجديد كلة بيصرف دلوقتى)الغرض بس من الجديد انك تبقى جايب عربيبة تعرف عنها كل حاجة وعارف فيها اية مع انى بردة مش مرجح النقطة دية عشان بقى كل الجديد دلوقتى عيوب

**kliken** · 03-07-2009 06:50 PM

جولف 5 طبعا طالما الحاله ممتازه

**SAMEH_FOUAD** · 03-07-2009 07:08 PM

المشاركة الأصلية كتبت بواسطة mohammedsamirabdeen

ممكن تفهمنا العربيات ازاي تتجرب مائات الكيلو مترات وست كوريا هانم مبتجربش وترميلنا العربيات وخلاص وتشوف باكورة انتاجها في المشتريين

شوف ياباشا اى شركة المانية مش بتنزل عربياتها للتسويق الا لما بتخضع لاختبار جامد جدا ودة عن طريق حلبات مخصصة لكل شركة لاختبار سياراتها سواء فى منحنيات او قوة ماتور ومدى راحة التعليق ومدى العزل وعدم دخول الماء اللى مقصورة السيارة ,وسرعة الرياح ونسبة انعاكسها على السيارة وتاثيرها ,كل دة مثبت بفديوهات على اليوتيوب اعمل بس بحث كدة وانت شوف الالمان بيعملوا اية فى عربياتهم ,عشان يطلعوها بمستوى عالى جدا من الاداء ,اية ياباشا دية جولف اللى بتنافس البى ام يعنى عمرك شوفت سيراتو بتنافس الفئة الثالثة او الc class ,لكن تلاقى فولكس واجن جولف,باسات
واليابانين بردة بينافسوا الالمان وبشدة ,بس طبعا الغلبة للالمان افضل صانعى سيارات العالم
معلش هاتلى بقى كدة شركة كورية بتعمل اختبار للعربية قبل مابتنزل ,ماعدا عربيتين من هيونداى وهما الهيونداى جينيسيس سيدان وكوبية ,هما دول العربيتين اللى اتعملهم اختبار قبل ماينزلوا الاسواق وبجد عربيبتن تحفة ,وممكن تنافس بيهم

**elshaba7ana** · 04-07-2009 02:56 AM

نتو لسة بتقارنو سيراتو بجولف 5؟؟؟!!!!!!
ياجماعة اللي عايز يقارن ده ميسالش
خلي يسوق الاتنين
مش هاقول اكتر من كده
ومش هتتعبو وبلاش بعبع الالماني الوهمي ده انها عربيات متعبة وقطع غيارها الخ الخ
كل ده فاكس

**Screenplays** · 21-05-2012 07:09 AM

اكيد الجولف بس لو نضيفه و كمان لو صاحبك راجل مبذر ههههههههههه و اهه انضف من السيراتو

مشاهدة نتائج الإستطلاع: ماذا تختار لو كنت مكانه ؟؟

الموضوع: مقارنة بين نيو سيراتو و جولف 5 أستعمال خفيف

LinkBack

أدوات الموضوع

عرض

-

-

المواضيع المتشابهه

طلب مقارنة بين جولف 4 موديل 2000 و كيا سيراتو موديل 2006

مقارنة جامدة أرجو المشاركة جولف 5 bmw e46 vs

مقارنة غريبة شوية جولف 2001 ولا لانسر ولا مازدا

طلب مقارنة موتور 1400 جولف 4 بمواتير 1600 الكورى

سعر نوكيا E66 بجميع مشتملاتة أستعمال خفيف جدا"

الكلمات الدلالية لهذا الموضوع

المفضلات

المفضلات

ضوابط المشاركة