أرش العربية فين؟

**HassanEissa** · 20-05-2009 04:07 PM

و حد لو سمحتم يفهمني هو فيه رش من غير معجون ؟
و الاكصدامات الفيبر هل هترجع تطقطق تاني بعد الرش ولا لأ ؟

20-05-2009 04:29 PM

المشاركة الأصلية كتبت بواسطة hassaneissa

و حد لو سمحتم يفهمني هو فيه رش من غير معجون ؟
و الاكصدامات الفيبر هل هترجع تطقطق تاني بعد الرش ولا لأ ؟

طالما شاكوش السمكري جه على الصاج يبقى لازم يتمعجن
الإكسدام و الصاج لو الصنايعي إيده مش حساسة بعد تصفية المعجون (يبقى عايز قطع إيده و يبطل الصنعة أحسن) لازم المعجون يطق من أقل لمسه .
للمعلومية فقط :
خللي عينك على السمكري و هو بيسخن على اللوحة علشان يدق بالشاكوش
من أولها إذا لقيته مش مخللي لهب اللمبة يادوب ملمس الصاج على قد الدقة و بعدين تسخينه تاني بسيطة و يرجع يدق ......... نصيحة أخوية خد عربيتك و إمشي .

**Hegazio** · 20-05-2009 04:35 PM

ده كلام كبير قوي يا جدعان
عموما شكرا جزيلا

و أنا موافق kh-talaat جدا .. احنا بس اصلنا شعب عايش في نظرية المؤامرة و طالما واحد رش العربية يبقي أكيد كانت مقلوبة قبل كدة و بيخدعك

الشهر الجاي حاتفرغ للموضوع ده

**chato_eg** · 20-05-2009 04:42 PM

المشاركة الأصلية كتبت بواسطة HassanEissa

و بالنسبة للرش في التوكيل مش مشكله ياخدو تمن القطعه بس المشكله انا مش عاوز ارشها كلها

يعنى عايز يرش الاكصدام بحيث اللون ينزل على الخربوش بس مثلا ؟؟؟
أفتكر صعب أوى
و بعدين جايز تحس بفرق لون لو القطعة الواحدة مرشوش حتة آه و حتة لأ....
ده انت الرفرف الخلفى مثلا لو مخبوط من عند العجل ..بيترش للسقف علشان يحصل Blending للدهان السابق له مع الدهان الجديد

**HassanEissa** · 20-05-2009 04:44 PM

دى قطع بلاستيك بتتفك و تتركب
فائدتها فى الحياة ...حماية الاكصدامات من الاحتكاكات
علشان كده هى غالبا ( معظم الموديلات باستثناء بعض من 2008 و ال Sport و ال RS ) مالهاش لون و لا بتدهن علشان الحكات البسيطة مش تبان فيها
لو شكلها مضايقك أوى..ممكن تجيب بدل إللى عندك...

شكرا يا chato جدا علي المعلومه وهيه بتتباع فعلا بنفس اللون ؟
و هيه سعرها كام ؟

**Amr_Moh** · 20-05-2009 04:52 PM

المشاركة الأصلية كتبت بواسطة chato_eg

دى قطع بلاستيك بتتفك و تتركب
فائدتها فى الحياة ...حماية الاكصدامات من الاحتكاكات
علشان كده هى غالبا ( معظم الموديلات باستثناء بعض من 2008 و ال sport و ال rs ) مالهاش لون و لا بتدهن علشان الحكات البسيطة مش تبان فيها
لو شكلها مضايقك أوى..ممكن تجيب بدل إللى عندك...

ملهاش لون لو عربيتك أول فئة يعني من عير جنوط أما المجنطة والبانوراما بتكون لونها فضي على أكسيديه

**chato_eg** · 20-05-2009 06:55 PM

المشاركة الأصلية كتبت بواسطة hassaneissa

شكرا يا chato جدا علي المعلومه وهيه بتتباع فعلا بنفس اللون ؟
و هيه سعرها كام ؟

هتلاقيها فى التوكيل طبعا غالية أوى....
لكن بصراحة خبرتى معدومة فى قطع غيار بره التوكيل...لو انتظرت شوية هتلاقى الوحوش يردوا عليك....هتلاقى سواء جديد مش أصلى... أو استيراد من الحرفيين
و هى فى منها لونه الأصلى زى ما عمرو قال رمادى متأكسد و فى منها أسود...