سؤال فى نقل ملكية .... ضرورى

**kh_talaat** · 21-05-2009 11:09 AM

المشاركة الأصلية كتبت بواسطة zizo

انا كان عندى نوبيرا بيها 2 توكيل ورخصه ساريه لمده عام وروحت المرور انقل الملكيه لاكن المرور رفض بسسب التوكيلات .

موقف غريب فعلا !!!

بس احب انبه على حاجه يا جماعة احيانا الموظفين معدومي الضمير بتحاول تعملك اي مشكلة عشان تظبطهم بالرشاوي

يعني مثلا حصلت مع واحد صاحبي راح الشهر العقاري عشان ينقل الملكية فالموظف رفض التوكيل وقاله ان إمضاء موظف الشهر العقاري اللي عملك التوكيل اسمه مش واضح ولازم ترجعله يكتب اقرار بصحة توقيعه !!!!!
طبعا موقف غريب وصاحبي مفهمش المقصود و طلع على الشهر العقاري السابق وعمل المطلوب بس كان اليوم ضاع ولما بيحكيلي على الموقف دة كنت لسه ناقل ملكية فبصيت على امضاء الموظف في التوكيل بتاعي لقيته برضه شخبظة ومحدش قالي حاجه في المرور ونقلت الملكية عادي

**HASSANSG** · 21-05-2009 11:14 AM

المشاركة الأصلية كتبت بواسطة hassansg

الموضوع دة عاملى قلق جامد
وبصراحة مش عاوز اصرف على العربية دلوقتى لانها خربانى على الاخر
وانا عارف انهم بيطلعوا القطط الفاطسة فى الفحص

استاذ خالد خضرتك ما ردتش على سوالى وانا اسف على تعبك معايا
وياريت لو ما فيهاش تعب تقولى الفحص دة بيكون عبارة عن ايه؟

**M_Nabil** · 21-05-2009 05:17 PM

المشاركة الأصلية كتبت بواسطة hassansg

استاذ خالد خضرتك ما ردتش على سوالى وانا اسف على تعبك معايا
وياريت لو ما فيهاش تعب تقولى الفحص دة بيكون عبارة عن ايه؟

الفحص الفني بيشوف رقم الماتور والشاسية مطابقين ولا لأ هل السيارة فيها خبطات في الصاج، فوانيس مكسورة ،زجاج فاميه ،زجاج مكسور او مشروخ طفايه حريق وزاد عليهم دلوقتى المثلث وشنطة الاسعافات.

**M_Nabil** · 21-05-2009 05:21 PM

المشاركة الأصلية كتبت بواسطة hassansg

انا بكرر الموضوع علشان كنت برضة عاوز اسأل سؤال تانى وهو ان الفحص دة حتى لو هانقل ملكية فى نفس المرور التابعة ليه العربية؟

يعنى كنت هابيع لزوجتى وهى بطاقتها قاهرة

ايوة ياباشا لازم هتفحص مع نقل الملكية حتى لو نفس المرور التابعه ليه العربية

**Ahmed Nouh** · 25-05-2009 10:43 PM

مقلق من موضوع الفحص والحوارات دى

لو فى نيتك التجديد بعد النقل يبقى ممكن ب 30 جنيه فى المرور تفحص من غير ما تدخل العربيه اساسا

يادوب هياخد البصمه وشكرا

الاحسن انى انقل ملكية وانا بجدد الترخيص ولا الاحسن وانا بجدد العربية فى 2011 ويبقى تظبيط فى تظبيط

وهل موضوع الـــ 3 توكيلات يعملى مشكلة فى المرور وانا بجدد الرخصة؟؟؟؟؟

التوكيلات مشكله والناس مش بتاخد بالها من الموضوع ده

لا قدر الله لو المالك الاصلى توفى العربيه تنتقل لملكيه الورثه ويصبح توكيلك لاغى وساعتها ملكش حق البيع لنفسك وانت ونصيبك بقا مع الورثه

ولو لا قدر الله الشارى اللى معاه توكيل توفى يبقى التوكيل لاغى والورثه بتوعه ما يقدروش ياخدو العربيه غير من المالك الاصلى

فنصيحه استغنى عن الكام شهر الفاضلين وانقل ملكيه عربيتك التوكيلات دى للتجار مش اكتر

فى نقل الملكيه التوكيلات مش هتعملك اى مشكله فى المرور هياخدوها كلها كمستند فى ملف العربيه الاصلى وهياخدو العقد اللى معاك وخلاص يطلع الرخصه بأسمك

**kh_talaat** · 28-05-2009 12:31 PM

المشاركة الأصلية كتبت بواسطة m_nabil

الفحص الفني بيشوف رقم الماتور والشاسية مطابقين ولا لأ هل السيارة فيها خبطات في الصاج، فوانيس مكسورة ،زجاج فاميه ،زجاج مكسور او مشروخ طفايه حريق وزاد عليهم دلوقتى المثلث وشنطة الاسعافات.

بالاضافة لكشف البيئة

ودة عبارة عن خرطوم طويل بيدخله جوه الشكمان وبيقيس نسبة العادم مطابق للنسبة المسموح بيها ولا لاء ، يعني لو العربية مفوته ولا الكربراتير فيه مشكله بيتم رفضها