خبر جامد عن موضوع عيوب العربيات و جهاز حماية المستهلك

**jisso82** · 20-05-2009 11:58 AM

waelwael
عضو جديد

تاريخ الانضمام: 28Jun2008
محل السكن: بورسعيد الباسله
المشاركات: 99
Thanks: 1
Thanked 53 Times in 12 Posts

حكم تاريخى لرفض إعادة سيارة معيبة - تغريم وكيل إسبرانزا 200 ألف جنيه

قضت المحكمة الاقتصادية بتغريم كل من حسن حسام أبو الفتوح رئيس مجلس إدارة شركة دايو موتورز إيجيبت ونبيل يواقيم عبد المسيح مدير عام الجودة والإنتاج بالشركة بغرامة مائة ألف جنيه لكل منهما، وذلك كأقصى غرامة نص عليها قانون حماية المستهلك رقم 67 لسنة 2006.

وجاء الحكم بناء على شكوى تلقاها جهاز حماية المستهلك من أحد المستهلكين يتضرر فيها من شرائه سيارة إسبرانزا من شركة دايو موتورز إيجيبت اكتشف عقب استخدامها وجود عيوب فى التكييف وأماكن الدواسات وتخبيط فى العفشة ورغم قيامه بالصيانة للسيارة بمركز خدمة الشركة أكثر من مرة إلا أن العيوب لا تزال موجودة.

وذكر جهاز حماية المستهلك، فى بيان له اليوم، أنه قام بالتأكد من صحة الشكوى من خلال إحالة السيارة لمركز الاستشارات الهندسية بكلية الهندسة بجامعة عين شمس والتى أكدت أن السيارة تحتاج إلى تغيير لأن العيوب الموجودة بها غير مقبولة وأن السيارة غير سليمة وتقع مسئولية العيوب على الشركة المصنعة.

وأكد الجهاز أن لجنة السيارات التابعة له والتى تضم عدداً من الخبراء قامت بجهود ومحاولات لحل الشكوى ودياً مع الشركة إلا أنها رفضت الاستجابة .وشدد عمرو فهيم المدير التنفيذى لجهاز حماية المستهلك على أنه تم اتخاذ الإجراءات القانونية تجاه الشركة بعد رفضها الاستجابة لقرار الجهاز فى استبدال السيارة المعيبة وهو ما يضر بمصالح المستهلك وحقوقه التى نص عليها القانون رقم 67

لسنة 2006، حيث تم إحالتها لنيابة الشئون المالية والتجارية والتى قامت بدورها بإحالتها للمحكمة الاقتصادية والتى قضت بتوقيع أقصى عقوبة نص عليها قانون حماية المستهلك ضد رئيس الشركة ومدير عام الجودة والإنتاج بالشركة.
منقول من اليوم السابع

الخبر ده أنا لسه ناقله حالا من المنتدى العام زى ما هو عشان الناس اللى كانت فاكرة إن الشكوى اللى هتتقدم فى الوكيل أو لجهاز حماية المستهلك مش هتجيب نتيجة.
أنا نفسى كنت معتقد كده عشان كده لما شفت الخبر قلت أبشر الناس يمكن يبقى عندهم أمل ياخدوا حقهم من عمو عز

**Ayman_52** · 20-05-2009 12:35 PM

يـــا مســــهل ..... كويس ان لسه فى ناس بتعرف تاخد حقها فى البلد دى

الف شكر ياباشا عالخبر .... ويارب فعلا يطبق على كل الناس

تحيـــــــاتــى

**jisso82** · 20-05-2009 01:41 PM

أيمن باشا يا رافع معنوياتى دايما و أول واحد يرد على مشاركاتى بس عموما أنا مش حاطط الموضوع عشان أشوف مشاركات على قد ما انا حسيت إنه هيسعد ناس و يخليها تاخد خطوة أكثر إيجابية فى مشاكلها مع التوكيل و العيوب اللى بيهملها و ما بيعالجهاش و مسوأ سمعة أجمل و أحسن عربية فى مصر

**aeltokhy** · 20-05-2009 02:00 PM

هذه السيارة مليانة عيوب!!!!!!!!!!!!!!!!!! على كدة معظم السيارات الاسبرانزا هاترجع للوكيل عقبال مايشدوا على عز العرب
شكررررررررررررررررررررررر ررعلى الخبر

**M.almaghraby** · 20-05-2009 05:16 PM

خبر جميل جدا بجد و المفروض يتطبق علي الوكلاء في مصر و اولهم عز العرب

**ahmedsiyam** · 21-05-2009 01:04 AM

الخبر هايل و انا فعلا اول ماقرأته فى الجريدة الرسمية يوم السبت الماضى كنت بافكر جديا فى نقله للناس هنا على المنتدى علشان يبقى الموضوع ده حافز للناس انها تاخد حقها و ماتتهاونش فيه و تقول ماحدش هايقدر على التوكيل و هايطلعوا عينى و ماحدش هايعمل حاجة و الكلام الفارغ ده

بس فى بعض الامور مهمة احب اوضحها و انا متاكد ان صاحب السيارة المذكورة فى الخبر اخدها فى الاعتبار :

- حقك تاخده بالادب و ماتغلطش فى مخلوق
- تحاول تصبر على التوكيل مرة و اثنين و عشرة و بلاش تلاكيك و التركيز على العيوب الجوهرية
- اثبات جميع الزيارات للتوكيل بوثائق رسمية و عمل ملف كامل لمشاكلها
- انذار الوكيل عن طريق مخاطبة رسمية او بريد اليكترونى باللجوء الى جهاز حماية المستهلك لحفظ حقك وقدم حسن النية فى انك موش عايز تصعد الموضوع
- الاخذ فى الاعتبار أن الصبر مفتاح الفرج و عدم اليأس او محاولة التخلص من السيارة ببيعها
- الايمان التام بأن ربنا مابيضيعش حق عبد من عباده

خطوات مهمة لو اخدها العميل فى حسبانه و هو بيحاول يرجع حقه ربنا هايكرمه و ياخد حقه ان شاء الله

**mezo73** · 21-05-2009 10:34 AM

في مقولة بتقول
لاضاع حق وراءه مطالب
وللاسف في مصرنا الحبيبة ضاع الحق وضاع المطالب بحقة في ستين الف ----
فأرجو من الله سبحان وتعالي ان يعيد الحقوق لاصحابها في زمن ضاع فية كل شئ حتي الاخلاق(قال رسول الله صلي الله علية وسلم انما بعثت لاتمم مكارم الاخلاق.......... صدق رسول الله)