اسئلة فنية لو سمحتم ضروري

**Samooh_2003** · 21-05-2009 02:55 AM

1-العربية سحبها ضعف اوي بدوس بنزين بتجمع صوت بس مش سرعة بسرعة low acceleration فا ده ممكن يكون سببه ايه ؟

2-مع مطبات اللي هيا عين القطة بسمع صوت كانه في الطابلوه جنب الدريكسيون اللي جنب باب السائق كان فيه علبه خشب وانت رميت حاجة جواها فبتعمل صوت مكتوم مع العلم انو في اللفات طبيعيه ومافيش صوت من الاكسات وايضا بالعلم انه عندي طرف جارة دريكسيون عاوزين يتغيرو وجلب مقصات عاوزة تتغير بردو

3-فيه حل للزجاج القدام لو بيدخل هوا ؟

معلش على التفسيرات الغريبة بس بحاول اوصفها بالضبط واسف للاطالة

شكرا

**MAX_PIN** · 21-05-2009 01:30 PM

لو سمحت وضح نوع العربيه وموديل كام وعامله كام كيلو وكام سى سى
عشان يسهل ع الاعضاء ويقدروا يفيدوك

**Samooh_2003** · 21-05-2009 03:29 PM

Lancer 2007
1600 cc
66700 km

**Samooh_2003** · 21-05-2009 06:03 PM

اتوماتيك

**Samooh_2003** · 22-05-2009 07:19 PM

ايه ياجماعة مافيش حد عاوز يساعد ب حاجة :(

**hishamkenawy** · 24-05-2009 12:54 PM

يص ياباشا بالنسبة لموضوع السحب دة غالبا رشاشات عوزة تنضيف وطابعا مع افتراضنا ان البوجيهات سليمة وفلترالهواء جيد وطابعا لزم تكون مغير فلتر البنزين لانك عامل 66000 ك وهو بيتغير كل 50000 ك والبوجيهات كل 40000 ك
وبالنسبة لصوت اللى بيطلع عند المطبات دة غالبا فى كل اللنسر و الصوت من علبة الدريكسيون انا معايا كريستالة الصوت دة موجود من 5 سنوات وسألت كتير ومكنش ليةحل بدليل انك موديل 2007 والصوت مسموع طابعا مش ممكن تكون العلبة بايظة فبلاش تشغل بالك بية
بالنسبة للهوة دة مش من الزجاج دة من فتحات التكيف لانك فى الغالب سايب التهوية من الخارج فدى لزم تدخل هوة اثناء سير السيارة لان لو الزجاج سليم انت مغيرتوش قبل كدة يبقى مفيش غير الاحتمال دة
اما لو اتغير قبل كدة ممكن نقول ان الزجاج مش متركب صح المهم طمنى

**HeMa_LanCeR** · 24-05-2009 01:02 PM

استاذ هشام
هو الصوت اللي حضرتك قصدك عليه ده
عامل زي مايكون علبه بلاستيك مفرغه بتخبط في حاجه ؟!!!!!
وعند حضرتك في انهي اتجاه يعني السائق ام الراكب
وبيظهر مع المطبات الخفيفه فقط ؟ صح ؟

**Samooh_2003** · 24-05-2009 04:44 PM

انا مغير طقم الكهرباء كلو على 40 الف كم وهل ممكن التنظيف ده حد يعملو من برة عاي ولا لازم التوكيل ؟؟؟

بالنسبة لصوت الهوا انا قافل فتحت التهوية وهو زي اللي جاي من الزجاج فا ده سهل حلو ؟