الموضوع: مقاسات الكاوتش و ضغط الهوا

المشاركة الأصلية كتبت بواسطة Ahmad Allawy

الالالالالا
احنا هنقطع علي بعض ولا ايه..؟؟ :) :) :)
عموما.. انا مغشيتش منك حاجة.. :)
هو مجرد توارد خواطر بس..
باقرا افكارك يا حماده..

يا جدع انت مش عارف ليه افتكرتك قوي لما شوفت فيلم اسف عليء الازعاج..
الاوفرول و الهانجر و الكلام ده.. فكرني بيك..
اصل انت تاني مهندس طيران اعرفه في حياتي بس.. :)

مليش دعوة انا اللى قلت الاول
ياسيدى مش مهم مين الاول فى بيتها يعنى

الخدعة بقى ان اللى كان واقف فى الهنجر انا مش حلمى
كل اللى شافوا الفيلم او شافوا الاعلان ويعرفونى قالوا نفس الكلمة ... يعنى خلاص مش بتفتكرونى غير بالهنجر :(
والله عايز ادخل الفيلم دة بالذات علشان اشوف نفسى عامل ازاى

المشاركة الأصلية كتبت بواسطة Ahmad Allawy

يا باشا لا شكر علي واجب.. اجنا تحت امرك..
(لما الحق ارد بسرعة قبل ما احمد يرد :) )
انا اللي اسمعه ان المساعدين الغاز علي زيت احسن من الغاز بس في انهم ناعمين شوية. مش ناشفين قوي..
المونرو نضيف طبعا.. فرنساوي.. بس علي كلام بيشوي ان البلشتاين الالماني انضف. و انعم ,, زيت بس..
بس النقطة ان السعر تقريبا واحد.. و هو قال ان برة البلشتاين اغلي بكتير..
يبقي كده المنتج اللي نازل هنا من الشركتين جودتة متشابهة جدا.. يبقي متفرقش.. ان شاء الله..
اما الكاوتش.. هلي بالك بس ان الكاوتش ممكن لو عرضت قوي.. يحط في الوساعد من جوة و السوست..
او يحكمن برة ف الرفرف.. لما تكون معاك حد قاعد ورا.. فاهمني..؟؟
ممكن لو كده تحتاج تغير جنو تاني.. انا بصراحة شايفها مش مستاهلة.,. توكل علي الله و غير و خلاص..
هات نفس المقاس.. او اسأل لو يركب عليها مقاس اكبر..

انا ريحت دماغى وروحت جبت ال GM الاصلى من التوكيل

روح برضه اعملها ف التوكيل..
عندهم خامات انضف.. و طريقة التصليح بتاعت الشركة.. مش خوابير و كلام فارغ.. يعني شغل نضيف..

انا حطيت نيتروجين فى توكيل بريدجستون فى عمارات العبور ... بصراحة شغل واجهزة ودماغ ... لا تتخيل برتاح نفسيا اد اية لما بعمل شغل فى العربية ويبقى المكان منظم ونضيف وناس فاهمة واجهزة محترمة حتى لو اغلى بس ببقى منشكح ومرتاح نفسيا وطبعا دة ميمنعش ان انا ببقى واقف هلى دماغة بردو

بصراحة الاجهزة كلها نضيفة حتى ظبط الزوايا والكوريك ومقياس ضغط العجل :)