الموضوع: ضغط الهواء الصحيح لعجل التريوس كام؟؟

إزيك يا أستاذ كاهر
أعتقد المقاس المكتوب فى الكتالوج عشان الحمولة الكاملة للعربية ، يعنى الضغط ده اللى هيشيل ال 5 راكب فى طبيعة قيادة تناسب إمكانيات التيريوس فبالتالى الضغط 32
لو إنت سايق بأقل من الحمولة طبيعى هتحس بنشوفية فى العربية والإحساس ده يقولك عليه أى واحد ركب عربية نقل وفاهم يعنى إيه الفرق بين عربية واخدة حمولتها وطرية أو فاضية وناشفة وعمالة تتنطط على الطريق

نصيحتى ليك أولاً تعتمد على مقاس هوا موثوق فيه مش اللى عند بتوع الكاوتش ده ، يعنى ممكن حاجة ديجيتال ، ثانياً خلى الحكم عندك لشكل الكاوتش ومطبع إزاى على الأسفلت وعلامات الأسفلت على الكاوتش عاملة إزاى ، يعنى لا يبقا رافع من الجنبين عشان ضغط زيادة ويتاكل من النص وثبات قليل ونشوفية ، ولا تبقا الفردة كاسرة وتتاكل من الأجناب والعربية تعوم وإستهلاك البنزين يزيد وبرضوا الثبات يقل ، فشوف بعينك وإحكم أحسن من أى شئ وسيبك من اللى مكتوب فى أى حتة وده عن تجارب كتيرة

شكرا للمشاركة بالرأى و المشورة يا استاذ سامح.......
هى بس النقطة انى عايز Point of Reference ارجعلها بدل الاراء المتنوعة كل يدلى بدلوه بناء على خبرته....... خاصة انا من النوع اللى مش بيركز اوى مع العربية و كل الل يهمنى ان كل حاجة تكون تمام و خلاص علشان محبش وجع الدماغ و الحركات النص كم....... علشان كده قررت ان المرجعية هى كتالوج الصانع مع ان معظم الاراء بتقول غيره.......

ضغط الكاوتش والسيارة باردة 32 رطل على البوصة المربعة بالنسبة للسيارة تريوس بلاتنييوم