الموضوع: ضغط الهواء الصحيح لعجل التريوس كام؟؟

المشاركة الأصلية كتبت بواسطة mahora

سيارتى تريوس بلاتينوم 2009..... العجل كان جاى مظبوط على 33 و كانت العربية ناشفة اوى..... قللته ل 30 العربية بقت انعم.....

السؤال هو : الضغط الصح كام؟

كتالوج العربية و استيكر قايم العربية اللى ناحية السواق كان مكتوب فيه 32 (بس مش عارف باى وحدة قياس)

سألت فى التوكيل، م/عمرو قالى 28 صيف 29 شتاء، مع العلم انه توجد نصائح بالحفاظ على الضغط واحد طول السنة.....

برجاء الافادة ممن يملك المعلومة المظبوطة..... و شكرا جزيلا مقدما......

ماهر باشا

بالنسبة ليا, انا بحب جدا اتبع كتالوج الصانع

يعنى اظبط الضغط كما هو مكتوب على قايم السيارة

و علشان مدخلش فى حكاية صيف و شتاء, و القياس و العجلة ساخنة او باردة, فحطيت نيتروجين و ريحت دماغى

الحمد لله بقاله اكتر من 8 شهور ضغط العجل زى ما هو, و كل فترة بشوفه.

لكن فى ناس تانية, بتحب تتبع الكلام بتاع الصنايعية بتوع الكاوتش اللى هو 28 فى الصيف و 30 فى الشتاء و كده ... لكن عن نفسى لا افضل هذا الحل.

الامر فى الاخر يرجع لك.

المشاركة الأصلية كتبت بواسطة mahora

سيارتى تريوس بلاتينوم 2009..... العجل كان جاى مظبوط على 33 و كانت العربية ناشفة اوى..... قللته ل 30 العربية بقت انعم.....

السؤال هو : الضغط الصح كام؟

كتالوج العربية و استيكر قايم العربية اللى ناحية السواق كان مكتوب فيه 32 (بس مش عارف باى وحدة قياس)

سألت فى التوكيل، م/عمرو قالى 28 صيف 29 شتاء، مع العلم انه توجد نصائح بالحفاظ على الضغط واحد طول السنة.....

برجاء الافادة ممن يملك المعلومة المظبوطة..... و شكرا جزيلا مقدما......

هو عموما غالبا في مصر بنعمل على 30 في الشتاء و 28 في الصيف

فمش عارف الأختلاف بتاع الكتالوج ده بصراحه احسمه ازاي
انا رايي اعمله مره على 30 لقيت العربيه كويسه وماشيه كويس خليك على كده وتبقى في النص كويس
وانصحك تحط نيتروجين افضل كمان

انا برضه عامله نيتروجين علي 31 زي ما مكتوب عالقايم سواء صيف أو شتاء .
و ده منشف العربية بس أعتقد ده مضبوط أكتر و أحسن .

فا رأيي حضرتك تعمله زي ما مكتوب عالقايم نيتروجين و تبص عليه كل فترة .
ممكن تعمله في أي مركز بردجستون و لو قريب من المهندسين فيه واحد قرب جندوفلي بتاع السمك في عرابي إسمه عمرو حاجة مش فاكر و انا معدي إنهاردة بالليل أجيب لحضرتك إسمه .

انا كنت بظبط الماتيريا على 30
ولما روحت صيانه الخمسه سألنى الباشمهندس ماجد انت بتظبط على كام قولتله 30 قالى لا خليه 28 وفعلا عملت كدة دلوقتى العربيه انعم واطرى واريح