الموضوع: المازدا الجديدة وصلت مصر ياجماعة

اعتقد هتبدأ من 130 الف

المشاركة الأصلية كتبت بواسطة ahmed samy

الجديدة من جوه فارقة حبتين عن الحالية يا باشمهندس ...

بس حضرتك لو ناوي تشوفها شوفها دلوقتي ...

ولو مش ناوي ..يعني عربيتك عاجباك (وهي تعجب الصراحة و تفضل تعجب خمس سنين قدام) يبقى سيبك من الجديدة و ماتشغلش بالك بحكاية الشكل الجديد و خصوصا انهم نفس الموتور و التعليق تقريبا ...

و أكيد الجديدة هاتنزل بسعر عالي و عل ى ما قطع غيارها توصل ....حلني ..

ربنا يوفقك للخير و يفرحك باللي تختاره دايما

ربنا يخليك ويكرمك يا باشا على اهتمامك ، بس بجد انت ايه رايك ، أنا خلاص المفروض هستلم كمان يومين تلاتة ، وعاجبني جدا الشكل الحالي ، بس لما عرفت ان الشكل الجديد نزل خلاص ـ الحيرة كلت دماغي مع اني ورايا شغل مهم جدا ومش فاضي خالص ، بس بردو غصب عني الحيرة مسكتني ، ومش عارف لو استلمت الشكل القديم والجديد نزل هحس ان كده عربيتي قديمة ولا عادي ، وهل لو الفرق في حدود 10000 جنيه اجيب الجديدة احسن ولا مش مستاهلة اني ادفع فرق فلوس ، وكمان بقول في نفسي طب ما ممكن الجديدة يظهر مثلا فيها عيوب عشان لسه اول الموديل ، وارجع اقول ماهي نفس الموتور والشاسيه والميكانيكا يبقى غالبا مش هيكون فيها عيوب ، والله محتار جدا جدا جدا ومش عارف اعمل ايه ، خلاص هتجنن
يا ريت تفكر معايا ويا ريت كل اللي عندو وجهة نظر ونصيحة مخلصة يقولها ، مع خالص الشكر والتقدير

المشاركة الأصلية كتبت بواسطة janjon1978

ايام ماكنت بشترى عربيتى من 8 شهور عرفت ان فى شكل جديد نزل خالص لكن الموديل القديم رائع رائع رائع بكل المقايس و بقالة 5 سنين و حتى الان مالوش زى .. علشان كدة ماندمدش ابدا انى جبتاها و خصوصا لما عرفت انها هى هى ماعدا الشكل الخارجى .. انا رايى اتوكل على الله و اشترى القديم دة اعلى فئة الوقتى ب 130 الف و على ماعتقد هيبقى فى فرق حوالى 25 الف و غالبا الاسعار سوف تبدا من 130 اقل فئى حتى 155 هو 160 الف اعلى حاجة

ألف شكر يا باشا على ردك ، أنا فعلا الشكل القديم عاجبني جدا وبين وبينك حاسس انو اشيك من الجديد ، ودخلت على مواقع كتير فيها مقارنة ومعظم الناس بتفضل الشكل القديم ، بس مش عارف أنا ليه محتار جدا كده ، وده لينك لأحدى المواقع اللي بتقارن بينهم ، ادخل كده وشوف التعليقات بتاع الناس
http://www.autoblog.com/2009/01/12/d...-as-the-sedan/

لسه معاذ الشرباصي مكلمنى دلوقتي يا باشمهندس سامح ....و قاللي انه شاف التلات عربيات في المعادي و الكل بيول ان القديمة أحلى و أقيم و أشيك .....

وواضح ان فرق السعر بين نفس مواصفاتك مش هايكون بتاع 10 ولا 20 الف .....

توكل على الله يا راجل و خليك في عربيتك ....ربنا يباركلك فيها

المشاركة الأصلية كتبت بواسطة ahmed samy

لسه معاذ الشرباصي مكلمنى دلوقتي يا باشمهندس سامح ....و قاللي انه شاف التلات عربيات في المعادي و الكل بيول ان القديمة أحلى و أقيم و أشيك .....

وواضح ان فرق السعر بين نفس مواصفاتك مش هايكون بتاع 10 ولا 20 الف .....

توكل على الله يا راجل و خليك في عربيتك ....ربنا يباركلك فيها

يا باشا والله انت راجل زي العسل وفي منتهى الذوق ، وأنا فعلا دخلت على مواقع كتير والكل بردو بيقول ان الشكل الحالي احسن بكتير ، وممكن تدخل على اللينك اللي أنا حاطه فوق وتشوف تعليقات الناس ، وردك ده بردو ريحني جدا لأني كنت خايف اكون أنا اللي منحاز للشكل الحالي وشايفه أحلى ، لكن من ردك عرفت أن الكل زي نا بتقول شايف كده بردو ، فخلاص أنا هتوكل على الله وربنا يكرمني واستلم على خير ، ويبقى الواحد أخد شكل احلى واشيك واقيم بسعر ممتاز غير أني اعتقد ان الشكل الجديد ده هيرفع سعر اعادة البيع للشكل الحالي زي ما حصل بره وحصل في عربيات تانية كتير ، الحمد لله وربنا يبارك فيها ويحفظنا واياكم ،
مع خالص شكري وتقديري وتحياتي

155 ألف !!!!!!!!
دول اكيد بيهزروا
يعنى اغلى من الميجان الهاى لاين واغلى من الفنتازيا البيز لاين وبنفس سعر الفكترا البيز لاين!!!
لو 155 الهاى لاين كنا قولنا ميه ميه انما كدا خليهالهوم