المازدا الجديدة وصلت مصر ياجماعة

**Dr.Mohamed** · 22-05-2009 09:41 PM

بجد يا جماعه احنا لازم نعمل واقفه جامده لاسعار العربيات دى
منتهى قله الذوق والله لو بقت كده وكمان نازله بنفس الموتور والشاسيه
انا دايما بقول كلمه انه على 2019 لما تكون الجمارك اتلغت هتكون اقل عربيه فى مصر دلوقتى معديه ال 150 الف جنيه
والواضح انهم بيهيأو السوق لكده لما العربيات الكورى بدات تعدى ال120 الف

**Sharky** · 22-05-2009 10:07 PM

المشاركة الأصلية كتبت بواسطة osamaz

يا جماعة انا لسة جاى من عند سونستا موتورز و هماقالولى ان اول موديل فيها هايبقى ب !!!155

ما أنا قلتلكم حتبدا من 150 الف ماحدش صدقنى

**kareemhisham** · 22-05-2009 10:58 PM

المشاركة الأصلية كتبت بواسطة Sharky

ما أنا قلتلكم حتبدا من 150 الف ماحدش صدقنى

لأ معلش يا استاذ sharky اكيد فى حاجة غلط ,, مستحيل يكون هو دا السعر ,, يعنى انا هسيب الاوكتافيا و الجيتا و السيفيك و الفكترا و الميجان و الفورد فوكاس عشان اجيب المازدا الجديدة الفيها اوبشنز اقل (دى من غير جنوط سبور ولا فوجات حتى ) و الreviews بتقول ان القديمة احسن و انها نفس متور و تعليق القديمة,, فى ناس هتقول لازم نغير فكرنا و منشتريش الكل الناس بتشترى ,, بس مش عشان اغير فكرى اضيع فلوسى ,, و بعدين يعنى انا اجيب دى باسيك و لا الشارك او الكورولا او ميجان هاى لاين ,, لأ معلش المنطق بيقول ان لو حد ااشتراها بالسعر دة يبقا اكيد بيرمى فلوس فى الارض كان ممكن يركب بيها عربية احسن ,,
و بكررها ,, دا اكيد مش سعر العربية الحقيقى او ممكن يكون سعر الهاى لاين

**waleedseng** · 22-05-2009 11:25 PM

المشاركة الأصلية كتبت بواسطة osamaz

يا جماعة انا لسة جاى من عند سونستا موتورز و هماقالولى ان اول موديل فيها هايبقى ب !!!155

يا جماعة ممكن دي تبقى حركة منهم علشان الناس تشتري الموديل الحالي و بعد كدة ينزلو سعرها

**som3aa** · 22-05-2009 11:59 PM

مستحيييل مهما حصل تبقى بالسعر دا , اخرها 120-125 للمانيوال اول فئة و دا يبقى كتيييير جدا
بالعقل و المنطق يا جماعة العربية فى نفس فئة و منافسة للكورولا و الالنترا و اللانسر الشارك و اقل من الجيتا ازاى تبقى بنفس تمنها؟؟
مستحيييل تزيد عن 125 الف , ممكن يقولوا من 130-160 فى اول دفعة بس و يرخضوها بعد شهرين تلاتة او حاجة انما تبدا من 155 دا مستحيييييل اساسا و بعدين طالما متسعرتش يبقى كل اللى بيتقال من مندوبى المبيعات اللى مش عارفين العربية من الموتورسيكل فتى طبعا منغير كلام.

**waleedseng** · 23-05-2009 12:56 AM

المشاركة الأصلية كتبت بواسطة janjon1978

مفاجاة مبكرة:
النهاردة و انا بعمل الصيانة فى سمارت كار لاقيت تلات عربيات مازدا 3 الجديدة بينطفوهم و يغسلوفم استعدادا لعرضهم .... ابيض و فضى و احمر و كلهم فرش بيج ... المهندس قالى اتفضل اركب و شوف ... و قد كان ... الحقيقة روعة من جوه.. هى كانت اوتوماتيك... سالت المهندس عن المواصفات و الاسعار .. قالى انهم لسة مايعرفوش لسة حاجة ماعندهمش لسة البروشور و الاسعار لسة لم تحدد بعد .. و قالى اسبوع هايكون كل حاجة اتعرفت

معلش عندي سؤال هما كانو هاتشباك ولا سيدان

**janjon1978** · 23-05-2009 12:58 AM

المشاركة الأصلية كتبت بواسطة som3aa

ا و بعدين طالما متسعرتش يبقى كل اللى بيتقال من مندوبى المبيعات اللى مش عارفين العربية من الموتورسيكل فتى طبعا منغير كلام.

العربية لم يتم تسعيرها حتى الان .. نصبر كمان 3 ايام و نشوف ... و الرائ المعقول ان المانيول ب 120 و الاوتو تبدا ب 130 ... ولما نشوف ايه اللى هايحصل خلال الاسبوع ده

**sha2e** · 23-05-2009 01:32 AM

انا شايف ان الموضوع طبيعى
فى كتير من الشركات بتلجأ للموضوع ده ..
اول ما بتنزلو العربيه بطلعو رقم عالى حبتين لأكتر من سباب
1- يشوفو رد فعل الجمهور
2- السعر الغالى شويه بيخلى الناس تتكلم كتير عن العربيه وده طبعا دعاية مجانية
3- لما ينزلو العربيه لسعرها المفروض تنزل بيه المشترى هيدفع السعر الجديد وهوا مطمن ومرتاح

وطبعا كلنا عارفين المقوله الشهيره " يا عم انت مش عارف أول ما نزلت كانت بكام ؟؟ "

**khalid_adel** · 23-05-2009 02:17 AM

مش عارف انا حاسس ان القديمه (الشكل الحالي) احلى والجديده دي شكلها .....بلاش المهم الحاليه شكلها احلى كتييير سواء من قدام او ورا او من الجنب كمان
ودي برده مسأله اذواق

-

الموضوع: المازدا الجديدة وصلت مصر ياجماعة

LinkBack

أدوات الموضوع

عرض

-

-

-

المواضيع المتشابهه

س س س 666 & م م م 666 ( النمر المميزة وصلت ياجماعة )

الشماسات الجديدة وصلت

الشماسات الجديدة وصلت

ياجماعة النيو سيراتو طلعت من المازدا ٣ يا كياويا

حد يعرف النمر الجديدة وصلت مرور القوات المسلحة فى مصر الجديدة

الكلمات الدلالية لهذا الموضوع

المفضلات

المفضلات

ضوابط المشاركة