لو حابيع الميجان .. أجيب إيه؟!

**Sharky** · 25-05-2009 11:15 AM

المشاركة الأصلية كتبت بواسطة hegazio

أه يا سيدي إجباري !!
مستغربين قوي ؟؟؟
الشغل فيه نزول لل field كتير و سياسة الشركة عربية عالزيرو كل 4 سنين في حدود 80 الف و ما حدش يقول العربية عطلت كل شوية !

يا جماعة خلاص .. الموضوع واضح .. مش لاقي حاجة ترضيني بسعر الميجان + القرض
و بالتالي حاشتري حاجة عالزيرو علي قد القرض و أحط باقي الفلوس في البنك و بعدين ابيعها لما الاقي حاجة كويسة بس يكون سعر إعادة بيعها كويس

لقيتو حاجة ما تحسيسش أخوكو بالإهانة بعد الميجان من غير ما تشمتوا فيه ( لا حتضيع و لا حتندم و لا إخص عليك ).. يبقي بارك الله فيكم .. مافيش يبقي شكرا
( و كفاية عربيات تايهة الله يكرمكم .. عاوزين عربية نعرف نبيعها بعد سنتين تلاتة بسهولة بدون خسائر! )

ربنا يبارك لك فى إختيارك
رأى فى الاوربى مش حتلاقى فى حدود المبلغ دا خليك فى اليابانى أو الكورى
حيبقى عندك السيفيك أو المازدا 3 الجديدة او النيو سيراتو

**Hegazio** · 25-05-2009 12:04 PM

سيفيك و مازدا إيه بس !!!
يا عم بنقول 80 90 ألف !!!
و أي حاجة معقولة و السلام
مش ضروري أوربي

**Hegazio** · 25-05-2009 12:27 PM

هو كده فعلا ! مؤقتا بس !
لكن ما ينفعش تحت ال 80 يا معلم مش حتاخد الباقي أصلا !
كنت بافكر في:
أفيو أوتوماتيك
نيو أكسنت أوتوماتيك
جين 2 اوتوماتيك و هي أحسنهم من وجهة نظري و بتفكرني في روحها بالميجان لكن خايف من سعر إعادة البيع يكون وحش

**Hegazio** · 25-05-2009 01:09 PM

المشاركة الأصلية كتبت بواسطة mohammed moustafa

استاذي الفاضل على فكرة انا بس كان ليا رد عليك في جزء صغير انك بتقول الناس شمتانه فيك الموضوع مش شماته وكل الاراء اللي اتقالت لحضرتك اتقالتلك من واقع ان حضرتك في الاول طلبت عربية اوربي ده اولا، ثانياحضرتك اللي طلبت عربية فيها فخامة وشبابية ولعب وحاجات كتير فبالتالي الناس هنا ردت عليك بواقع طلب حضرتك، ثالثا وده الاهم معظم اللي راكبين الميجان في المنتدى هنا بالذات يا اما يمتلكو سيارة تانية او جربو حاجة غيرها او ركبوها بعد ما كان معاهم عربية في فئة اقل فبالتالي عارفين احساس انك تغير من فئة اقل لفئة اعلى فما بال حضرتك عايز تعمل العكس تنزل من فئة اعلى لفئة اقل.

هقول لحضرتك حاجة تانية خالص انا لما كنت في السعودية كان معايا ياريس بتاعت الشركة انا كنت بخلص شغلي ارجع اركن عربية الشغل واركب الميجان لاني فعلا ما كنتش اجرؤ مثلا اسافر بالياريس خصوصا بالجري اللي بجريه.

فياريت ما تاخدش الموضوع بحزازية واحنا بننصحك من واقع حبنا لبعضنا والقرار في الاول والاخر ليك انت

شكرا يا جميل .. و مافيش حساسية و لا حاجة .. موضوع أوربي ده كان في الأول و ما لقيتش حاجة ترضيني
دلوقتي أنا بقول حاجة و السلام و ما تخسرنيش لما أجي أبيعها ( تقريبا نيو اكسنت أو أفيو أو جين2 ) .. انت شايف إيه يا وحش؟
علي فكرة أنا كنت في السعودية و الميجان شاريها من الزاهد !!

25-05-2009 01:21 PM

لو قدامك مركز خدمة معتمد لهيونداي بما يرضي الله (لتفادي الإحتكاك بمركز خدمة غبور ) تبقى نيو أكسنت

**Amr_Moh** · 25-05-2009 04:11 PM

هو مش الكلام كان على ١٥٠ ألف بأو ٨٠ فجأة كدة

**Hegazio** · 25-05-2009 04:25 PM

تابع صفحتين كده و التفاصيل حثبان !
بس عموما مالقيتش حاجة ترضيني ب 100 حاجة و 40
فبنفكر في حاجة علي قد القرض بتاع الشركة 80 تؤدي الغرض ثم تباع لشراء حاجة محترمة بأقل خسائر