مطلوب عفشجي اوبل

**Opelvectra** · 23-05-2009 08:48 AM

ربنا يدي لكل واحد علي قد نيتو علشان الناس بجد معندهاش ضمير و المشكلة دلوقتي بقا حوار البلاور بتاع التكييف بايظ و التوكيل قالي مش هعرف اقيسلك اذا كان شغال التكييف ولا لأ اذا كان البلاور شغال تفتكروا احسن حد ممكن اجيب من عندو واحدة كويسة و مش غالية منين؟

**ahmedmaklad** · 23-05-2009 11:26 AM

بص انا لفيت لف على الميكانيكية دول يعني بحب اعرف بس الحمدلله مش حاجة في العربية يعني كنت بروح اربط عفشة عند واحد و اغير قواعد موتور عند واحد كده بس اشرف ده لسة ماجربتوش بص انا هقولك على اللي اعرفهم و هما كويسين في ايه:
1- احمد عبد الراضي
كنترولات و ميكانيكا و تسقيط مواتير ممتاز
كهربا جيد جدا
تكييف جيد
عفشة ما شفتوش شغال قوي فيها و ما اشتغلتش معاه فيها
2- صابر
ميكانيكا و تسقيط مواتير ممتاز
كهربا هو عنده منصور الكهربائي جيد جدا و محترم
تكييف جربتة في عربية واحد صاحبي و عنده جهاز كده جديد محترم و اعلي من جيد جدا بشوية
عفشة ممتاز
عندة قطع غيار و اسعارها كويسة و اللي مش عنده بيجيبها من محمد قشطه او العايدي
3- محمود اوبل في الحرفيين
ميكانيكا جيد جدا عند صنايعي كويس
كهربا ممتاز جدااااااااااااااااااااااا حافظ كل سلكة في العربية
تكييف ممتاز برده
عفشة جيد
4- عبد الله اوبل
ميكانيكا جيد
كهربا عنده مهندس كده بس كل حاجة يعملهالك كبيرة و اسعاره غالية كان عايز يركبلي الازاز الكهربا في البابين الخلفي ب 1000 جنية و انا جبتهم ب 600 جنية
تكييف مش عارف ما شفتوش شغال فيه
عفشة ممتاز عنده محمد و ده صنايعي جدع و عفشجي كويس
ملحوظة: مصنعيته غالية مش عارف لية
5- في ناس تانية بقي زي مكاوي في الحرفيين هو راحل محترم بس عند صنايعي واحد بس و الباقي تعبانيين موت هو ميكانيكا و عفشة بس الكهربا بيعملها عند واحد تاني
وليد اللي في السابع تعبااان ممكن تروحله في حاجة صغيرة اوي
محمد علام في الحرفيين كويس و فاهم جدا بس ميكانيكا و عفشة برده
و الشيخ هيثم في الحرفيين ما جربتوش
انا عن نفسي بصراحة لو حاجة في الكهربا بروح لمحمود و العفشة صابر و الميكانيكا عبد الراضي او صابر الاتنين ممتازين

**Opelvectra** · 25-05-2009 09:26 AM

المشاركة الأصلية كتبت بواسطة ahmedmaklad

بص انا لفيت لف على الميكانيكية دول يعني بحب اعرف بس الحمدلله مش حاجة في العربية يعني كنت بروح اربط عفشة عند واحد و اغير قواعد موتور عند واحد كده بس اشرف ده لسة ماجربتوش بص انا هقولك على اللي اعرفهم و هما كويسين في ايه:
الشيخ هيثم في الحرفيين ما جربتوش
انا عن نفسي بصراحة لو حاجة في الكهربا بروح لمحمود و العفشة صابر و الميكانيكا عبد الراضي او صابر الاتنين ممتازين

الف شكر يا احمد باشا الله يخليك الرد بتاعك ما شاء الله فوق الممتاز بجد و ان شاء الله جاري تجميع كاشات علشان اظبط الكلام كولو بس ممكن يومين كدة و اظبط العفشة و الف شكرا تاني يا ريس