الموضوع: إفطار رمضان .. الله أكبر على الجمال

بحمد الله رب العالمين .. اجتمعت أسرة نايل موتورز على مائدة إفطار عامرة الليلة ..
مش هاقولكم قد إيه الجو ، والأكل ، والروح الحلوة ، والأهم من كل ده حالة الحب الغامر اللي عشناه مع بعض في هذه الليلة الجميلة ، لدرجة اننا لم نشعر بالوقت ، ومشينا بعد الساعة 11 .
أنا شخصياً كانت سعادتي فظيعة ، وأنا أرى نفس المكان الذي اجتمعت فيه أسرتنا الجميلة في المقابلة الأولى لما كنا حوالي عشرة فقط ، واليوم وبعد أقل من سنة ، ونحن نرى هذه الكوكبة الرائعة من الناس الجمال جداً ، والله أنا فرحتي لم تكن تقدر بمال أو أي شيء آخر .
الأجمل اننا كلنا قعدنا قعدة واحدة طول الليل ، ما افترقناش ، وعملنا سباقات سيارات ، ومسابقات ثقافية ودينية وسياراتية ، وجوايز خطوط موبايل وكتب دينية .
خالص شكري وتقديري ومحبتي لكل من ساهم في هذه الليلة الرائعة .
كريم منير : تحية جامدة من القلب على الأكل الجامد .
وإسلام شاهين : أحلى تحية على التنظيم وألف شكر على خطوط اتصالات اللي عملنا عليها المسابقة
وهاني آدم : سلام حاير طاير متفرتك كدة من المحبة على الإضافات الرائعة والروح الجميلة والحلويات الفظيعة أقول إيه ولا إيه .
وخالص شكري لكل من ساهم في التنظيم وساعد في الإعداد ، وشكر خاص لنجوم الليلة الكبار شاركي ومحمود حفناوي وإسلام المصري ومحمد فهمي وأبو عبد الرحمن ، وعبد الرحمن الذي اضفى البهجة علينا جميعاً .
وأحلى تحية لكل من حضر الليلة من نجوم المنتدى الكبار ، والأعضاء المتميزين ، ومن شرفنا للمرة الأولى .
ومعلش احنا كنا حوالي اربعين فرد فسامحوني مش عايز انسى حد أبداً .
ودمتم بألف خير ، وكل عام وانتم بخير ، ودايما كدة متجمعين على المحبة في الله تعالى .
وانا مش عايز احرق كل أحداث اليوم ، وسأترك المجال لكم للحديث عن أحداث الليلة المبهجة .
تقبلوا خالص مودتي ومحبتي وعرفاني

كان نفسنا يا دكتور أحمد تكون معانا فى اليوم الرائع دا
بجد القاعدة كانت ناقصاك :(

يا جماعة فين الصوووووووور
يا احمد فين الصووووووور و لا خلاص الشد مع إسلام ناساك الصور :D