استفسار عن فورد فوكاس 2009 ارجو الرد للاهمية

**ooooosooooo** · 22-05-2009 03:35 AM

اخوانى فى المنتدى
خبراء الفورد فوكاس ومالكى الفورد
ارجو من سيادتكم التكرم والرد على فى هذة الاسنفسارات الاتية
1.انا من عشاق الفورد وخصوصا الفوكاس الشكل الجديد جميلة جدا ولكنى محتار مابين
عشقى وهى الفكاس .والفولكس جيتا .والكيا سيراتو الجديدة
2.انا عايز اعرف اية رايكم فى الفورد فوكاس عموما وخصوصا مستخدمى هذة السيارة
3.انا سمعت ان فورد فوكاس بتستهلك بنزين كتير هل هذا صحيح
4.اية فئة افضل من فئات الفورد فوكاس
5.لما ذا كماليات الفورد الى فى الخارج يوجد بها كماليات اضافية غير الى فى مصر زى مثلا تشغيل السيارة بدون فتاح وهنا بمفتاح لماذا
وفى النهاية ارحو منكم توضيح كل ما سبق لى لانى ناوى اشتريها ولكن بعض المقربين منى
ينصحونى بالسيارات الاخرى التى زكرتها فا بعد اذنكم ياريت كل من جرب هذة السيارة اتمنى ان
يوضح لى كل شيئ عن السيارة وياريت الوكيل ومركز الخدمة وانا فى انتظار ردكم

**AHMED_IVB** · 23-05-2009 04:15 AM

بالتوفيق فى السيارة الجديدة ان شاء الله لكن
السراتو خارج المنافسة تماما

**m_s_h_a** · 23-05-2009 07:48 AM

الكيا سيراتو لازم تخرج من الموضوع وخاصة انك هتظلمها فى المقارنه المهم انا محتار لكن الجيتا والفوكاس مش هتخسر لو اخدت التانيه وان كنت طبعا هنحاز للفوكاس انا معايا 2003 وبعدين مش بتستهلك بنزين انت بتعمل 140 كيلو ب10 لتر تقريبا الكماليات كل الوكلاء فى مصر مبيجبوش كل الاوبشن علشان السعر لان ممكن اوبشن يرفع ثمن العربيه 10000 فهما بيختارو الاوبشن المنافس مع السعر المنافس بس هى عربيه طلقه
وعموما عليك بالاستخاره وربنا يوفقك لما فيه الخير لك

**ooooosooooo** · 23-05-2009 04:18 PM

مرسى جدا للاخوة وربنا يكرم فى الفورد فوكاسان شاء اللة شكرا مرة تانية

**Sameh** · 23-05-2009 05:22 PM

زى ما الأخوة قالوا السيراتو خارج مقارنة جيتا / فوكاس تماماً

لو لغينا عامل السعر هتتفوق الجيتا نظراً لمعاملات الأمان الأكثر (10إيرباج) + فتيس أوتوماتيك متفوق 6 نقلات أمامية + ثبات رائع ولو إن الفوكاس برضوا رائعة فى الثبات

بالنسبة للشكل من الخارج بحس الجيتا أحلى ، أما الصالون والتابلوه الفوكاس رائعة من حيث الخامات والتصميم تتقارن بالباسات على الأقل فى النقطة دى

لما تدخل عامل السعر فى الموضوع هتلاقى فرق سعر حوالى 35 الف فحسب إمكانياتك ، لو إنت هتجيب الفوكاس تقسيط يبقا كفاية عليك كدة وماتجيبش جيتا وتزود االأقساط على نفسك ، أما لو كنت هتجيبها كاش يبقا ممكن تخش فى جيتا بقلب جامد وتدفع تمن الفوكاس مقدم للجيتا ويبقا فاضل من تمنها أقل من ربع تمنها تقسطهم وتستفيد بمميزات الجيتا

**amr mokhtar** · 25-05-2009 09:20 AM

طيب بخصوص الفوكاس الجديدة او الجيتا
هل العربيات دى بتحتاج ضرورى بنزين 95؟؟
و هل بيحصل فيهم مشكلة فى حالة إستخدام 92 على المدى البعيد؟

**m_s_h_a** · 26-05-2009 08:08 AM

الكتاوج بيقول 95 فى توكيل فورد قالولى بنعدل على الكمبيوتر نخليها تشتغل 92

**aYaBooY** · 26-05-2009 10:06 AM

الي اعرفة و من المنتدي هنا ان موضوع الـ 92 و الـ 95 مش بيتعدل من الكمبيوتر ده ليه علاقة بنسبة انضغاط المحرك
يعني عرض البستم لطولة و طبعا الموضوع ده مش ممكن يتعدل غير لو نزل موتور مختلف عن الي بينزل برة
بس اكيد بالـ 95 هاتعمل عدد كيلومترات اكتر من الي بيتعمل بـ 92 في اي عربية تانية و ده بيعوض شوية فرق السعر

**m_s_h_a** · 27-05-2009 08:20 AM

يا باشا انا عربيتى الكتالوج بيقول 95 ومكتوب على التانك 95 وعرضوا عليا يعدلوها فى التوكيل على الجهاز وهروح اعملها

**amr mokhtar** · 27-05-2009 12:31 PM

المشاركة الأصلية كتبت بواسطة m_s_h_a

يا باشا انا عربيتى الكتالوج بيقول 95 ومكتوب على التانك 95 وعرضوا عليا يعدلوها فى التوكيل على الجهاز وهروح اعملها

أعتقد ان ينفع التعديل ده
لإن الفكرة الأساسية فى موضوع نوع البنزين هو توقيت الإحتراق
يعنى ال95 بيتحرق عند ضغط أقل و بالتالى بيتحرق قبل ال92

فلو تم تعديل كمبيوتر العربية على التوقيت بتاع ال92 مش هيبقى فيه مشكلة إن شاء الله

و احنا منتظرين نتايج التعديل؟