غسيل الأفيو في البنزينة

**AmrDarwish** · 22-05-2009 05:04 PM

السلام عليكم يا شباب.

أنا معايا أفيو ls 2009، استلمتها من حوالي شهر.
مش عارف أغسلها في البنزينة كل شهر زي ما بعض الناس بتنصح، ولا كل 6 شهور زي ناس تانيين؟ ولا كل شتواية زي ما صاحبي قاللي؟

يا ريت تنصحوني.

ومحتاج كمان أعرف إزاي أغطي الكمبيوتر بتاع العربية أثناء الغسيل؟ هل يا تري ألفه كويس بكيس؟؟؟ ولا أغطيه بالكيس وخلاص؟ وهل ضروري فعلاً المية ما تلمسوش خالص؟ ولا مطلوب مجرد الحرص بس إنه ما مايتغرقش بالمية؟

شكراً مقدماً للإفادة.
عمرو درويش

**kantalub** · 22-05-2009 05:20 PM

6 شهوووور !! .. ده كتير اوي اوي .. دي العربية تبقي زبالة لو قعدت الفترة دي من غير غسيل .. انا بيتهيألي أسبوعين أصلا يبقي فترة معقولة .. ولا بلاش اسبوعين خليها شهر يا عم .. بس علي الاقل علشان الحرارة دي والجو ده ترش العربية بالمياه كل 10 ايام وتمسحها علشان البارومة وكده .. وبالنسبة للكمبيوتر متخافش عمر المياه ما هتوصله .. ولو خايف من البنزينة فيه مغسلة "مشحمة" لغسيل العربيات بس .. صراحة العربية بتطلع من عندهم كأنها هتتركب لاول مرة .. وربنا يباركلك فيها باذن الله ويكفيك شرها ..

**AmrDarwish** · 22-05-2009 05:34 PM

ألف ألف شكر يا Myth.
أنا برضه ده رأيي، كل شهر معقول أوي.
بالنسبة للكمبيوتر، إزاي عمر المية ما حتوصله؟ قصدك بعد ما أغطيه؟ ومعلش اعذرني لو سؤالي غريب: يعني إيه مشحمة؟ وأعرفها إزاي؟
شكراً جزيلاً لاهتمامك.
عمرو درويش

**amir** · 22-05-2009 06:26 PM

المشاركة الأصلية كتبت بواسطة amrdarwish

ألف ألف شكر يا myth.
أنا برضه ده رأيي، كل شهر معقول أوي.
بالنسبة للكمبيوتر، إزاي عمر المية ما حتوصله؟ قصدك بعد ما أغطيه؟ ومعلش اعذرني لو سؤالي غريب: يعني إيه مشحمة؟ وأعرفها إزاي؟
شكراً جزيلاً لاهتمامك.
عمرو درويش

يا باشا العربيات الجديده كله متقفل فيها بغطيان و بلاستيك
عربياتنا القديمه بس هي اللي كل حاجه فيها تحت الكابوت مفتوحه علي البحري
انا عن نفسي معايا صني 2007 اهوه و بغسلها عادي جدا في البنزينه
و مع ان كان في عضو قال الغسيل و خصوصا الماتور لازمله تغطيه فيها الا اني لما قلت ده للراجل بتاع الغسيل( لأنه بيغسل كل انواع العربيات كل يوم يعني مجاله و خبرته) اكدلي برضو ان العربيات الجديده مش محتاجه اساسا تغطيه و سألني تفتكر اني هغامر و ابوظ عربيه من العربيات اللي بغسلها ده انا اروح في داهيه ده غير انه شاورلي علي الماتور و قالي تفتكر ايه محتاج يتغطي؟!!!
اتكل علي الله و اغسلها كل شهر مره
ده فيه ناس اعرفها كبوت العربيه مفتحهوش ولا مره بنفسهم الا في التوكيل فقط و بيبقي مجمع ما لذ و طاب من اوساخ و ورق شجر و قاذورات

**Fadi Ezzat** · 22-05-2009 10:53 PM

المشاركة الأصلية كتبت بواسطة amrdarwish

ألف شكر يا د/أمير.
الحقيقة أنا خايف ومتحفظ لأن المندوب اللي تعاملت معاه في التوكيل أثناء الشراء، قاللي لازم تغطي الكمبيوتر أثناء الغسيل.
على العموم أنا أشكرك إنك وضحتلي الموضوع.
شكراً.
عمرو

طيب ماتريح نفسك وخلاص وغطية