كورولا وخداع الوسائد الهوائية !!!!!!!!!!!!

**KING_LEDO** · 23-05-2009 03:37 AM

انا اول ما شفت الصورة افتكرت هى دى العربية نفس الحادثة بالضبط

**KING_LEDO** · 23-05-2009 03:40 AM

المشاركة الأصلية كتبت بواسطة faroukahafeez

ربنا يحفظنا جميعاً ديه صورة لحادثة الايرباج فتحت فى العربية والسائق طلع مفهوش خربوش

كانها هى العربية تيبكل

**Anxs111** · 23-05-2009 03:49 AM

أنا واحد صاحبي في أمريكا كان معه تويوتا كامري zero .
دخل وش في وش عربيه تانيه جايه من المعاكس كل واحد متوسط السرعه 60 .
العربيه طلعت total loss . الإيربج ما فتحش والواد راسه دخلت في حديدة الشاماسة وفقد الذاكره حوالي إسبوعين . أعد سنه عشان يزبط نفسه تاني .
راح كلم تويوتا كل اللي عملوه إدولوه خصم 500$ لو حب يشتري عربيه جديده من تويوتا .
على فكره أنا عربيتي في مصر كورولا

**faroukahafeez** · 23-05-2009 03:49 AM

يا ساتر يا رب

الصورة دية كنت فى موضوع فى المنتدى وده نصه

السلام عليكم

يوم الخميس ال فات ف شارع السودان امام بوابة تجارة و تحت نفق المترو بالظبط.....

- شاب ف اواخر العشرينات سايق كرولا جه واحد ابن حلال من العيال الجدعان ال بيغرزو من حوالينا كسر علية فجأه......

- طبعا بتاع الكورولا كان ماشي سريع بس دا شارع السودان يعني السريع بتاعو 70 مثلا و فجأه كسر علية شاب بسيارة حمراء خلاه يكسر يمين و لاسف كان ع اليمين اوتوبيس نقل عام من ال يحبهم قلبك وكأنو خبط ف جبل.........
-طبعا الاخ بتاع الكورولا ما لحقش حتي يفكر ف جاجة اسمها فرامل و دخل بالكرولا بكل سرعتو ف ظهر الاوتوبيس(طاااااااااااااا� �اااااااااااااااااااخ).
- الاوتوبيس اكصدامو وقع و خر شوية زيت .....بسسسسسسسسسسس.

- الكورولا ال هية 2009 و ال الشاب دا شغال سواق عليها (بتاعة شركة) لم....و لن تستطيع التعرف عليها من الامان و لو عملت اية.
- بعد الحادث لا يوجد اثر للفوانيس ولا اكصدام ولا حتي موتور.
- الخبطة كلت وش العربية كلو.
- الوسائد الهوائية ال2 فتحو وطبعا الشاب كان رابط الحزام.
- سبحان الله.... الشاب فتح الباب و نزل من العربية برجلية و لا يوجد فية الا خدوش ف ظهر كفة اليمين و وجع ف صدرو من ضربة الوسادة الهوائية.
و دي صورة العربية.........

الصورة انا حاطتها طبعاً

وده لينك الموضوع الأصلى
http://www.nilemotors.net/Nile/showthread.php?t=66219

**horas3000** · 23-05-2009 09:18 AM

اللي انا فهمته من صاحب الحادثة ان الطبلون نفسة اتحرك من مكانة و اعتقد ان ده لية علاقة بالاير باج ممكن تكون في وصلة معينة حصلها حاجة او ممكن تكون ده ميزة عشان الاير باج متفتحش في وش الراكب مباشرة لان ده خطر و الله اعلم.
عموما خليك ورا التامين و التوكيل عشان تعرف سبب المشكلة ده و لو طلع عيب يبقي لازم تاخد حقك

**Sharky** · 23-05-2009 11:48 AM

المشاركة الأصلية كتبت بواسطة faroukahafeez

مش شرط يا شاركى

لو ماشى بسرعة 25 كم الى 40 كم ودخلت فى عربية فى نفس الاتجاه أمامك وأكيد هتكون على سرعة أقل من 25 كم الايرباج تفتح وله لا ؟

انا عارف انه مش فى كل الاحوال طبعا يا فاروق
لكن انت جبت بالدليل ان فى حالة الحادثة دى لازم تكون السرعة أعلى من 25 كم /ساعة

**faroukahafeez** · 23-05-2009 04:45 PM

المشاركة الأصلية كتبت بواسطة sharky

انا عارف انه مش فى كل الاحوال طبعا يا فاروق
لكن انت جبت بالدليل ان فى حالة الحادثة دى لازم تكون السرعة أعلى من 25 كم /ساعة

مظبوط يا شاركى

السؤال ليه فى حادثة صاحب العربية الاير باج مفتحتش مع انه ماشى على 120 كم ودخل فى مقطورة وده بفرض ان الايرباج مفهش مشكلة
وفى الحادثة الثانية الاير باج فتح مع انه ماشى على سرعة 70 كم ودخل فى اتوبيس نقل عام على كلام صاحب الموضوع

الاثنين نفس الخسائر فى السيارة

حاسس فى حاجة مش فاهمنها فى طريقة فتح الايرباج ؟ هل من تفسير ؟

**Imhotep** · 23-05-2009 06:10 PM

يوجد تفسر محتمل....

فى حالة الكورولا اللى على 120:
السيارة خبطت فى جسم متحرك اخر هو المقطورة اللى مؤكد كانت ماشية بسرعة هى كمان..... اذن ممكن فرق السرعة ميكونش جاب الفرق اللى تتفتح عنده الايرباج
يعنى لو الكورولا ماشية 120 و المقطورة ماشية 100 اذن الفرق 20 كيلو بس و هو غير الكافى لعمل الايرباج.....

اما فى حالة السيارة التى اصطدمت بالاتوبيس بسرعة 70، فالاوتوبيس كان ثابت و بالتالى الاصطدام كانت سرعته الفعلية هى 70