ازاى اخد المطب

**mohamed777** · 27-09-2009 03:27 AM

لو العبية محملة اشخاص على الاخر وهتحك منك فى الشكمان خد المطب بالميل بحيث الاربع عجلات يسلموا بعض وماتديش فرصة ان اى جزء من العربية يلمس المطب.

**sindrela_az** · 29-09-2009 01:25 AM

ياااه يا جماعه فعلا انا بكتسب معلومات مهمه جدا وخصوصا انى بتعلم جديد
وشكرا لصاحب الموضوع اللى السبب بسؤاله فى عرض كل المعلومات دى

**Egyzizo** · 29-09-2009 01:41 AM

أنا آخر حادثة ليا ، لبست فى أفيو حكومة بسبب ان الباشا افتكر ان فيه مطب قبلها بمتر وهو كان ماشى على 60 ، ومع ذلك أصر ياخده وهو واقف ومابصش فى المراية على الللى وراه .. أنا طبعاً كنت مهدى علشان المطب وكانت سرعتى 20 تقريباً فيا دوب كسرتله الاكصدام.

**محمد فريد** · 30-09-2009 01:44 AM

طبعا انت بتلمح المطب بمسافة كافية بتهدى بالفرامل بس بعد كده (رجلك دايما تبقى قريبة من الدبرياج لاى ظرف) تدوس دبرياج وتدى التانى وتهدى أكتر بالفرامل لغاية ماتعدى المطب بهداوةوترفع رجلك سنة سنة من على الدبرياج وتسند دواسة البنزين شوية وكمل بعد كده عادى

**dr.nemo** · 30-09-2009 06:16 AM

انا بهدي واخد الثاني او اخليني على على الغيار بتاعي على حسب المطب اللي قدامي
طبعا لما تفرمل وش العربية بيقرب من الارض أكتر
لكن انا عاوز أسأل لو انا اتفاجأت بالمطب واستعملت
فرامل الموتور هل وش العربية بينزل برضه ولا لأ؟؟؟

**kasten** · 09-10-2009 07:46 PM

شكرا على المعلومات وان كانت بسيطه فهى مفيده جدا

**teto2007** · 23-10-2009 10:05 AM

سلام عليكم لو سمحتم يا اخوانى ليا استفسار بسيط عند العبور من على المطب مثلا انا هديت جدا وكانت سرعتى اقل من عشرين وانا على الغيار التانى ممكن اجيب الغيار الاول ولا دة غلط انا سمعت انى مجبش غيار اول الا عند الطلوع فقط فهل دة كلام صح ولا غلط ولا ممكن ادى غيار من التانى الى الاول عادى وانا مهدى خالص ومدى سرعة الاول ارجو الافادة وشكرا