انا روحت امبارح لبريدجستون و ظبطولى الزوايا

**medo980** · 23-05-2009 03:53 PM

السلام عليكم ورحمة الله وبركاتة تحية طيبة للأخوة الأحباب انا روحت امبارح اظبط الزوايا عند توكيل بريدجستون الى فى عمارات العبور صلاح سالم بجانب توكيل توكيل جاجوار بصراحة ناس محترمين جدا جدا وشغلهم مظبوط جدا اول لما روحت قالولى لازم نظبط خلفى وامامى قولتليهم خليها امامى بس مش لازم خلفى قالولى لأ مش هينفع لازم تظبط الأتنين مع بعض عشان الأمامى بيتظبط مع الخلفى قولتلهم ماشى شاف الخلفى الأول قالى تمام الزوايا الخلفى مظبوطة مش محتاج ظبط بعد ما عملها قياس على الكمبيوتر بعد كدة طلع قدام قالى انت عندك عجلة مقدمة سنة قدام عن التانية وظبطها وعندى سنة حدفة شمال وظبطها و قالى انت عملت شغل قريب فى العفشة قولتلة اه قالى عشان فى مساعد مش مربوط كويس وبعد ما خلص ربطلى العفشة كلها وبعد كدة قاس تانى على الكمبيوتر و قالى كدة تمام الموضوع اخد منى تلت ساعة عندهم بس بصراحة فاهمين شغلهم ومحترمين قوى.
معلش نسيت اقول معلومة سألت عليها المهندس المسئول عن موضوع ملىء الإطارات بالنيتروجين انا سألتة اية الفرق بين الهواء العادى و النيتروجين قالى الهواء العادى مع الحرارة العالية بيتمدد و بيزود ضغط الإطار اما النيتروجين بيفضل على نفس الضغط المملوء به الإطار ولا يتغير بالحرارة ولا البرودة وسالتة عن موضوع انة هل بيفرق فى موضوع المطبات ( المطب بيكون ناعم شوية او بمعنى تانى بيريح العربية فى المطبات ) و ثبات العربية قالى اطلاقا مالوش اى علاقة بكل دة اللأختلاف الوحيد بينة وبين الهواء العادى هو احتفاظة بضغط الأطار كما هو فقط لاغير هو قالى ان فى مراكز بتقول الكلام دة بتاع انة بيريح العفشة وبيدى ثبات للعربية عشان تجيب اكتر عدد من الناس لملىء الأطارات بالنيتروجين.
انا حبيت اعرفكم تجربتى مع ظبط الزوايا مع توكيل بريدجستون

**medo980** · 23-05-2009 03:56 PM

اه معلش نسيت اقولكم انهم اخدو منى حساب ظبط زوايا امامى بس عشان معملوش ظبط خلفى عشان مظبوط والفاتورة ب 25 جنية

**Amera** · 23-05-2009 04:39 PM

شكرا ليك يا medo على عرض تجربتك بالتفصيل .

**MoMohsen** · 23-05-2009 06:44 PM

انا عارف ان الناس دة محترمة بس للاسف اللى حصل معايا غير كدة.
انا كنت عامل شغل عفشة فى عربيتى ورحت اظبط زوايا فى فرع عباس العقاد.المهم الصنايعى قاس و قالى عندك درجة يمين و هنظبطها.المهم قعد 5 دقائق و قالى انا كدة ظبطها و دفعت الحساب و مشيت المهم و انا ماشى لقيت العربية بتحدف بردة.
رجعتلو تانى يوم قام قالى انا قولتلك هى فيها سنه صغيرة و هتظبط معاك مع الوقت.
كلمت العفشجى قام قالى الصنايعى دى بيشتغلك و المساعد فيه رجلاش كان ممكن يظبط منه بس هو ريح دماغة.

**El.Hossieny** · 24-05-2009 12:33 PM

المشاركة الأصلية كتبت بواسطة MoMohsen

انا عارف ان الناس دة محترمة بس للاسف اللى حصل معايا غير كدة.
انا كنت عامل شغل عفشة فى عربيتى ورحت اظبط زوايا فى فرع عباس العقاد.المهم الصنايعى قاس و قالى عندك درجة يمين و هنظبطها.المهم قعد 5 دقائق و قالى انا كدة ظبطها و دفعت الحساب و مشيت المهم و انا ماشى لقيت العربية بتحدف بردة.
رجعتلو تانى يوم قام قالى انا قولتلك هى فيها سنه صغيرة و هتظبط معاك مع الوقت.
كلمت العفشجى قام قالى الصنايعى دى بيشتغلك و المساعد فيه رجلاش كان ممكن يظبط منه بس هو ريح دماغة.

نفس الموقف حصل معايا في نفس الفرع و اكيد نفس الصنايعي

**أشرف العدوي** · 24-05-2009 01:38 PM

معلش نسيت اقولكم انهم اخدو منى حساب ظبط زوايا امامى بس عشان معملوش ظبط خلفى عشان مظبوط والفاتورة ب 25 جنية

25 جنيه بس
انا كدة اتنصب عليا رسمي
روحت بنزينة التعاون الي في الدقي و خد 110 جنيه و قالي بردو في عجلة مقدمة و عجلة ملوحة لتحت

**medo980** · 24-05-2009 04:10 PM

ده فين ابو حطب ده يا باشا

**Abdo_Eldesokey** · 24-05-2009 05:58 PM

ده أشهر واحد في المنصورة يا باشا ... معلش نسيت أكتب في المنصورة

**MoMohsen** · 24-05-2009 09:33 PM

المشاركة الأصلية كتبت بواسطة El.Hossieny

نفس الموقف حصل معايا في نفس الفرع و اكيد نفس الصنايعي

فعلا انا اضايقت اوى لما حسيت ان اضحك عليا .وخصوصا ان الحوار مكنش هياخد منه اكتر من 5 دقايق زيادة.
بس يالا اهو الواحد مبتعلمش ببلاش

-

الموضوع: انا روحت امبارح لبريدجستون و ظبطولى الزوايا

LinkBack

أدوات الموضوع

عرض

-

-

-

-

-

المواضيع المتشابهه

غيرت لبريدجستون والعربية بتعوم

روحت اسكندرية

زياره خاطفه لبريدجستون مدينه نصر بعد تغيير جوان الكارتيره

( saga ) روحت امبارح عز العرب فرع مدينة نصر عشان الساجا , و زعلان من سياسة عز العرب

امبارح كان يوم اعجب من العجب روحت البيت في 3 ساعات

الكلمات الدلالية لهذا الموضوع

المفضلات

المفضلات

ضوابط المشاركة