رخيص و كويس ....بس طلع ............*...تشتريه ؟

**Ahmed Samy** · 23-05-2009 11:35 PM

كنت بادور في الانترنت على بديل لـلـV-Kool
لاقيت بديل رخيص فعلا و خصائصة مناسبة جدا بالنسبة لسعره ...

سعره كام ...

تخيل ... 96 سنت للقدم المربع ...يعني 30 سنتي في 30 سنتي تقريبا بخمسة جنيه و فكة

يعني تقريبا 100 150 جنيه تعمل العربية كلها ..

وده كان رده عليا ..... اقراه للأخر

أيوة ..........طلع اسرائيلي

ايه رأيكو ...ابعت اقوله متشكرين ...!

ولا اطنشه ؟!!!

ولا أقوله ما بنحبش نشتري حاجاتكو ؟؟؟

**theking2690** · 23-05-2009 11:40 PM

طنشهههههههههههههههههه و قولو انا هجيب الفى كول

23-05-2009 11:42 PM

إبعت له سي دي شعبان عبد الرحيم
بس هو مش موضح (باكج) الأمراض اللي معاه زي زراعاتهم اللي بلو الناس بيها

**أشرف فتحى** · 23-05-2009 11:52 PM

حسبى الله ونعم الوكيل.......!!!

حتى لما نلاقى الحاجه رخيصه نلاقيها عند الاعداء ....
الناس دى بيصدروا لينا حاجات كتير يا جماعه والله يرحم إتفاقيه الكويز والمنطقه الحره بتاعه مدينه نصر !!

**Shikaz** · 24-05-2009 12:05 AM

انا ليا رأى مختلف
إن الذكاء و الحكمه يقول إنك تشترى
الناس ده تفوقت علينا عشان عندهم حكمه
و شراء منهم مش بيعنى إنك بتحبهم
بس مش طالبه يبعتولك من هناك... قلق

الرسول كان بيتاجر مع الكل

**ainshouka** · 24-05-2009 12:21 AM

المشاركة الأصلية كتبت بواسطة shikaz

انا ليا رأى مختلف
إن الذكاء و الحكمه يقول إنك تشترى
الناس ده تفوقت علينا عشان عندهم حكمه
و شراء منهم مش بيعنى إنك بتحبهم
بس مش طالبه يبعتولك من هناك... قلق

الرسول كان بيتاجر مع الكل

الرسول صلى الله عليه وسلم كان فعلا بيتاجر مع الكل ومن كل الملل الاخرى لكن المسالمين وليس المحاربين
واسرائيل عمرها مكانت مسالمه ابدا حتى لو كان مبينا اتفاقية سلام لان مصر جزء من الدول الاسلامية ولما بيكون فيه مسلمين بيتقتلوا وبيشردوا جنبنا على ايد اليهود دول يبقى مينفعش نتعامل معاهم
وبعدين فيه حاجه غريبه اشمعنى المصنع فتح فى اسرائيل بالذات دونا عن باقى الدول المجاوره اللى ممكن يكون فيها استقرار افضل من اسرائيل

انا رأى ان احمد سامى يبعتلهم ويقولهم انه مش حيشترى عشان النتج دا من اسرائيل عشان يكون موقفنا واضح ومعروف ليهم

**Sharky** · 24-05-2009 12:19 PM

المشاركة الأصلية كتبت بواسطة أشرف فتحى

حسبى الله ونعم الوكيل.......!!!

حتى لما نلاقى الحاجه رخيصه نلاقيها عند الاعداء ....
الناس دى بيصدروا لينا حاجات كتير يا جماعه والله يرحم إتفاقيه الكويز والمنطقه الحره بتاعه مدينه نصر !!

إنت حتقولى على المنطقة الحرة
دول بانين مصنع يا جماعة هناك و مشغلين فيه مصريين علشان العمالة عندنا أمهر و أرخص من هناك

**Mohamed.Fawzy** · 24-05-2009 12:29 PM

اعتقد ان الموضوع ده مش من الضروريات قوى ما احنا طول عمرنا ماشيين من غيره
ولكننا ايضا نلاحظ الأرتفاع فى درجات الحراره كل عام عن العام السابق

عموما انا شايف اننا لو مركبناهوش مش هنموت و بالتالى هو ليس من الضروريات و بالتالى مش ممكن نلجأ لهؤلاء ال ......... علشان حاجه زى كده

**nasroo** · 24-05-2009 12:33 PM

أقوله ما بنحبش نشتري حاجاتكو

انت قوله ان فعلاً المنتج منافس وسعرة كويس جداً وان انا عرضت الفكرة على ناس كتير في مصر واتحمسوا بس
رفضوا لانه اسرائيلي واحنا لو شفناكم هنا هنقطعكم يا ولاد التيييييييييييت يا تيييييييت