رخيص و كويس ....بس طلع ............*...تشتريه ؟

**nasroo** · 28-05-2009 11:30 AM

المشاركة الأصلية كتبت بواسطة onsi

تقدر تستحمل شوية الحر او لسعة الكرسى لكن اللى عندة اطفال يبقى اعتقد انة ضرورى ليهم على الاقل

انا استحمل لسعة الحر وولادي كمان يتلسعوا احسن ما اطفال غزة يتحرقوا

وبعدين هنفرض ان مفيش نوع دواء معين او اكل معين غير فى اسرائيل فقط نعمل اية واحد هيقولى يبقى احنا مضطريين فى الحالة دى فقط عشان نعيش هقول برضة احنا عايزين نشتريية من هناك مخصوص عشان رخيص وبدل ما تدفع 4000 جنية او 5000 يبقى انتى وعيالك اولى بيهم

انا اخسر فلوسي وارميها واحرقها قدام عيني ولا اديها لاسرائيلي يقتل بيها طفل فلسطيني - ولو خايف اوي على الفلوس يبئا بلاها خالص حتة اللزقة اللي هتمنع عني الشمس دي
وبعدين انا استحمل الشمس ولا استحملش جهنم
ده رأيي ولحضرتك رأيك

**HamadaMOMO** · 28-05-2009 01:01 AM

ياريت يا مان تقولوا بجد انا ممكن اشترى الفى كول المتر 1000 ج ومش حاخد منتجك لو ببلاش

**memoz** · 31-05-2009 01:06 PM

ده لو هما اللي هيدوني 1000 جنيه في القدم انا مش هرضي
كل مليمبدفعه بدفعه للي قتل عساكرنا و جنودنا و قتل قرايبنا و اغلي الناس عندنا و هيشتري اسلحه يقتل بيه اخواتنا

**Tam** · 05-06-2009 06:24 AM

بصراحة بقى لو هيدوهولي ببلاش هاخد كمية كبييييييرةةةةة..
بعدين ألمهم على بعض..وأولع فيهم وأصورها وأبعتلهم الصورة وأكتب تحتها..

أأأااااااااا..ولعت في فلوسكوووووا :POINTI~2[2]::10D5C8~1107:

**MohamedGafar** · 05-06-2009 05:31 PM

معلش يا جماعة المفروض ما نبقاش عاطفيين وبس والمفروض نترجم أقوالنا لأفعال.... مثلا .... كام واحد فينا بيشرب سجائر أمريكية وكام واحد بيودي ولاده يفسحهم فى كنتاكي واللا مكدونالدز و وكام واحد راكب عربية من إنتاج أمريكي (زيي عشان محدش يزعل) مش الأوبل قبل كده كانت جي إم ؟؟؟... يعني إن (البعض) مننا عشان برضه محدش يزعل ،بيساهم بطريقة غير مباشرة فى الإقتصاد بتاعهم وفى النهاية أنا قطعا ضد شراؤه من هناك بس اللى حيبعت يجيبه من أمريكا - وممكن برضه يكون إنتاج إسرائيلي ومانعرفش - بيتباع هنالك.... يقوللى :-)

تحياتي.

**MoToRiZeR** · 05-06-2009 06:21 PM

ان مع إننا نقول سوري و خلاص من غير ما ندخل سياسة و غزة و كلام كدة

لأننا بنتعامل مع أشخاص و منعرفش طبيعة الشركة و ميخصناش الموضوع .. إحنا بنرفض الموضوع خلاص نقول سوري و متشكرين يا عم .. يعني هل يتخيل حد إنه بيسوق لمنتج بيصنعه في مصر و يبعته لشركة أمريكية يقوموا يقولوا لأ يا مسلمين و يبعتولوا صورتين من ضحايا برجين 11 سبتمبر ؟! هيبقي رد في غير محله يعني .

و زي ما قال العضو اللي قبلي مشكوراَ .. إحنا بنغذي إسرائيل إقتصادياَ بطرق مباشرة و غير مباشرة .. بس هي الفكرة في المنتج ده إنه مصرح إنه من إسرائيل مباشرة .

ثم يا جماعة عايز أقول إن معظم الكيانات الإقتصادية في العالم قائمة علي إستعباد و نسف كامل لحقوق الإنسان .. يعني اما تشتري كوتشي أديداس صحيح إنت مدفعتش حاجة لإسرائيل إنما شجعت منتج بيقوم علي مصانع في دول أسيوية الحكومات فيها بتشغل الشعب بقوة الجيش و تخليهم يشتغلوا بالعافية و بأجر يكاد لا يذكر - 30 سنت في الساعة - و بتشتغل لصالح شركات و كيانات إقتصادية و كروش عمالة تكبر في أمريكا و أوروبا اللي مش عاملين المصانع في دولهم عشان العمالة عندهم عالية فا متعاقدين مع "حكومات" أخري تشغل "شعوبها" عندهم .. و إنت بتروح و بكل بساطة تشتري المنتج و تمشي و بتزود المأساة دي.

ثم إن إحنا شعب مش عارف يدافع عن حقوقه هو نفسه أصلاَ .. و مع إحترامي كل الأعضاء بيشتروا منتجات أمريكية و يهودية من الباطن و منتجات تسئ للإنسانية إن لم تكن أمريكية صهيونية .. لأن هي دي اللعبة في 2009 و من زمان .. مين يقدر يستعبد مين .. و مش مشكلة لو مش عايز يشتري منتجات إحنا عاملنها في إسرائيل .. نخليه يشتري منتجات بنعملها بإستعباد الأطفال في أندونيسيا و إحنا اللي عاملنها برضه .. و نبقي إستعبدناه هو نفسه إقتصادياَ .

و كم من الأعضاء صلح عربيته عند ميكانيكي هنا في مصر مشغل عنده عيل صغير لو غلط صاحب الورشة بيعذبه بمعني الكلمة! أشكال اللإنسانية كتير و إحنا بنغذيها بكل أشكالها سواء ورشة أو مؤسسة عالمية أو حتي دولة كاملة .

انا مش ببرر شراء منتجات صهيون علي العكس انا ضدها تماماَ بس انا مستغرب من حالة الحماس في رفضها في حين إننا بنشتري منتجات أخري تغذي الأشكال الدموية في العالم في منتهي السعادة و بنسكت علي حقوق كتير لينا و لكن فيه مواقف بنتحمس فيها بحماس منقطع النظير ! و برضه بدون فائدة ! و طول ما مفيش صناعة وطنية ملناش صوت ..و طول ما في فساد مفيش صناعة وطنية .. و دوخيني يا لمونة .

معلش يا جماعة أصل الموضوع فكرني بمشهد من فيلم "معلش إحنا بنتكلم" اما واحد أعمي بيلعب دومينوز مع القرموطي فا واحد جي يقوله .. بتلعب دومانا مع أعمي .. قام خده علي جنب و قاله إيه اللي بتقوله ده .. إزاي تقول أدامه كدة .. إحنا مخبيين عليه إنه أعمي !!

**MohamedGafar** · 06-06-2009 09:29 AM

المشاركة الأصلية كتبت بواسطة motorizer

ان مع إننا نقول سوري و خلاص من غير ما ندخل سياسة و غزة و كلام كدة

لأننا بنتعامل مع أشخاص و منعرفش طبيعة الشركة و ميخصناش الموضوع .. إحنا بنرفض الموضوع خلاص نقول سوري و متشكرين يا عم .. يعني هل يتخيل حد إنه بيسوق لمنتج بيصنعه في مصر و يبعته لشركة أمريكية يقوموا يقولوا لأ يا مسلمين و يبعتولوا صورتين من ضحايا برجين 11 سبتمبر ؟! هيبقي رد في غير محله يعني .

و زي ما قال العضو اللي قبلي مشكوراَ .. إحنا بنغذي إسرائيل إقتصادياَ بطرق مباشرة و غير مباشرة .. بس هي الفكرة في المنتج ده إنه مصرح إنه من إسرائيل مباشرة .

ثم يا جماعة عايز أقول إن معظم الكيانات الإقتصادية في العالم قائمة علي إستعباد و نسف كامل لحقوق الإنسان .. يعني اما تشتري كوتشي أديداس صحيح إنت مدفعتش حاجة لإسرائيل إنما شجعت منتج بيقوم علي مصانع في دول أسيوية الحكومات فيها بتشغل الشعب بقوة الجيش و تخليهم يشتغلوا بالعافية و بأجر يكاد لا يذكر - 30 سنت في الساعة - و بتشتغل لصالح شركات و كيانات إقتصادية و كروش عمالة تكبر في أمريكا و أوروبا اللي مش عاملين المصانع في دولهم عشان العمالة عندهم عالية فا متعاقدين مع "حكومات" أخري تشغل "شعوبها" عندهم .. و إنت بتروح و بكل بساطة تشتري المنتج و تمشي و بتزود المأساة دي.

ثم إن إحنا شعب مش عارف يدافع عن حقوقه هو نفسه أصلاَ .. و مع إحترامي كل الأعضاء بيشتروا منتجات أمريكية و يهودية من الباطن و منتجات تسئ للإنسانية إن لم تكن أمريكية صهيونية .. لأن هي دي اللعبة في 2009 و من زمان .. مين يقدر يستعبد مين .. و مش مشكلة لو مش عايز يشتري منتجات إحنا عاملنها في إسرائيل .. نخليه يشتري منتجات بنعملها بإستعباد الأطفال في أندونيسيا و إحنا اللي عاملنها برضه .. و نبقي إستعبدناه هو نفسه إقتصادياَ .

و كم من الأعضاء صلح عربيته عند ميكانيكي هنا في مصر مشغل عنده عيل صغير لو غلط صاحب الورشة بيعذبه بمعني الكلمة! أشكال اللإنسانية كتير و إحنا بنغذيها بكل أشكالها سواء ورشة أو مؤسسة عالمية أو حتي دولة كاملة .

انا مش ببرر شراء منتجات صهيون علي العكس انا ضدها تماماَ بس انا مستغرب من حالة الحماس في رفضها في حين إننا بنشتري منتجات أخري تغذي الأشكال الدموية في العالم في منتهي السعادة و بنسكت علي حقوق كتير لينا و لكن فيه مواقف بنتحمس فيها بحماس منقطع النظير ! و برضه بدون فائدة ! و طول ما مفيش صناعة وطنية ملناش صوت ..و طول ما في فساد مفيش صناعة وطنية .. و دوخيني يا لمونة .

معلش يا جماعة أصل الموضوع فكرني بمشهد من فيلم "معلش إحنا بنتكلم" اما واحد أعمي بيلعب دومينوز مع القرموطي فا واحد جي يقوله .. بتلعب دومانا مع أعمي .. قام خده علي جنب و قاله إيه اللي بتقوله ده .. إزاي تقول أدامه كدة .. إحنا مخبيين عليه إنه أعمي !!

صح .... الإزدواجيه فى كل شئ!

**hani945** · 06-06-2009 10:25 AM

يا جماعة الناس ديه بتهمها الفلوس وبس
مش معنى إن المنتج ده رخيص يبقى مغرى والجودة بتاعته كويسه ، إنتوا لازم تكونوا أقوى من كده
المنتجات اللى هما عاوزين يصدروها عندنا ممكن تكون فيها حاجات سامة وخطرة على صحة الإنسان ، هو حد شاف المنتج ده بيتعمل إزاى والمواد اللى بيتكون منها دى عبارة عن إيه ؟؟
الناس دى بتكرهنا ، محدش يشترى حاجة منهم
أنا للأسف رأيت منظر فى المواصلات من حوالى 5 سنوات خلانى حزين جداً
الراجل السواق بتاع العربية الميكروباص اللى أنا كنت جاى فيها
وجدته معلق قطعة على المراية بتطلع ريحة معطرة علشان تخلى العربية ريحتها حلوة ، وعينى نزلت على القطعة دى والهوا عمال يلفها يمين وشمال وفجـــأة وجدت الكتابة اللى عليها باللغة العبرية

**mahmoudbadr** · 06-06-2009 05:30 PM

أفتكر ان الموضوع مش مستاهل ان يعرض للمناقشة لأن الكل متفق على اننا نتحمل الحر ألف مرة ولا اننا نتعامل مع الصهاينة( مش اليهود) طبعا لألألألألألألألألألألألأل ألألألألألألألألألألألألأ لأ مهما تكون الحرارة و مهما يكون حتى ببلاش