انا عربيتى ماتريكس 2008
الى عجبنى فيها شكل جديد ثانيا انا طويل لما ركبتها فى المعرض عجبتنى قوى قعدتها وراحتها فى الخروج والدخول واتساعها الداخلى
عاملة معايا 40 الف كيلو وماشاء الله مفيش اى مشاكل الحمد لله ربنا يديمها على كدة
انا ظروف شغلى بتمشينى فى طرق بجد مش طرق عبارة عن مطبات جواها طرق
الثبات كويس حلوة قوى فى المناورات تكيفها ثلاجة
المشكلة الى بتقابلنى هى عفشتها ناشفة شوية بس دة يمكن الى مخليها تصمد معايا فى الطرق دى
الزجاج الجانبى اكبر من اى زجاج سيارة اخرى ودة بيخليك متقدرشى تفتح الزجاج وانت ماشى بسرعة بتحس بهوا شديد جوة العربية
ويمكن استهلاك البنزين بيزيد شوية على السرعات الى فوق ال 120 كيلو
غير كدة الحمد لله مفيش حاجة ظهرت
المفضلات